Proverbios 13:4 - Qullan Arunaca

⁴ Jayra jakejj walwa cunsa muni, ucampis janiw jicjjatquiti; k'apha jakesti walja yänacwa jicjjati.

Aymar Bibliia 1986

⁴ Jayra jakejj walwa cunsa muni, ucampis janiw jicjjatquiti; k'apha jakesti walja yänacwa jicjjati.

Qullan Arunaka DC

⁴ Jayra jaqix wal kuns muni, ukampis janiw kuns jikxatkiti; q'apha jaqisti walja yänak jikxati.

Proverbios 13:4 Jak'a apnaqawi uñst'ayäwi

Génesis 26:32

Uca pachpa ururaquiw Isaacan sirvirinacapajj jutapjjäna: “Uma jicjjatapjjta cawqhantejj phuch'u allisipcäyät ucqhanjja” sasa.

Salmos 92:14

ch'ama karita tokerus achu churasipcaquiniwa, suma laphintata, ch'umintataw sayt'apjjani,

Proverbios 10:4

Juc'a irnakeri jakesti, pobrequiw jaqui, wali irnakeri jakesti kamiriptaraquiwa.

Proverbios 11:25

Qhititï churañ yatqui ucaw juc'amp catoke; churiristi churatapatjamwa catokaraquini.

Proverbios 12:11

Yapuchiri jakejj walja mank'añaniwa; jan amuyt'asiri jakesti inamaya luräwinacan sarnake.

Proverbios 12:24

Irnakeri jakejj apnakaniwa, ucampis jayra jakejja apnakatäniwa.

Proverbios 12:27

Jayra jakejj, janiw cuns caturjamäquiti, ucampis k'apha jakejja kamir cancañanacwa jicjjatani.

Proverbios 13:3

Qhititejj amuyt'ampi juc'a aruqui parlqui ucajja, jupa pachpawa imasiscani, ucampis qhititï jan amuyt'asa sinti parlqui ucajja, jupa pachparaquiwa jan walt'añaru puri.

Proverbios 13:5

Cheka jakejj c'ari arunacarojja uñisiwa, ucampis ñankha lurir jakejja jan wali parlatapatwa p'enkachata uñjasi.

Proverbios 20:4

Jayra jakejj kholliña horasajja janiw khollquiti, ucampis yapu apthapi horasajj thaktaniwa, ucatsti janiw jicjjatcaniti.

Proverbios 21:25

Jayra jakejj take cunsa walwa muni, ucampis janiw jicjjatquiti jan irnakatap laycu;

Proverbios 21:5

Suma amuyt'ampi cuna amtäwinaca waquichatasa sumaquiwa phokhasi, ucampis mäqui waquichata amtäwinacajja aynacht'añaruwa puriyi.

Proverbios 24:30

Jayra jaken yapu jac'apwa pasawayta, pisi amuyt'an jaken uva yapup jac'a.

Proverbios 24:31

Ucatsti yapupwa uñjta ch'aphinacampi chhaktayata, kala uyupasa liju tucjataraqui.

Proverbios 26:13

Jayra jakejj jan irnakañ munasinjja, cunaymanampiw tuwakasi, aqham sasa: “Callenjja mä leonaw utji, nayarojj mank'antitaspawa” sasa.

Proverbios 28:25

Qhititejj juc'ampi munqui ucajja, nuwasiñanacwa utjayi, ucampis qhititejj Tatitur iyawsqui ucawa nayrar sarti.

Proverbios 6:6

“Jayra jake, q'isimiranacar uñjam; cuntï lurapqui ucanaca uñjam, yatikasiraquim.

Proverbios 8:34

Cusisiñaniwa qhititï nayar ist'quitani ucajja, uqhamarac qhititï sapürusa suyjjatasqui utajja puncuna ucajja.

Cantar de los cantares 5:3

“Isirasjjtwa, ¿wastatti isthapisëjja? Cayojjsa jarekasjjtwa, ¿wastatti k'añuchasëjja?”

Isaías 58:11

Nayajj jumarojj irpascapunïmawa, wasaransti mank'añjja jilarquir churaraquïma, janchimarusti ch'amañcharaquïmawa, mä suma karpata pankar yapjamaw tucuraquïta, mä uma jalsur uñtataw tucüta, umamasti janiw tucuscaraquiniti.

Números 23:10

Jupanacasti lak'jamäpjjewa, ¿qhitis jact'araquispa? ¿Qhitisa kawkhätapsa yatiraquispa? Nayasti uca asqui jakenacampi chica jiwañ munirista, tucuyajjas jupanacanjamaraquïspa” sasa.

Juan 6:27

Jan irnakapjjamti tucusir mank'ataquejja, jan ucasti wiñay jacañ churiri mank'ataqui irnakapjjam. Aca mank'sti naya Jaken Yokapaw churapjjäma, Dios Awquisti nayaruraquiw ajllisitu —sasa.

Hebreos 6:11

Ucampis muntanwa sapa mayni jumanacan uca jasa chuyma utjapctam ucjja uñachayapjjañama tucuycama, cunatejj suyatäqui ucajj phokhasiñapataqui.

Josué 7:3

Cuttanisinjja jupanacajj Josué chacharojj sapjjanwa: “Janiw waquisquiti takpachan Hai marcar nuwantañapajja; waliquiw pä waranka jan ucajj quimsa waranka jakenacajja uca marcar t'unjañataquejja. Uca marca uñjir jakenacasti juc'aniquiraquiwa” sasa.