Oseas 4:11 - Qullan Arunaca

¹¹ “Wachoka juchanacan sarnakañampi, vino machañanacampejja, jakerojj jan amuyun tucuyi.

Aymar Bibliia 1986

¹¹ “Wachoka juchanacan sarnakañampi, vino machañanacampejja, jakerojj jan amuyun tucuyi.

Qullan Arunaka DC

¹¹ “Wachuqa juchanakan sarnaqañampi, vino machañanakampixa, jaqirux jan amuyun tukuyi.

Oseas 4:11 Jak'a apnaqawi uñst'ayäwi

Proverbios 20:1

Vinojj jakerojj jan amuyun tucuyi, machjasiña umañanacasti jan walinacwa parlayaraqui; qhititejj uqhama machjasiñana sarnakqui ucajja, janiw yatiñ cancañampi cuns lurquiti.

Proverbios 31:4

Lemuel, janiraquiw walïquiti reyinacasa, jilïrinacasa machjasiña vinonacampi machañapajja,

Proverbios 6:32

¡Jake masipan warmipampi sarnakerejja, jan amuyt'asiriwa! ¡Qhititejj uqham jan wal lurqui ucajja, jupa pachpawa tucjasisqui!

Eclesiastés 7:7

Jan wali lurañanacajj yatiñan jakerojj pisi amuyt'aniruw puriyi, churäwinaca chilltañasti jan waliruw chuymap tucuyaraqui.

Isaías 28:7

Utjaraquiwa vinor arquirinacajja, jupanacasti vinotjamaw liwinaktapjje, wali umjayasir umañanac laycuraquiwa kheparus cuttapjje; sacerdotenacasa, profetanacasa vinotjamaw liwinaktapjje, umjayasir umañanacwa munapjje, vinompisti lokherapjjaraquiwa; uca umjayasir umañanacampiw pantjasipjje, visionanac uñjasasti liwinaktapjjewa, cuna queja uñjañataquisa machatäpjjaraquiwa.

Isaías 5:12

Jumanacan jach'a mank'äwinacamansti arpa, cítara, tambor, uqhamarac pinquillo uca musicanacaquiw utjasqui, uqhamaraqui walja vinompi machañataqui; ucampis janiw amuyapctati Tatitun luratanacapjja, janiraquiw yäkapctasa jupan luratanacapjja.

Jeremías 23:13

“Samarianquir profetanacarusti nayaw uñjta, cunanacatejj nayaru ñankhachquitu ucanac lurasquiri; Baal diosan sutipjjaruw parlapjje, Israel marcajjarusti thaquipatjja maysaruw saranucuyapjje.

Oseas 4:12

Marcajjajj c'ullut qhitsut diosanacaparuw jisct'asi, varanac tokeraquiw yatiñanacsa thakapjjaraqui. Wachoka juchampi apnakatajja, marcajjajj pantjat thaquinacanwa sarnakasqui; Diosap apanucusaw yakhanacampi juchanacan sarnake.

Oseas 5:4

Jakenacan jan wali luratanacapaw Diosaparojj jan cuttayanquiti. Wachoka juchampi atipjatäsinwa, Tatiturojj jan uñt'cjjeti.

Oseas 7:11

Efrainajj ipi palomjamawa, jan amuyuni. Egiptoruw yanapjja mayi, ucatsti Asiriaruquiw sararaqui.

Levítico 10:9

“Cunapachatejj jumasa, uqhamarac wawanacamasa Tatitumpi Jiquisiñ Carparu mantañataquïpjjäta ucapachasti janiw vino umapjjätati ni cuna casta p'osktata umañanacsa, ucataraqui jiwarasipcasma. Aca arsüwisti mä leyiwa, wawanacaman wawanacapataqui,

Lucas 21:34

“Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

1 Samuel 25:36

Abigail warmisti utapar cuttanjjän ucqhajj Nabal chachaparojj mä jach'a mank'äwi lurasquiri jicjjatäna. Uca jach'a mank'äwisti mä reyitacjamänwa. Uqhamarus wali c'uchiquiraquïnwa, wali machantataraqui. Ucat jupajj janiw cuns siscaraquïnti khepärmanthi alwacamajja.