Oseas 9:6 - Qullan Arunaca

⁶ Jupanacajj t'unjatäñatjja jaltjjapjjewa: Egiptow jupanacarojj catokjjaraquini, ucatsti Menfis chekaru imantatäjjapjjaraquiniwa. Kollket lurat yänacapasti athapillumpi phokhantatäniwa, carpanacapansti ch'aphinacaw jilantaraquini.

Aymar Bibliia 1986

⁶ Jupanacajj t'unjatäñatjja jaltjjapjjewa: Egiptow jupanacarojj catokjjaraquini, ucatsti Menfis chekaru imantatäjjapjjaraquiniwa. Kollket lurat yänacapasti athapillumpi phokhantatäniwa, carpanacapansti ch'aphinacaw jilantaraquini.

Qullan Arunaka DC

⁶ Jumanakax t'unjatäñat jaltxapxäta ukaxa; Egiptonkirinakaw katurapxätam, ukatsti Menfis chiqar allintatäpxätawa. Qullqit lurat yänakamasti itapallumpi phuqhantatäniwa, utjäwinakamansti ch'aphinakaw jilantarakini.

Oseas 9:6 Jak'a apnaqawi uñst'ayäwi

2 Reyes 13:7

Joacaz reyin ejercitopajja janiw waljäcjjänti, jan ucasti pheska tunca caballería soldadonacaquiw utj-jjäna, tunca nuwasiñ carronacampi, uqhamarac tunca waranka infantería soldadonacampiquiraqui, Siria marcanquir reyiw k'al tucjatayna, lak'ar tucuyañcama tucjasina.

Salmos 107:34

Purum orakenac kollpa oraker tucuyi, jakenacapan ñankha lurirïpjjatap laycu.

Proverbios 24:31

Ucatsti yapupwa uñjta ch'aphinacampi chhaktayata, kala uyupasa liju tucjataraqui.

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 19:13

Zoananquir jilïrinacajj wali lokhenacawa, Menfisanquir jilïrinacas sallkjayasipjjaraquiwa, provincianacan jilïrinacapasti Egiptorojj pantat thaquinjamwa irpapjje.

Isaías 27:12

Uca urunjja Tatitojj Eufrates sat Egiptcamaraquiwa lurañanacapjja lurani, trigo jawk'sur jakjama, ucampisa jumanacajj israelitanaca, mayat mayat apthapitäjjapjjätawa.

Isaías 32:13

Marcajjansti ch'aphinacampi koranacampiquiw jiljjani, take marcana cusisiñ utanacana, cusisiñan cullacapa.

Isaías 34:13

Palacionacapansti ch'aphinacaw jilantjjani, athapillunacampi, cunayman yakha koranacaw perkanacapansa jilani. Kollu anunacan utjäwipaw tucjjaraquini, avestruz jach'a jamach'inacan utjäwiparaqui.

Isaías 5:6

apanucuraquïwa. Janiraquiw qhuchhurt'apcanisa korsupcaraquinisa, koranacampi, ch'aphinacampiw chhaktayaraquini. Kenayanacarusti “Jan jupanacjjar jallumti” saraquïwa.

Isaías 7:23

Uca urunacansti cunatejj nayrajj waranka uva ali yapuchatäcän ucajj uqhamaraqui alapas waranka kollkëcän ucajj ch'aphi aliruquiw tucjjani.

Jeremías 2:16

Menfis uqhamaraqui Tafnes sisqui uca chekanquir jakenacaw p'eksa ch'iyjapjjaractam.

Jeremías 42:22

Jichhajj uca laycu yatipjjam, jumanacajj guerranacana, uqhamaraqui mank'atjamaw cunayman casta usunacampi jiwarapjjaraquïta, cawquïri orakerutejj jaquiri sarapcäta ucana.”

Jeremías 44:1

Jeremías chachajj catokcänsa uca arunaca, take judionacatejj egipcio marcanacan jacapcänsa Migdol, Tafnes, uqhamaraqui Menfis sisqui uca marcanacana, Egipto marcan aynacha tokenacana:

Jeremías 44:12

Qhitinacatejj Judá orakeru kheparapqui, ucatsti Egipto tokeru jacasiri sarjjapjjaraqui ucanacarojj pachpanwa k'al tucusiyäjja. Takeniwa, jisc'at kalltasina jach'acama, guerran jiwarapjjani, mank'atjamaw jiwarapjjaraquini, ucatsti mayninacan uñtcañäniw, maldecita jisc'achjataraqui uñjasipjjani, ajjsarcañäpjjaraquiniwa.

