Proverbios 3:3 - Qullan Arunaca

³ Janipuni cunapachas armasimti munasiñampita cheka cancañampita; ucanacsti mä collarjama cuncamar warcuntasim. Chuymamarusti ucanacjja sum imaraquim,

Aymar Bibliia 1986

³ Janipuni cunapachas armasimti munasiñampita cheka cancañampita; ucanacsti mä collarjama cuncamar warcuntasim. Chuymamarusti ucanacjja sum imaraquim,

Qullan Arunaka DC

³ Janipun kunapachas armasimti munasiñampita, chiqa kankañampita; mä wallqar uñtat kunkamar ukanak warkuntasim. Chuymamar ukanak sum imasirakim,

Proverbios 3:3 Jak'a apnaqawi uñst'ayäwi

2 Samuel 15:20

Wasüruquiw purisinctajja, ¿cunjämraqui jichhasti mayïma nayampi chica cawquicamas sarañamataquisti? Walïspaw cuttjjañamajja, ucatsti marca masi jakenacamsa jumampi chica cuttayasjjam. ¡Tatitusti jumarojj bendispan uqhamaraqui jumampipunïpan! —sasa.

Salmos 119:11

Chuymajjaruw arunacam imta, juma contra juch jan lurañajjataqui;

Salmos 25:10

Tatitojj qhuyapayasiñamp asqui cancañampipuniw irpi, arusjäwipamp arsutanacapamp imir jakenacarojja.

Salmos 85:10

Qhuyapayasiñamp asqui cancañampiw jiquisipjjani, sumancañamp chekapar uñjañampiw mayacht'asipjjani,

Éxodo 13:9

‘Jumanacasti amparanacamaru, uqhamarac para patanacamaruw mä unancha apapjjäta, ucawa amtayapjjätam Tatitun camachipat parlapjjañamataqui, jupawa jach'a ch'amapampi Egipto marcatjja apsunipjjtamjja.

Éxodo 34:6

Tatitusti Moisesan nayrakatapanjja jach'atwa aqham sas art'asïna: —¡Dios Tatitusti, wiñay jaquiriwa, uqhamarac qhuyapayasiriraqui. Janiw janc'aqui colerasirïquiti, jan ucasti jach'a munasiriwa, uqhamarac chekaraqui!

Proverbios 1:9

Uca yatichäwinacasti jumataquejj mä suma c'achachäwïniwa, mä suma collarar uñtataraqui.

Proverbios 14:22

Qhitinacatejj ñankha luraña thakasipqui ucanacajja, thaquitjja maysaruwa saranucupjje; asqui luraña thakapqui ucanacasti qhuyapayasirïpjjewa, suma phokherïpjjaraquiwa.

Proverbios 16:6

Jucha luratarojja munasiñampi, cheka cancañampiwa pampachi; Tatitur ajjsaratap laycuwa maynejja jan walita jithekti.

Proverbios 20:28

Reyejja jaya maranacawa reyi konuñapanqui, cunapachatï munasiñampi, cheka cancañampi apnakqui ucqhajja.

Proverbios 6:21

Chuymamanjja catjjäsipunim aca ewjjanacjja, cuncaru warcuntasiraquim.

Proverbios 7:3

Ampar luc'ananacamaru chinuntasim jan armasiñamataqui, chuymamarusa sum catjjäsim.

Jeremías 17:1

“Judá marca, juchamajj hierro cincelampi kellkatawa, diamante puntampi kellkatawa, kala chuymamjjaru, altaranacaman wajjranacaparusa.

Oseas 4:1

Israel jakenaca ist'apjjam cuntejj Tatitojj sisqui ucjja. Jupajj jichhajj ch'ajjwaruw manti, qhitinacatejj aca marcan jacapqui ucanacampejja, jupanac pura jan sum sarnakapjjatap laycu, janiraquiw cheka chuymanïñas utjquiti, ni Diosar uñt'añas utjcjjaraquiti.

Malaquías 2:6

Leví tribusti cunatejj chekapäqui ucwa yatichäna, janiraquiw lacapansa jucha parlañajj utjcänti. Nayampisti suma samarañ arust'äwinrac jacaraquïna, ucatsti waljaniruraquiwa jucha lurañat jithektayaraquïna.

Mateo 23:23

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj jisc'a achunacatwa diezmo churapjjtajja, menta, anís, comino ucanacata, ucampis janiw jaysapctati cunatejj leyinjja wali asquïqui ucjja. Cawquïritejj chekäqui, qhuyapayasiñäqui, iyawsañäcaraqui ucjja apanucupjjtawa. Acanacawa lurapjjañamänjja, maya lurañanacjja jan jaytanucusa.

2 Corintios 3:3

Uca cartasti jumanacäpjjtawa pachpa Criston kellkataraqui, nanacan churataraqui. Uca cartajj janiw tintampi kellkatäquiti, jan ucasti jacquir Diosan Ajayupampi kellkatawa. Uca cartajj janiw kalar kellkatäquiti jan ucasti jakenacan chuymapar kellkatawa.

Efesios 5:9

Uca khanasti qhuyapayasiña, cheka cancaña uqhamarac suma jacañwa utjayaraqui.

Deuteronomio 6:8

Uqhamaraquiwa uca camachi arunacjja amparamaru ñach'antata aparaquïta, paramansti mä chimpur uñtata.

Hebreos 10:16

“Jupanacamp uca arust'äwi lurcä ucajja, uca khepa urunacanjj aqhamäniwa, siw Tatitojja: “Arunacajj-jja chuymanacaparuw uscü, p'ekenacaparuw kellkantaraquï.