Oseas 4:12 - Qullan Arunaca

¹² Marcajjajj c'ullut qhitsut diosanacaparuw jisct'asi, varanac tokeraquiw yatiñanacsa thakapjjaraqui. Wachoka juchampi apnakatajja, marcajjajj pantjat thaquinacanwa sarnakasqui; Diosap apanucusaw yakhanacampi juchanacan sarnake.

Aymar Bibliia 1986

¹² Marcajjajj c'ullut qhitsut diosanacaparuw jisct'asi, varanac tokeraquiw yatiñanacsa thakapjjaraqui. Wachoka juchampi apnakatajja, marcajjajj pantjat thaquinacanwa sarnakasqui; Diosap apanucusaw yakhanacampi juchanacan sarnake.

Qullan Arunaka DC

¹² Markaxax k'ullut khitsut diosanakaparuw jiskt'asi, thujrunak tuqirakiw yatiñanaksa thaqhi. Wachuqa juchampi apnaqataxa, markaxax pantjat thakhinakan sarnaqaski; Diosap apanukusaw yaqhanakampi juchanakan sarnaqi.

Oseas 4:12 Jak'a apnaqawi uñst'ayäwi

2 Reyes 17:7

Acasti lurasïnwa Israelit jakenacan Tatit Diosap contra jucha lurapjjatap laycu, qhititejj Egiptota apsuncäna faraón sat egiptonquir reyin amparapata khespiyasa. Jupanacasti yakha diosanacaruw yupaychapjjäna.

2 Crónicas 21:13

jan ucasti Israel reyinacan sarnakäwiparuwa sarnaktajja, ucatsti jumaraquiw juchanïtajja Judá orakenquiri, Jerusalenanquiri jakenacana jan Tatitump sum sarnakapjjañapataquejja, cunjämtï Acab familiajj jacapcäna uqhama. Ucjjarusti jumajj jilanacamarojj jiwarayaractawa, jupanacasti jumat sipansa juc'amp asquinacäpjjänwa.

Salmos 106:39

luräwinacapampiw k'añuchasipjjäna, ñankha luratanacapampiw wachokapjjäna.

Salmos 73:27

Jumat jayarst'irinacajj tucusipjjaniwa, arsutam jan phokherinacarusti t'unjätawa.

Jeremías 10:8

Take jupanacasti lokhe jakenacäpjjewa, janiw cuna amuyt'asiñanacapas utjquiti. ¡Mä jisc'a c'ullojj janiw jupanacarojj cunsa yatichcaspati!

Jeremías 2:27

Jupanacasti mä kokaruquiw: ‘Jumaw awquejjätajja’ sasa sapjje. Mä kalarusti: ‘Jumaw taycajjätajja’ sasaw sapjjaractajja, nayataquisti maysa uñtapjjtajja, janiw khana uñcatapquistati; ucampisa cunapachatejj jan walt'añan jicjjatasjjapjjta ucapachasti sapjjaraquistawa: ‘¡Jutam khespiyapjjeta!’ sasa.

Jeremías 23:13

“Samarianquir profetanacarusti nayaw uñjta, cunanacatejj nayaru ñankhachquitu ucanac lurasquiri; Baal diosan sutipjjaruw parlapjje, Israel marcajjarusti thaquipatjja maysaruw saranucuyapjje.

Ezequiel 20:32

Jumanacan p'ekenacamarojj, cawquïri yakha marcanacatejj lawanacaru, kalanacaru yupaychasipqui uqham tucuñamp phokhantatäpjjtawa, ucampis janiw ucajj uqhamäcaniti.

Ezequiel 21:21

Babilonianquiri reyisti cawqhantejj pä thaquejj kalltqui uca chekaruw sayt'asi, ucatsti suertenaca apsusiraqui; flechanacapsa walpun ucsat acsat uñaquipi, diosanacaparusa jisct'asiraquiwa, animalanacan q'iwchanacapsa uñjjataraqui.

Oseas 14:3

Asiriajj janiw khespiyapquitaspati, janiraquiw caballotsa jaltapquiristti. Janiraquiw jichhajj: ‘Nanacan Diosajja’ sapcäti, cuntejj nanacajj lurasipcta ucanacarojja, juma sapanacwa Tata, wajchajj qhuyapayasiñjja jicjjati uca laycu.”

Oseas 5:4

Jakenacan jan wali luratanacapaw Diosaparojj jan cuttayanquiti. Wachoka juchampi atipjatäsinwa, Tatiturojj jan uñt'cjjeti.

Oseas 6:10

Israel marcansti sinti jan walinacpun uñjtjja: Efrainasti wachoka juchanwa sarnake, Israelasti mayninacampiraquiw k'añuchasjje.

Oseas 9:1

Israel marca, jan cusiscamti; janirac yakha marcanacjamas cusisiñatjja thokonakcamti, jan wali sarnakañaruw purtajja yakhanacampi sarnakasajj Diosamaruw apanuctajja. Grano jawk'äwi chekanacanwa juman yakhampi sarnakatamatjja pago catokañ muntajja,

Levítico 17:7

Janipuniw mayampsa uca ñankhanacarojj ofrendanacapjja loktascjjapjjaniti, cawquïrinacarutejj jupanacajj yupaychapjjäna, uqhamarac k'añuchasipjjänsa. Acasti jumanacataquejj wiñaya leyïniwa, awquinacamataqui, uqhamarac wawanacamataquisa.

Levítico 20:5

uca quipcaraqui familiapa contrasa, ucatsti jakenac taypitjja jiwayjjaraquïwa, take qhitinacatejj jupampi chica k'añuchasipcänjja ucanacampi chica, uqhamarac Moloc sat diosan ucarusa sarapcatayna ucanacampi chica.

Miqueas 2:11

Maynitejj c'ari arunac parlaspa, ucat saraquispa: ‘Vinompi umañampiw utjani’ sasa, uca c'ari profetataquiw aca marcajja.

Habacuc 2:19

“¡Ay cunänis jumatjja, mä lawat lurat c'ari diosaru sartam satamajja, mä amutu kalaru sayt'am satamajja! ¿Jupanacasti mä cuna arunacsa yatiyapjjaspati? Janiwa jupanac quipcan jacañajj utjquiti, kawkhasay korimpis kollkempis chhaktayatäscpan.

Números 15:39

Cunapachatejj fleconacan uchat uñjapjjät ucqhajj, take camachi arunac churapcsma ucanacat amtasipjjäta, ucatsti phokhapjjaraquïtawa, janiraquiw jumanacan pachpa amtäwinacamampi, munañanacamampi apayasipjjätati, cawquïrinacampitejj jumanacajj jan iyawsañani tucupcta ucanacampi.

Deuteronomio 31:16

Ucapachasti Tatitojj Moisesarojj sänwa: “Niyaw jumajj jiwjjäta, aca marcajj naya contra sayt'asisajj yakha diosanacaruwa arcapjjani cawquïri oraktejj catupcani ucanjja; ucapachasti jupanacajj nayarojj apanucupjjetaniwa, uqhamaraquiw suma arust'äwiru jupanacampi mantapcta ucsa p'aquintapjjani.

Jueces 18:5

Ucat jupanacasti sapjjaraquïnwa: —Uqhamajj jisct'amay Diosaru aca nanacan jutatanacajjajja waliquïniti, jan ucajj janicha walïcani uca —sasa.