Oseas 9:7 - Qullan Arunaca

⁷ ¡Mutuyäwi urunacajj purinjjewa! ¡Luratanacamat pago catokañ urojj purinjjaraquiwa! Israelajj ucanacan puritapjja yatiraquiniwa. Jumanacasti sapjjtawa: “Profetajj pisi amuyt'an jakewa, amuyt'ayata jakesti lokheraquiwa” sasa. Ucsti sapjjtawa, ñankha lurañanacampi phokhantatäpjjatam laycu, uqhamarac uñisisiñanacamas jach'ätap laycu.

Aymar Bibliia 1986

⁷ ¡Mutuyäwi urunacajj purinjjewa! ¡Luratanacamat pago catokañ urojj purinjjaraquiwa! Israelajj ucanacan puritapjja yatiraquiniwa. Jumanacasti sapjjtawa: “Profetajj pisi amuyt'an jakewa, amuyt'ayata jakesti lokheraquiwa” sasa. Ucsti sapjjtawa, ñankha lurañanacampi phokhantatäpjjatam laycu, uqhamarac uñisisiñanacamas jach'ätap laycu.

Qullan Arunaka DC

⁷ ¡Mutuyäwi urunakax purinxiwa! ¡Luratanakamat katuqañ urux purinxiwa! ¡Israel markax ukanakan puritap yatirakiniwa! Jumanakasti sapxtawa: “Profetax pisi amuyt'an jaqiwa, suma amuyt'ayat jaqisti luqhirakiwa” sasa. Ñanqha lurañanakampi phuqhantatäpxatamata, uñisiñanakaman jach'ätapat ukham sapxtaxa.

Oseas 9:7 Jak'a apnaqawi uñst'ayäwi

2 Reyes 9:11

Ucatsti cunapachatï Jehú capitanajj reyin oficialanacapan ucar saräna ucqhasti, jupanacajj jisct'apjjänwa: —¿Cunas pasi? ¿Cunataquis uca lokhe jakejj jumamp jiquisiri jutejja? —sasa. Ucjjarusti Jehú capitanajj sänwa: —Jumanacajj juparojj uñt'apjjtawa, uqhamarac cunjäm parlirïtapsa yatipjjaractawa —sasa.

Isaías 10:3

¿Cunac lurapcät jumanacajj cunapachatejj cuenta churapcät ucqhajja, camachapcaquïta cunapachatejj mutuyäwejj jayat jutcani ucapachajja? ¿Qhitirus sarapjjäta yanap mayirejja? ¿Cawqharus take kamir cancañamjja jaytanipjjäta?

Isaías 26:11

Tatay, jupanacataquejj mutuyäwimajj waquichatawa, ucampis jupanacajj janiw amuyasiñ munapquiti; cunapachatejj juman marcamar wali munasitam uñjapjjan ucqhajj, mä p'enkaw jupanacajj uñjasipjjani. ¡Añchaquiti juman colerasiñamajj jupanacaru tucjcani!

Isaías 34:8

Jïsa, uca urojj Tatitun asut'iñapa urüniwa, phoksusiña mararaquïniwa Sionataquejja.

Isaías 44:25

Janiraquiw cuntejj uca c'ari profetanacajj parlapqui ucanacsa phokhasiycti; nayaw uca yatiri jakenacan amuyt'anacapsa chhaktaytjja. Nayaw amuyt'ani jakenacarojj jupanaccam ch'ajjwaytjja, jupanacan yatiñanacapas mä lokhe cancañar tucuyaractjja.

Jeremías 10:15

jan cuna inamaya yänacaquiwa, mä p'enkaraqui, Tatitusti taripäwipanjja ucanacarojj t'unjaraquiniwa.

Jeremías 11:23

Janiraquiw jumanacampejj maynis kheparcjjaniti, jumanacampi jacthapcä uca urusti puriniraquiniwa, Anatot chekan utjir jakenaca, jumanacjjarusti jach'a t'akhesiñwa apayaniraquëjja.”

Jeremías 16:18

Nayrakatajj mä ucqhampi jupanacarojj pagayaraquï ñankhanaca, uqhamaraqui juchanaca luratapatsa, uca ajjtascaña jiwata diosanacapampisti aca nayan suma orakejjwa k'añuchapjjänjja, cawquïri oraktejj jupanacaru mä herenciatjama churcta ucaru. Uca orakensti nayajj ajjtascta ucanacwa lurapjjänjja.”

Jeremías 23:13

“Samarianquir profetanacarusti nayaw uñjta, cunanacatejj nayaru ñankhachquitu ucanac lurasquiri; Baal diosan sutipjjaruw parlapjje, Israel marcajjarusti thaquipatjja maysaruw saranucuyapjje.

Jeremías 25:14

Jupanacarusti jach'a marcanaca uqhamaraqui ch'amani reyinacaw apnakapjjaraquini t'akhesiyapjjaraquinisa, uqhamatwa cunatejj juchanacapat churañajj waquisqui ucjja churäjja.’ ”

Jeremías 29:26

Tatituw jumarojj sacerdotet usctam, Joiada lanti, uqhamata templonjja mä jilïrit uñt'atäñamataqui. Ucat mä lokhe jaketejj jutasin profetäcaspas uqham parlani ucapachasti, jumajj catusin carcelaru cadenanacampi ñach'antasin apantañama.

