Proverbios 24:12 - Qullan Arunaca

¹² Jumajj sascamsa: “Janiw cunsa yatcäyätti” sasa, ucampis Tatitojj chuymamjja uñt'iwa, yatiraquiwa cunjämattejj khespiyascasamäna ucsa. Tatituwa sapa mayni jakenacarusa luratapatjama churi.

Aymar Bibliia 1986

¹² Jumajj sascamsa: “Janiw cunsa yatcäyätti” sasa, ucampis Tatitojj chuymamjja uñt'iwa, yatiraquiwa cunjämattejj khespiyascasamäna ucsa. Tatituwa sapa mayni jakenacarusa luratapatjama churi.

Qullan Arunaka DC

¹² “Janiw kuns yatkäyätti” siskäta ukasa, Tatitux chuymam uñt'iwa, jupasti sapa mayniruw lurataparjam churani.

Proverbios 24:12 Jak'a apnaqawi uñst'ayäwi

Job 34:11

Jupajj sapakatarusa luräwipatjamwa pago churi; sapakata jakerusa cunatejj waquisqui ucwa churaraqui.

Salmos 121:3

Janipuniw jupajj tincuñam muncaniti, janipuniw jumar uñjirejj iccaniti.

Salmos 121:8

Tatituw mistutamsa, mantatamsa uñjascani, jichhürut wiñaycama.

Salmos 17:3

Jumaw takpach amuyunacajj yattajja, arumanacaw chuymajj uñaker jutista; ninampjamaw yant'ista, janiraquiw cuna ñankhsa jicjjatquistati.

Salmos 44:21

jumajj yatjjasamänwa, chuyma mankhanquir amtäwinac yatitam laycu.

Salmos 66:9

Jupaw jacañ wasitat churjjestu, janiw cayunacasan tincuñap munquiti.

Salmos 7:9

Chekapar uñjir Diosay, jumaw chuyma mankha amtäwinac uñanttajja; juchararanacan ñankha lurañanacap tucusiyam, asqui jakerusti thuruñchat sayt'ayam.

Salmos 94:9

Jinchu luriristi, ¿janit ist'canisti? nayranac utjayiristi, ¿janit uñjcanisti?

Proverbios 12:14

Sapakata jakewa apthapi parlatapatjama, luratapatjamaw catokaraquini.

Proverbios 16:2

Jaketaquejj cunanac luratapasa walicjamaquiwa, ucampis Tatitojj yatiwa amtäwinacapajj waliti jan ucajj janicha ucjja.

Proverbios 21:2

Jaketaquejj walicjamaquiwa take luratanacapajja, ucampis Tatitojj yatiwa jakenacan amtäwinacapjja.

Proverbios 5:21

Jaken sarnakäwipasti Tatitun suma uñjatawa, jupasti take luräwinacapwa uñji.

Proverbios 5:22

Jucha lurir jakerusti pachpa ñankha luratapaw catunti; jupan jucha luratapasti chinuñar uñtataw chinjjäsi.

Eclesiastés 5:8

Mä marcantï uñjsta pobreru t'akhesiyiri, uqhamarac cheka asqui lurañaru mayjt'ayirsa, jan muspharamti ucatjja, jilïrjjarusti imt'asquiwa mayni juc'amp jupat jilïri, ucatsti uca paninjjarusti mayni jupanacat juc'ampi jilïriraquiw imt'ascaraqui.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Jeremías 32:19

Jumajj amtäwinacamanjja jach'ätawa, luräwinacamansti ch'amaniraquïtawa. Jumaw sapa mayni jakeru luratanacap uñjtajja, ucatsti luratanacaparjamaraquiw cunsa churtajja.

Lamentaciones 3:36

chekaparu uñjäwi maysaru k'ewiñasa, Tatitunjja take ucanacajj juchañchatawa.

Daniel (hebreo) 5:23

Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Mateo 16:27

Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Hechos 17:28

Jiwasanacajj Diosanwa jacapjjtanjja, sarnakapjjaractanjja, utjapjjaractansa, cunjämtï jumanacan yakhep k'ochu kellkerinacamajj sapjjaraqui: ‘Diosan familiapätanwa’ sasa.

Romanos 2:16

Diosajj take jakenacan jamasan luratanacapa Jesucristo toke taripcani uca urojja, khespiyasiñ arunaca nayajj yatichcta uqhamarjama.

Romanos 2:6

Ucapachasti Diosajj churaniwa sapa maynirus luräwiparjama.

1 Corintios 4:5

Uqhamajj jumanacajj jan cunatsa mäqui juchañchapjjamti, jan ucasti suyt'apjjam Tatituru, jupaw take cunsa khanar apsuscani, cunatejj ch'amacan imantatäqui ucsa. Tatitojj take jakenacan amtatanacapsa khanaruw apsuni, ucatsti Diosajj sapakat maynirusa lurataparjamaraquiw uñjani.

2 Corintios 5:10

Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.

Apocalipsis 1:18

Nayajj jacasctwa jiwatäcchïyäta ucasa. Jichhasti wiñayataquiw jacascta. Jiwañan llavepsa nayaw catta, jiwatanacan utjäwipan llavepsa nayaw catta.

Apocalipsis 2:18

“Tiatira iglesiancquis uca angelarojj kellkasin apayaraquim aqham sasa: ‘Aqham siw Diosan Yokapajj, qhititï ninjam nayranïquis uqhamarac cayunacapas mä suma lliphipquir broncer uñtatäquis ucajja:

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.

Apocalipsis 22:12

“Nayasti janc'aquiw jutä. Sapa maynitaquiraquiw churäwi apanï luratanacaparjama churañataqui.

1 Samuel 16:7

Ucampis Tatitojj sänwa: “Jan jumajj uñnakapataqui, uqhamarac jach'a tansätapatacsa ajllimti, nayajj ucanacjja maysaruw apanuctjja. Janiw cuntejj jakejj uñcatqui uqhamäcaniti; jakejj uñnakacwa uñjejja, ucampisa nayajj jaken chuymapwa yatiractjja, ucwa uñjaractjja.”

1 Samuel 2:3

Jan qhitis jichhajj jach'achasiñampi parlpati, janirac qhitis sinti yatiñan tucpati, Tatitu Diosaw jichhajj take cunsa yati, juparaquiw jaken luräwinacapsa uñjaraqui.

1 Samuel 2:6

Tatituw jacañjja churi, juparaquiw apakjje; sepulturcamaw puriyistu, juparaquiw jacatatayaraquistu.

1 Samuel 25:29

Qhititejj jumaru arcanakätam, jan ucajj jiwayañsa munaraquïtam, ucapachajj chekpachansa juman jacañamajj Tatitu Diosan suma arjjatatäniwa. Juman uñisirinacamarusti Tatitojj k'orawampjamaw k'orawnucuni.