Oseas 8:7 - Qullan Arunaca

⁷ Jupanacajj thaya yapuchapjje, ucatsti jach'a tutucanacwa apthapipjjaraquini: janiw cuna yapunacapas utjcaniti yawthapiñataquejja, janiraquiw jac'sa trigo puyanacatjja apsupcaniti; apsupcan ucasa, yakha marcanquiri jakenacaquiw mank'apjjani.

Aymar Bibliia 1986

⁷ Jupanacajj thaya yapuchapjje, ucatsti jach'a tutucanacwa apthapipjjaraquini: janiw cuna yapunacapas utjcaniti yawthapiñataquejja, janiraquiw jac'sa trigo puyanacatjja apsupcaniti; apsupcan ucasa, yakha marcanquiri jakenacaquiw mank'apjjani.

Qullan Arunaka DC

⁷ Jupanakax thaysa yapuchapkaspa ukhamawa, jach'a tutukanaksa apthapipkaspa ukhamawa; janiw kuna yapunakapas yawthapiñatakix utjkaniti, janirakiw trigo puyanakat jak'ux apsutäkaniti; apsupkan ukasa, yaqha markankir jaqinakakiw manq'apxani.

Oseas 8:7 Jak'a apnaqawi uñst'ayäwi

Génesis 41:23

Ucanac khepatsti pakallko jan wali ch'usu puyanacaraquiw jilsünjja, inti jalsu toke thayan wañsuyata.

2 Reyes 15:19

Ucatsti Asiria marcana Pul sat reyipawa Israel oraker catuntir jutäna. Ucatsti Manahem reyejj juparojj quimsa tunca quimsani waranka kilo kollkenaca churäna jupan apnakäwiparu ch'amañchasin yanapt'añapataqui.

2 Reyes 15:29

Peka reyejj Israel marcar apnakascäna ucqhawa Asirianquiri Tiglat-pileser reyejj jutäna, ucatsti catuntasïnwa Ijón, Abel-bet-maaca, Janoa, Cedes, Hazor, Galaad, Galilea ucanaca, uqhamarac Neftalí take uca orakenaca, ucatsti jakenacaparojj preso apäna Asiria marcaru.

Job 4:8

Nayarojj sarnakäwiwa yatichitu, qhitinacatejj ñankha lurañanacan sarnakapqui ucanacajj cuntejj yapuchapcäna ucacracwa apthapipjje.

Proverbios 22:8

Qhititejj jan walinaca lurqui ucajja, jan walinacwa catokaraquini; ¡juparusti Tatituw tucjani colerasiñapampi, jach'a cancañapampi!

Eclesiastés 5:16

Ucasti wali llaquiscayawa, cunjämatejj aca orakeru jutcäna, uqhamaquiraquiw sarjjani. Ucatjja, ¿cuna ascsa apsuwayi uca take inamaya irnakatapatjja?

Isaías 17:11

ayruntcta uca urusti sum uñjaractajja, khepürpacharaquiw uca alinacajj misturanjje. Ucampis cunapachatejj usojj jutani jan kollcañjama, uca urojj k'alaw cosechajj chhaktani.

Isaías 55:2

¿Cunatsa kollkenacam cunatejj jan t'ant'äqui ucar inamaya churasipcta? ¿Cunatsa kollkenacam cunatejj jan asquïqui ucar inamay tucjasipcta? Sum ist'apjjeta, ucatsti suma mank'anac mank'apjjäta, sinti suma mank'anac mank'apjjäta.

Isaías 66:15

Tatitusti nina taypinjam purini, carronacapasti mä tutuca thayar uñtataraquiwa; colerasiñapasti ninjamaw purinini, mutuyäwipasti akquir ninjamaraquiw naqhani.

Jeremías 12:13

Trigo yapuchasipjjäna, ucatsti ch'aphinacaqui apthapjjapjje, take luratanacapasti inamayaquiwa, Cosechanacapasti k'ala aynacht'atawa, nayan colerasiñajjan naqhatap laycu.”

Lamentaciones 5:2

Take cunanacajjas jichhajj yakha jakenacan amparapancjjewa, utanacajjsa yakha jakenacaquiw catuntasjjapjje.

Oseas 2:9

Ucatsti nayajj wastatwa trigo, vino churcta ucanacjja cosech horasajj apthapisjjä, t'awrsa, linsa isisiñapatac churcta ucanacsa apthapisjjaraquïwa.

Oseas 7:9

Jaya jakenacaquiraquiw ch'amapsa tucsuwayjje, jupasti ucjja janiraquiw amuyasquiti. ¡Ñic'utanacapas kakäjjaraquiwa, jupasti ucjja janiraquiw amuyasquiti!

Oseas 9:16

Efrainajj chhojjriñchjatawa; saphi wañsuta jan achur kokar uñtatawa. Wawanacanïcchinisa, nayaw uca wawanacaparojj jiwarayäjja.”

Nahúm 1:3

Dios Tatitojj wali llamp'u chuymaniwa, ucampis wali ch'amaniraquiwa, juchanirusti juchapjja uñt'asiyapuniniwa. Tatitojj jach'a ajjsarcañ thayanac patan sarnake, kenayanacasti cayunacapan polvonacapawa.

Hageo 1:6

Jumanacajj wal yapucht'apjjtajja, ucampisa juc'acracwa apthapipjjtajja; wal mank'apjjaractajja, ucampis janiraquiw sisthapipctati; umasipcaractawa, ucampis umat pharjataquïsipctawa; wal isthapisisipctajja, ucampis janiraquiw junt'thapipctati; pagot trabajir jakesti pagopjja p'iya bolsaruquiw imasjje.

Gálatas 6:7

Jan sallkjasipjjamti; janiw qhitis Diosatjja sawcascaspati. Cuntejj jakejj yapuchqui ucracwa apthapini.

Gálatas 6:8

Maynitejj janchin munañaparjam yapuchchejja, uca janchin munañaparaquiw jiwañ achjja churani, ucampis Ajayun munañapar yapuchchejja, Ajayojj wiñay jacañ achwa churaraquini.

Deuteronomio 28:33

Yapunacaman cosechanacapa uqhamaraqui take irnakañaman achunacapjja jan uñt'at jakenacaw mank'antapjjani, ucatsti t'akhesiyata jan walin uñjatapuniw sarnakäta.