Oseas 8:6 - Qullan Arunaca

⁶ Samarianquir uca vaca kallojj janiw Diosäquiti, jaken lurataquiwa, ucatwa jichhajj t'unjataraquïni.

Aymar Bibliia 1986

⁶ Samarianquir uca vaca kallojj janiw Diosäquiti, jaken lurataquiwa, ucatwa jichhajj t'unjataraquïni.

Oseas 8:6 Jak'a apnaqawi uñst'ayäwi

2 Reyes 23:15

Nabat chachan Jeroboam yokapajj israelitanacar juch luraycäna ucasti Betel chekana mä altara, yakha diosanacan santuario utap luraycäna ucjja, Josías reyiw k'al tucjäna lak'ar tucuyañcama, ucatsti ninampiwa naqhantayäna, uqhamarac Asera diosan lantiparusa.

2 Reyes 23:19

Samariana yakha diosanacan santuario utanacapajj utjcäna, cawquïrinactejj Israelan reyinacapajj Tatitur colerayañatac lurapcäna ucanacjja, Josías reyejj k'alwa tucjäna, cunjämtï Betel marcan lurcäna uqhama.

2 Crónicas 13:8

Jichhasti jumanacajj Tatitun apnakat marcapataquiw sayt'asiñ munapjjtajja, Davidat saraker wawanacapan apnakäwinacap contra, jumanacasti ucjja lurapjjtati waljäpjjatam laycu, Jeroboam chachajj korita vaca kallunaca jumanacataqui lurarapipctam, uca diosanacajj jumanacampi chicätap laycuti sayt'asipjjäta.

2 Crónicas 31:1

Take ucanaca tucuyatatjja, take israelitanacajj ucancapcäna ucanacasti sarjjapjjänwa Judá orakenquir marcanacaru, jupanacajj jisc'a jisc'wa tucjapjjäna ajjsarata kalanaca, Asera diosan lantinacapsa p'acjapjjänwa, uqhamarac diosanacan santuariopsa allthapipjjäna, take ucanaca tucjacama Judá, Benjamín orakenacana, uqhamarac Efraín, Manasés orakenacansa. Ucatwa israelitanacajj cutt'jjapjjäna marcanacaparcama, sapa maynisa orakeparcama.

Jeremías 10:14

Take jakenacasa pisi chuymäpjjewa, jan amuyt'asirinaca. Uca diosanacapasti pachpa luririnacaparusa sallkjapjjaraquiwa. C'arintañatac diosanacaquiwa, janiraquiw jacañanïpquisa;

Jeremías 48:13

Ucapachaw Moab marcajj amuyasini Quemós sat diosapajj sallkjatapa, cunjämatejj Israel marcajj Betel chekan sallkjata uñjasïnjja uqhama, Israel marcasti uca Betel chekaruw alcatasiraquïna.

Jeremías 50:2

“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Oseas 10:2

Israelan chuymapajj payar jaljtatawa, jichhasti juchanacapatjja mutuyataraquïniwa. Tatitojj altaranacapjja t'unthapiniwa, kollana kalanacapsa pampa tucjaraquini.

Oseas 13:2

¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: ‘Sacrificionac loktapjjam’ sasa. Jakenacasti vaca kallur uñtata c'ari diosanacaruw jamp'atipjje.

Oseas 14:3

Asiriajj janiw khespiyapquitaspati, janiraquiw caballotsa jaltapquiristti. Janiraquiw jichhajj: ‘Nanacan Diosajja’ sapcäti, cuntejj nanacajj lurasipcta ucanacarojja, juma sapanacwa Tata, wajchajj qhuyapayasiñjja jicjjati uca laycu.”

Miqueas 1:7

Take c'ari diosanacapasti t'unthapitcamäniwa, ajjsarañ tronconacapas naqhantataraquïniwa. Jan wali sarnaker warminacan kollkepampi jicjjatatächïnjjaya, uca pachpa jan wali sarnaker warminacan kollkeparuraquiw tucuyäjja” sasa.

Habacuc 2:18

“¿Cunataquis asquejj mä c'ari diosa luratajj niyaqui tucuyatäjje ucqhajja? ¿Cunataquis asquejja mä yakha diosa luratajj take yatichäwinacapajja c'aricamaquïchi ucqhajja? C'ari diosanacajj janiw parlapcaspati; ¿cunjämaraqui ucanac lurir jakesti jupanacaru confiasispasti?

Hechos 17:29

Uqham Diosan familiapäcasinjja, janipï amuyañasäquitejj jakenacan amuyunacaparjamajja, Diosajj korita, kollketa, kalata luratäcaspas uqhama.

Hechos 19:26

Jichhasti jumanacajj uñjapjjtawa, ist'apjjaractawa cunjämtï aca Pablo jakejj sarnakasqui: ‘Jaken lurat diosanacajj janiw cheka Diosäquiti’ sasa ucjja. Uqham sasaw jupajj walja jakenacarojj mayjt'ayäna, uca pachpa Éfeso marcansa, uqhamarac niya takpach Asia tokenquirinacarusa.