Proverbios 3:3 - Qullan Arunaka DC

³ Janipun kunapachas armasimti munasiñampita, chiqa kankañampita; mä wallqar uñtat kunkamar ukanak warkuntasim. Chuymamar ukanak sum imasirakim,

Aymar Bibliia 1986

³ Janipuni cunapachas armasimti munasiñampita cheka cancañampita; ucanacsti mä collarjama cuncamar warcuntasim. Chuymamarusti ucanacjja sum imaraquim,

Qullan Arunaca

³ Janipuni cunapachas armasimti munasiñampita cheka cancañampita; ucanacsti mä collarjama cuncamar warcuntasim. Chuymamarusti ucanacjja sum imaraquim,

Proverbios 3:3 Jak'a apnaqawi uñst'ayäwi

2 Samuel 15:20

Wasürukiw purisinktaxa, ¿kamisarak jichhürusti nanakamp chika sarañamatak mayïmasti? Janiw naya pachpas yatiskti kawksar sarataxsa. Kuttxakim, marka masinakamarus jumamp chik irpasxam. ¡Tatitusti jumar yanappan, jumamp chikapunïpan! —sasa.

Salmos 119:11

Chuymaxaruw arunakam imta, juma nayraqatan juch jan lurañataki;

Salmos 25:10

Tatitux khuyapayasiñampi aski kankañampipuniw irpi, arust'äwipampi, arsutanakapampi imir jaqinakaruxa.

Salmos 85:10

10 (11) Khuyapayasiñampi, aski kankañampix jikisipxaniwa, sumankañampi, chiqapar uñjañampiw mayacht'asipxani,

Éxodo 13:9

‘Aka uruyäwisti jumanakatakix amparanakamana, paranakaman mä chimpükaspas ukhamäniwa. Ukaw jumanakarux amtayapxätam Tatitun kamachi arupa wiñay parlapxañamataki, jupaw jach'a ch'amapamp Egipto markat irpsunipxtam.

Éxodo 34:6

Tatitusti Moisesan nayraqatap sarakipasin jach'at säna: —¡Tatituwa! ¡Tatituwa! ¡Munasiri, khuyapayasir Diosawa. Janiw jank'ak q'apisirïkiti, jach'a munasiriwa, chiqarakiwa!

Proverbios 1:9

Uka yatichäwinakapasti p'iqimatakix mä suma pillur uñtatäniwa, kunkaman mä suma wallqar uñtatarakïniwa.

Proverbios 14:22

Ñanqha lurañ thaqhirinakax, maysaruw saranukupxi; aski lurañ thaqhirinakasti munasiñampi, chiqampi jikxatapxi.

Proverbios 16:6

Munasiñampi, chiqa kankañampiw jucha luratarux pampachi; Tatitur axsaratap laykuw jaqix ñanqhat jithiqti.

Proverbios 20:28

Reyix jaya maranakaw reyi qunuñapanki, munasiñampi, chiqa kankañamp apnaqki ukapacha.

Proverbios 6:21

Aka iwxanak katxäsipunim, ukanakax chuymamankapunpan.

Proverbios 7:3

Ampar luk'anamar chinkatasim jan armasiñamataki, chuymaman sum katxäsim.

Jeremías 17:1

“Judá marka, juchamax hierro cincelampi qillqantatawa, qala chuymamxar diamante arimpi qillqantatawa, altaranakamas juchanakamampi qillqantatawa.

Oseas 4:1

Israel jaqinaka, Tatitun arunakap ist'apxam. Jupax jichhax aka markan jakirinakampiw ch'axwar manti, jupanak pura jan sum sarnaqapxatapata, jan chiqa chuymanïpxatapata, Tatitur jan uñt'apxatapata.

Malaquías 2:6

Leví sacerdotex kunatix chiqapäki uk yatichäna, janirakiw lakapan ñanqha parlañax utjkänti. Nayampisti sumana, aski samarañan jakarakïna, waljanirurakiw jucha lurañat jithiqtayäna.

Mateo 23:23

“¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakax menta, anís, comino uka achunakat sapa tunkat maya churapxtaxa, ukampis kamachin yatichäwiparux janiw yäqapktati: chiqapar uñjaña, khuyapayasiña, chiqpach jaqïña. Ukanak lurapxañamaw wakisixa, jan mayanak lurañ jaytanukusa.

2 Corintios 3:3

Ukax qhanakïskiwa, uka qillqatax jumanakäpxtawa, pachpa Criston qillqantata, nanak tuqi churataraki; uka qillqatax janiw tintampi qillqatäkiti, jan ukasti jakkir Diosan Ajayupampi qillqatawa; uka qillqatax janiw sillp'a qalanakar qillqatäkiti, jan ukasti, jaqinakan chuymanakapar qillqatawa.

Efesios 5:9

uka qhanax khuyapayasiña, chiqapar sarnaqaña, chiqa kankañ utjayi.

Deuteronomio 6:8

Uka kamachi arunaksti amparamaruw ñach'antasïta, paramaruw mä chimpur uñtat uchasirakïta,

Hebreos 10:16

“Kuna arust'äwtix jupanakampi khä urunakan lurkä ukax akhamäniwa, siw Tatituxa: “Kamachinakaxsti chuymaparuw uskü, amuyuparuw qillqantarakï.