Proverbios 18:6 - Qullan Arunaca

⁶ Jan amuyt'an jakejj parlatanacapampejja jan walt'añaruwa manti, jan wali parlatapatwa jawk'jatas uñjasiraqui.

Aymar Bibliia 1986

⁶ Jan amuyt'an jakejj parlatanacapampejja jan walt'añaruwa manti, jan wali parlatapatwa jawk'jatas uñjasiraqui.

Qullan Arunaka DC

⁶ Jan amuyt'an jaqin parlatanakapax ch'axwañanak utjayi, jan wali arupasti tuqisiñanak utjayaraki.

Proverbios 18:6 Jak'a apnaqawi uñst'ayäwi

Proverbios 12:16

Jan amuyt'an jakejj mäquiwa cunatsa colerasi, ucampis ch'iqhi jakejja jan wali chuyma uscay arunacarojj janiw yäkquiti.

Proverbios 13:10

Jach'a jach'a tucuñajj nuwasiñanacacwa apani, ucampis yatiñ cancañajja llamp'u chuymaninacampiwa.

Proverbios 14:16

Yatiñan jakejj jan walirojja ajjsariwa, ucatsti jithektaraquiwa, ucampis jan yatiñan jakejj ch'amaparuquiw alcati.

Proverbios 14:3

Jan amuyt'an jakejja jach'a jach'a tucuñampiwa parli; yatiñan jaken arunacapasti arjjatañataquiwa.

Proverbios 17:14

Ch'ajjwaña kalltañasti, umasa jilarcaspa uqhamawa; uca ch'ajjwañata jithektañasti juc'ampi asquiwa.

Proverbios 19:19

Wali colerir jakejj mutuñ catokani; jan mutuyata kheparani ucasti, juc'amp jan waliruwa sarani.

Proverbios 19:29

Ñankha jan yäkasir jakenacataquejja jawk'jañ lawajj waquichatawa; jan amuyt'an jakenacataquisti asot'ejj jiqhanipataquejj waquichatawa.

Proverbios 20:3

Mä suma jach'añchäwiwa qhititejj ch'ajjwañanacaru jan mantqui ucataquejja; ucampis jan amuyt'an jakejja uca ch'ajjwañanacarojja mantañ munaquiwa.

Proverbios 22:10

Ñankha jakeru jakonucum, ucatsti tucusjjaniwa jachjayasiñanaca, uqhamarac ch'ajjwañanacasa, tokesiñanacasa.

Proverbios 25:24

Juc'amp asquiwa mä c'uchuna jacañajja, suma jach'a utana tokesir warmimpi jacañat sipana.

Proverbios 27:3

Kalasa, ch'allasa jathiwa, ucampis jan amuyt'an jaken colerasitapajj ucanacat sipansa juc'amp jathiwa.

Proverbios 29:9

Janiw walïquiti mä yatiñan jakena jan amuyt'an jakempi ch'ajjwañapajja; jan amuyt'ani jakejj colerasiwa, sawcasiraquiwa, ucatsti janiw cuna ascsa jupampejj apscaniti.