Jeremías 44:13

Qhitinacatejj Egipton jacapqui ucanacarusti cunjämatejj Jerusalén marcanquirinacaru mutuycäyätjja uqhamaraquiw mutuyaraquï, guerrampi, mach'ampi, cunayman casta usunacampi.

Jeremías 46:14

“Egipton yatiyapjjam, Migdol, Menfis, Tafnes sisqui uca chekanacansa; ¡takenisa, janc'aqui suyt'apjjam! ¡Espadasti juma thiyanacanjja k'alwa tucjasqui!

Jeremías 46:19

Egiptonquir jakenaca, jaya marcaru apatäñataqui waquichasipjjam. Menfis marcasti wasararu tucuyatäniwa, jan qhitinsa utjcaña tucjataraquïniwa.

Ezequiel 30:13

“Tatitusti aqham siwa: Take c'ari diosanacjja k'alwa t'unthapëjja, Menfis orakenquiri c'ari diosanacsti tucjaraquïwa. Egiptosti janiw jicjjatascaniti qhiti jupar apnakersa, aca marcarusti ajjsarañampiw phokhantaraquëjja.

Ezequiel 30:16

Egiptorojj ninampiw phichcatäjja, Sin marcasti usuyasiñanacatwa k'ewinaktaraquini; Tebas marcan perkanacapasti lacanacjamaw jist'artani, Menfis marcasti urpacha nuwantataw uñjasini.

Oseas 10:8

C'ari diosanacar yupaychañ chekanacasa t'unjataraquïniwa, Israel marcasti uca chekanacanwa juch luraraquïnjja. Altaranacapansti ch'aphinacaquiw jilantjjani, jakenacasti montenacarojj: “Imantapjjeta” sapjjaniwa, kollunacarusti: “¡Nanacjjar alljjattapjjeta!” sapjjaraquiniwa.

Oseas 11:11

“Egiptotsti jamach'inacjamaw qhathatisisa jutjjapjjani; Asiriatsti palomanacjamaraquiw jutjjapjjani; ucatsti wasitatwa utanacapanjja utjasiyjjä. Ucsti, naya Tatituw arsta.

Oseas 2:6

“Ucatwa nayajj ch'aphinacampi thaquipjja jist'antä, uqhamarac thiyanacapatsa muyuntayä, jan thaquinacapa jicjjatañapataqui.

Oseas 7:11

Efrainajj ipi palomjamawa, jan amuyuni. Egiptoruw yanapjja mayi, ucatsti Asiriaruquiw sararaqui.

Oseas 7:13

“¡Cunaquïcan jupanacatjja nayar apanucupjjatap laycojja! K'ala tucjatäpjjaniwa, naya contra sayt'asipjjatanacap laycu. Nayajj jupanacarojj khespiyañ munta, ucampis jupanacajj naya contraw c'arisipjje.

Oseas 7:16

Yakha diosonacaruquiw yupaychir sarjjapjje; k'ewinucut arcor uñtatäpjjewa, flechapasti janiraquiw purquiti puriñapäqui ucqharojja. Jan wali arunac parlapjjatapatsti, jilïrinacapajj espadan jiwayatcamaw jiwarapjjani, Egiptonsti jupanacatjja larusipjjaraquiniwa.”

Oseas 8:13

Jupanacataquisti sacrificionac loktañaw asquejja, ucatsti loktapjjaraquiwa, uca loktat aychanacwa mank'apjjaraquejja; ucampis naya Tatitojj janiw ucanacampejj cusisitäcti: Nayajj amtascaquipunïw cuna jan walinactejj lurapqui ucanacjja, uca juchanacapatsti mutuyaraquïwa, Egipto marcar cuttayasa.

Oseas 9:3

Efrainasti Egiptoruraquiw cuttjjani, Asiria marcansti k'añu mank'anacwa mank'araquini. Janiw jichhajj juc'ampi Tatitun marcapan jacjjapjjaniti:

Levítico 26:33

Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.

Sofonías 1:11

¡Wararipjjam jumanacajj maysäjja Mortero sat marcanquir alaquipa jakenaca, take negocio lurir jakenacaw jiwarapjjani!

1 Samuel 13:6

Israelitanacasti wali mayjt'ataw jicjjatasipjjaraquïna, filisteonacan jupanacar nuwantjjatapata, ucat israelitanacajj, putunacaru, orake p'ujrunacaru, karka taypinacaru, k'awanacaru, phujunacaruw imantasjjapjjäna.