Proverbios 18:5 - Qullan Arunaca

⁵ Janiw asquïquiti taripirinacan juchan jaket arjjatañapajja; janiraquiw asquïquiti jan juchan jaken sarnakasiñaparus janiw sañajja.

Aymar Bibliia 1986

⁵ Janiw asquïquiti taripirinacan juchan jaket arjjatañapajja; janiraquiw asquïquiti jan juchan jaken sarnakasiñaparus janiw sañajja.

Qullan Arunaka DC

⁵ Taripirinakan juchan jaqit arxatañapax janiw askïkiti; jan juchan jaqin arsusitanakapar janiw sañas janirakiw askïkiti.

Proverbios 18:5 Jak'a apnaqawi uñst'ayäwi

Job 34:19

Jupajj janiw marca apnakerinacata arjjatasquiti, janiraquiw kamirinacarusa juc'ampi pobrenacat sipansa munasquiti, jupajjaya take jakerusa uscusiracchejja.

Salmos 82:2

“¿Cunapachcamarac jan wal taripapjjätasti? ¿Cunapachcamarac ñankha lurir jakenacar arjjatapjjätasti?

Éxodo 23:2

“Janiw arcätati ñankha luririnacarojja, jupanacajj waljanïpcchi ucasa; arsüwimansti chekaparu arsuraquim jan jupanacar jaysasa.

Éxodo 23:3

Uqhamaraqui chekaparu uñjañansti janiw pobrenacatsa arjjatasïtati.

Éxodo 23:6

“Pobre jaken ch'ajjwañapansti janiw chekaparu arsusitanacapjja jan waliru k'ewïtati.

Proverbios 17:15

Walwa Tatitojj uñisi aca paya luräwinacaru: jucharar jaker asquit uñt'aña, asqui jaker juchañchaña.

Proverbios 17:26

Jan juchanir multa apsuñajja janiw walïquiti, janiraquiw aytata jakeru jawk'añas walïquiti.

Proverbios 24:23

Acanacajj yatiñan jakenacan säwi arunacaparaquiwa: Tribunalanacanjja takenirusa chekaparu uñjatäñapawa waquisi.

Proverbios 28:21

Janiw jake masi ajlliñajj walïquiti, uqhamatwa mä juc'a mank'a laycusa juchar puriñajj utji.

Proverbios 31:5

uqham machasin ewjja arunacjja armasipjjaspa, ucatsti llaquitanacaru chekapar uñjañäqui ucsti janiw chekapar uñjcjjapjjaspati.

Isaías 5:23

Jumanacasti juchan jakerojj kollke laycojj jan juchan mistuyapjjtajja, jan juchanïqui ucanacarusti juchañchapjjaractawa.

Isaías 59:14

Cunatejj chekapäqui ucasti jisc'achataraquïnwa, cunatejj chekapäqui ucsti jayaruquiw utjaytanjja, cheka chuymanïñasti plazanjja janiw walt'ayquistänti, jan lunthatäñasti janiraquiw acanccaspati.

Levítico 19:15

“Cunapachatejj mä queja t'akjäta ucapachasti jan ñankhanacjja luramti; janiraqui pisi ch'amanirusa arjjatamti ni munañanina nayrakataparusa alt'asimti. Cunapachatejj mä queja uñjcäta ucapachasti cunatejj chekapäqui ucaru jaysasa luram.

Miqueas 3:9

“Ist'apjjam jichhajj aca arunaca Israelan marca apnakerinacapa, uqhamarac jilïrinacapa, jumanacasti cunatejj chekäqui ucjja uñisipjjtawa, uqhamarac cunatejj asqui lurañäqui ucsa maysaruw k'ewipjjtajja.

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Mateo 22:16

Mä kawkha jupanacanquiritwa qhitapjjäna, uqhamarac Herodesanquirinacatsa Jesusajj ucaru aqham saniñapataqui: —Yatichiri, yatipjjtwa jumajj chek arsurïtamjja, uqhamarac Diosan thaquipatsa wali sum yatichatamjja jakenacajj arusquis ucanacar jan ist'asa. Janiraquiw jumajj jakenacarus alek uñcatasaqui uñjctati.

Deuteronomio 16:19

Cheka cancañsti jan jumanacajj maysaru uñtayapjjamti, janiraqui jumanacajj maynit arjjatasisa, maynirusti uñisisaraqui jakenacarojj uñjapjjamti ni kollksa chilltayasipjjamti, kollke chilltayasiñajj jach'a amuyt'an jakenacarojj juyqhu tucuyi, ucatsti cheka cancañampi parlir jakenacan arunacapsa maysaruw uñtayi.