Jeremías 46:21

Pagata soldadonacapasti, pokoyat vaca kallunacjamäpjjaraquiwa, ucampisa jupanacajj jalacamaquiw mistuwayjjapjjani, janiraquiw sayt'asiñataquejj ch'amanïpcaniti, t'unjatäñapa urusti puriniwa, mutuyatäña horasapasa puriniraquiwa.

Jeremías 6:14

Marcajjan chhojjrinacapsti patatacwa kollañ munapjje; take cunas waliquïsquiwa sapjjaraquiwa, ucampisa take cunasa jan walipuniwa.

Jeremías 8:11

Marcajjan chhojjrinacapsti patatacwa kolljjatapjje, take cunas waliquïsquiwa sapjjaraquiwa, ucampisa take cunas janiw walïquiti.

Lamentaciones 2:14

Cuna uñjäwinactejj profetanacamajj yatiycäyätam ucanacajj mä c'ari arunacaquïnwa. Juman juchamsti janiraquiw khanaru apsupcänti, uqhamat juman cutiquipstañamataquejja; c'ari uñjäwinacwa jumarojj yatiyapjjäyätamjja, ucanacarusti jumajj iyawsaraquïyätawa.

Ezequiel 13:10

“Jïsa, jupanacajj marcajjaruw sallkjapjjäna: ‘Take cunas waliquïscaniwa’ sasa, ucampisa uca parlatanacapajj janiw chekäcänti.

Ezequiel 13:3

¡Ay, cunaquïcani cawquïri pisi chuyma lokhe profetanacatejj jupanacan pachpa amtatanacaparu arcasipqui, jupanacajj janiw chekpach unañchäwi uñjapquiti!

Ezequiel 25:17

Jupanacarusti jan qhuyapt'ayasisaw phoksusiraquëjja; jach'a colerasiñajjampiw mutuyaraquëjja. Cunapachatejj nayajj take ucanaca lurcä, ucapachaw jupanacajj nayan Tatitütajj yatipjjani.”

Ezequiel 38:23

Uqhamwa yakha marcanacarojj uñacht'ayaraquëjja nayan jach'a kollan cancañajjsa. Nayaw jupanacampi uñt'ayasiraquëjja, jupanacasti nayan Tatitütajja yatipjjaraquini.

Ezequiel 9:10

Jichhasti janipuniw jupanacatjja qhuyapt'ayascäti, jan ucasti luratanacapatjja wayt'apuniraquïwa” sasa.

Oseas 14:1

¡Cuttanjjam, Israel, Tatit Diosamaru, jucham laycuw aynacht'tajja!

Oseas 5:9

Mutuyäwi urupanjja Efrainajj tucjatäniwa: Nayaw acjja yatiyta Israel marcanquirinacaru, cunatejj chekpachansa pascani ucanacata.

Oseas 8:13

Jupanacataquisti sacrificionac loktañaw asquejja, ucatsti loktapjjaraquiwa, uca loktat aychanacwa mank'apjjaraquejja; ucampis naya Tatitojj janiw ucanacampejj cusisitäcti: Nayajj amtascaquipunïw cuna jan walinactejj lurapqui ucanacjja, uca juchanacapatsti mutuyaraquïwa, Egipto marcar cuttayasa.

Oseas 9:8

Diosasti profetaparojj Efrainar uñjañapataquiw uscusi, ucampis jumanacajj sarnakañanacaparojj sipitanac uscupjjtajja; Diosan templopansa uñisisipcactawa.

Amós 8:2

Jupasti jisct'araquituwa: —¿Amós, cuns uñjtajja? —sasa. —Mä canastan pokorat achunaca —saractwa. Tatitusti saraquituwa: —Israel marcajj pokoratäjjewa; janipuniw mayampsa perdoncjjeristti.

Miqueas 2:11

Maynitejj c'ari arunac parlaspa, ucat saraquispa: ‘Vinompi umañampiw utjani’ sasa, uca c'ari profetataquiw aca marcajja.

Miqueas 7:4

Jupanacat walïqui ucasti mä ch'aphir uñtatawa; wali cheka lurirïqui ucasti yakha ch'aphir uñtataraquiwa. Ucampis jutasquiwa jacthapitanac mayiñ urojja, cuntejj uñjirejj yatiycäyätam uca urojja. Ucapachawa jupanac taypinjja mayjt'asiñajj utjani.

Sofonías 3:4

Profetanacapas wali parlirïpjjewa, sallkjañanacac parlapjjaraqui, sacerdotenacapas Diosan santuariopjja k'añuchapjjaraquiwa, Diosan leyinacapsa p'aquintapjjaraquiwa.

Marcos 3:21

Uc yatisinsti Jesusan familianacapajj jupar irpjjañataquiw jutapjjäna: “Lokheptjjataynawa” sasa.

Lucas 21:22

Uca urunacasti mutuyäwi urunacäniwa, ucan take cunatejj Kellkatanacanjj sisqui ucanacajj phokhasini.

2 Corintios 5:13

Lokhenacjamäpjjsttejja, ucajj Diosataquiwa. Janitejj lokhenacjamäpcstjja ucasti jumanacataquiraquiwa.

Apocalipsis 16:19

Jach'a marcasti quimsaruw jaljtäna, yakha marcanacasti k'alaraquiw t'unthaptäna. Diosasti amtasiraquïnwa Babilonia jach'a marcataqui cuna mutuyäwitï waquichatäcänjja uca churañataqui jach'a colerasiñapampi.