Proverbios 5:22 - Qullan Arunaca

²² Jucha lurir jakerusti pachpa ñankha luratapaw catunti; jupan jucha luratapasti chinuñar uñtataw chinjjäsi.

Aymar Bibliia 1986

²² Jucha lurir jakerusti pachpa ñankha luratapaw catunti; jupan jucha luratapasti chinuñar uñtataw chinjjäsi.

Qullan Arunaka DC

²² Ñanqha lurir jaqirux pachpa ñanqha luratapaw katunti; pachpa jucha luratapaw chinuñar uñtat chinxäsi.

Proverbios 5:22 Jak'a apnaqawi uñst'ayäwi

1 Reyes 18:18

—Ucjjarusti Eliasajj sänwa —Janiw nayäcti ch'ajjwayirejja, jan ucasti juma, uqhamarac jakenacamawa ch'ajjwayasipquejja Tatitun camachi arunacapa apanucusina, uqhamarac Baal diosan walja lantinacaparu yupaychasina.

Ester (hebreo) 9:25

Ucampis cunapachatejj Ester reynajj reyin ucaru uñstcäna ucqhajja, jupasti mä carta tokew mayïna Amán chachajj cuna jan wali lurañanactejj judionac toke luraña amtcatayna uca jan walinacajja jupjjaruw jutäna. Uqhamatwa Amán chachampi, wawanacapampejj jaychcatasina warccatatänjja.

Job 18:8

Sarnakäwiparusti mä känaw tincuñapataqui uscutaraquïni, uca känaru catuntataw uñjasiraquini.

Salmos 40:12

jan jact'cay llaquinacaw muyuntitu, juchanacajjaw jatjjattitu, janiw ucanac jact'irjamäcti; pachpa juchanacajjaw catuntitu, juyqhur uñtataw jicjjatasta. P'eke ñic'utajjat sipan juc'amp jilawa, ch'amasti pist'araquituwa.

Salmos 9:15

Jumar jan uñt'ir marcanacajj jupanacan waquichat sipitaruw jalantapjje, cayunacapajj sipitrantataw uñjasi, jupanacan imantat pachpa sipitaparu.

Salmos 9:17

Ñankha lurir jakenacampi, Diosar jan uñt'irinacampejj jiwañ mic'ayaruw chhaktapjjani, Diosat armt'asir jakenacajj wiñay jiwampiw tucusipjjani.

Proverbios 1:18

ucampis uca jakenacajja jupanac pachpataquiquiw sipita waquichasipjje, ucatsti jacañanacapjja jan walt'añanacaruwa puriyapjje.

Proverbios 11:3

Cheka sarnaker jakenacarojj cheka cancañapawa irpi; c'ari sarnaker jakenacarusti c'ari cancañapawa tucji.

Proverbios 11:5

Cheka cancañajj asqui jaken thaquipjja chekaptayiwa, ucampis jucharar jakejj jupa pachpan jan wali luratap laycuw aynacht'i.

Proverbios 11:6

Cheka sarnaker jakenacarojj cheka cancañawa khespiyani, ucampis juc'ampi munir jakenacarojja pachpa juc'ampi munatapaw catjascani.

Proverbios 12:14

Sapakata jakewa apthapi parlatapatjama, luratapatjamaw catokaraquini.

Proverbios 14:32

Ñankha jakerojj jupa pachpan ñankha luratapawa tucjasqui, ucampis cheka lurir jakerojja cheka luratapawa arjjati.

Proverbios 18:7

Jan amuyt'an jakejj parlatapampejja jupa pachpa tucjatäñaruwa purisqui; parlatapampejja mä lazompjamawa cuncaparu uchantasisqui.

Proverbios 24:12

Jumajj sascamsa: “Janiw cunsa yatcäyätti” sasa, ucampis Tatitojj chuymamjja uñt'iwa, yatiraquiwa cunjämattejj khespiyascasamäna ucsa. Tatituwa sapa mayni jakenacarusa luratapatjama churi.

Proverbios 26:27

Qhititejj mä p'iya allini ucajja, uca pachparuwa jalantani; qhititejj mä jach'a kala korumt'aycani ucajja, uca pachpa kalawa jupjjaru jaljjattani.

Eclesiastés 7:26

Jiwañat sipansa juc'amp jan wali jicjjataracta, ucasti cawquïri warmitejj chuymapampejj mä sipitampjama sallkjqui, amparanacapampisa catuntcaraqui ucawa. Qhititejj Diosataqui asquïqui ucajja, uca warmitjja jaltaniwa, ucampis jucharar jakejj uca sipitaruw jalantani.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Lamentaciones 1:14

Juchanacajjsti Tatituw yatisqui, jupa quipcaraquiw uca juchanacjja chincatitu. Uca juchanacasti mä yugöcaspasa uqhamaw jatjjattaraquitu; ch'amas janiquiw utjcaraquituti. Pachpa Tatituw jupanacan amparaparu catuyaraquitu, janiw jichhajj uca juchat jaltcaraquiristti.

Abdías 1:15

Uca pachpa mayninacar lurctasa ucaraquiw jumarojj luratäni; ¡Jichhajj luratamatjamwa catokäta! “Take marcanacataquisti Tatitun urupajj niya jac'ancjjewa,

Números 32:23

Ucampisa janitejj uqham lurapcäta ucqhajj Tatitu contraw jucha lurasipcta, ucatsti mä uruw uca juchanacatjja mutuyäwejj purinini.

Hebreos 13:4

Casarasiñarusti takenirac respetapjjam, janirac casadöcasin yakhanacamp wachoka juchan sarnakapjjamti, Diosasti juchañchaniwa wachoka juch luririnacarojja.

Jueces 20:41

Ucat israelitanacasti cutjtapjjänwa nuwasiñataqui. Ucampis benjaminitanacajj ajjsarthapiyasipjjänwa jan walt'añajj jupanacaru jac'achanitapata.

Jueces 9:57

Uqhamarac Diosajj mutuyaraquïnwa Siquem marcanquir jakenacarojj jan wali luratanacapatjja. Uqhamaw Jotam sata Jerobaal chachan yokapan maldicitapajj phokhasïna.