Proverbios 13:4 - Qullan Arunaka DC

⁴ Jayra jaqix wal kuns muni, ukampis janiw kuns jikxatkiti; q'apha jaqisti walja yänak jikxati.

Aymar Bibliia 1986

⁴ Jayra jakejj walwa cunsa muni, ucampis janiw jicjjatquiti; k'apha jakesti walja yänacwa jicjjati.

Qullan Arunaca

⁴ Jayra jakejj walwa cunsa muni, ucampis janiw jicjjatquiti; k'apha jakesti walja yänacwa jicjjati.

Proverbios 13:4 Jak'a apnaqawi uñst'ayäwi

Génesis 26:32

Isaacan uywatanakapax uka pachpa ururakiw jupar yatiyir jutapxäna, sapxarakïnwa: —¡Uma jikxatapxta, kawkhantix phuch'u allisipkäyät ukkhana! —sasa.

Salmos 92:14

14 (15) ch'ama qarita tuqirus achu churasipkakiniwa, wali ch'amani, k'umarakïsipkaniwa,

Proverbios 10:4

Juk'a irnaqir jaqix jan kunaniw jaki, wali irnaqir jaqisti qamiriptiwa.

Proverbios 11:25

Yanapt'añ yatir jaqiw juk'amp katuqi; waxt'ir jaqisti, katuqarakiwa.

Proverbios 12:11

Yapuchir jaqix walja manq'añaniwa; jan amuyt'asir jaqisti inamay luräwinakan sarnaqi.

Proverbios 12:24

Irnaqir jaqix apnaqaniwa, jayra jaqisti apnaqataw uñjasini.

Proverbios 12:27

Jayra jaqix, janiw manq'añ jikxatkiti, q'apha jaqisti, jilarkir manq'añanak jikxatani.

Proverbios 13:3

Amuyt'ampi juk'a aruki parlir jaqixa, jupa pachpaw imasiski; jan amuyt'asis sinti parlir jaqisti, jupa pachpakiw aynacht'añar puriski.

Proverbios 13:5

Aski jaqix k'ari arunakar uñisiwa; ñanqha lurir jaqisti p'inqachataw uñjasi.

Proverbios 20:4

Jayra jaqix qhulliñ pachanxa janiw qhullkiti, yapu apthapi pachansti thaqtaniwa, janiw jikxatkaniti.

Proverbios 21:25

Jayra jaqix taqi kunsa wal muni, irnaqañsti janiw munkiti;

Proverbios 21:5

Suma amuyt'ampi lurat amtäwinakax sumakiw phuqhasi, mäki wakichat amtäwinakasti aynacht'añaruw puriyi.

Proverbios 24:30

Jayra jaqin yapup jak'a sarakipawayta, pisi amuyt'a jaqin uva yapup jak'a sarta,

Proverbios 24:31

yapupax ch'aphinakampi chhaqhantayatawa, qala uyupas liju lluxinuqatawa.

Proverbios 26:13

Jayra jaqix jan irnaqañ munasax siwa: “Anqan mä leonaw utji, manq'antitaspawa” sasa.

Proverbios 28:25

Juk'ampst'añ munir jaqix, nuwasiñanak utjayi, Tatitur alkatir jaqisti nayraqataruw sum sarxaru.

Proverbios 6:6

Jayra jaqi, k'isimiranakar uñtam; irnaqatanakap uñjam, jupanakat yatiqasim.

Proverbios 8:34

Nayar ist'ir jaqix kusisiñaniwa, uta punkuxan sapürus suyxatir jaqisa kusisiñaniwa.

Cantar de los cantares 5:3

Isirasxtwa, ¿kamisarak wasitat isthapisïsti? Kayunakaxsa jariqasxtwa, ¿kamisarak wasitat q'añuchasïsti?

Isaías 58:11

Nayax jumarux irpaskapunïmawa, wasaranxa manq'añ jilarkir churäma, janchimarusti ch'amañcharakïmawa, suma qarpata panqar yapjamaw tuküta, uma jalsur uman phuqt'ataw tukurakïta.

Números 23:10

Jupanakax laq'ar uñtatawa; ¿khitirak jupanakar jakt'aspasti? ¿Khitirak qawqhätapsa yatirakispasti? ¡Nayax uka aski jaqinakjam jiwañ munirista, tukuy urunakaxas jupanakan tukuyapjamarakïspa!” sasa.

Juan 6:27

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

Hebreos 6:11

Ukampis uka suma chuymax sapa maynin tukuykam utjañap munapxta, kuntix suyapkta ukan phuqhasiñapataki.

Josué 7:3

kuttanisasti Josué chacharux sapxänwa: “Ai markax janiw jach'äkiti, uka markar katuntañatakix janiw taqpach ejercitor khithañax wakiskiti, paya, jan ukax kimsa waranqa jaqinakax jiläskaniwa, uka marka uñjir jaqinakasti juk'anikirakiwa” sasa.