Oseas 2:8 - Qullan Arunaca

⁸ “Ucampis janiw jupajj amuyascänti nayan juparu trigo, vino, aceite, ucanaca churatajjsa, nayaraquiw kollksa, korsa juparojj yapt'ayätjja yakha Diosanacap lurasiñapataquejja.

Aymar Bibliia 1986

⁸ “Ucampis janiw jupajj amuyascänti nayan juparu trigo, vino, aceite, ucanaca churatajjsa, nayaraquiw kollksa, korsa juparojj yapt'ayätjja yakha Diosanacap lurasiñapataquejja.

Qullan Arunaka DC

⁸ 8 (10) “Ukampis jupax janiw amuyaskänti nayan juparu trigo, vino, aceite, ukanak churataxsa, nayarakiw qullqsa, qursa yapt'äyäta, ukanakampisti yaqha diosanak lurasi.

Oseas 2:8 Jak'a apnaqawi uñst'ayäwi

1 Crónicas 29:16

“¡Nanacan Dios Tatitojja, take aca kamir cancañanaca kollan sutimataqui templom lurañataqui waquichapcta ucanacajja, jumanquiwa, jumataracwa jutaraqui!

Job 19:8

Diosajj sarañajjsa jist'antjjewa, thaquejjsa ch'amact'ayjjaraquiwa.

Isaías 1:3

Orko vacajj jakeparojj uñt'asiwa, asnos jakepan uywa uyupjja uñt'asiraquiwa; ucampisa Israel marcajjajj, nayan quipca marcajjajj, janiw uñt'quiti, janiraquiw amuyt'ascaraquisa.”

Isaías 46:6

Yakhepa jakenacajj bolsanacapat walja kori apsupjje, balanzanacansti kollkenac pest'apjjaraqui; ucatsti yakha diosanac luriri mä jakeruw jawsayapjjaraqui, mä dios lurañapataqui, ucat jupanacajj uca diosanacaru quillisipjjañapataqui.

Jeremías 7:18

Wawanacajj lawa apthapipjje, awquinacasti nina nactayapjje, warminacasti masa waquichapjjaraqui, tortanaca lurañataqui, ucatsti ucanacjja, cawquïrirutejj Alajjpacha Mama sapqui uca diosaruw loktapjjaraqui. Uca luratanacapampejj ñankhachapjjetuwa, uqhamaraqui yakha diosanacaru vino loktasitanacapampisa.

Ezequiel 23:41

Mä suma iquiñjjaruw kont'asipjjaraquïna, mank'aña mesas suma waquicht'atpacharaqui, ucaruw incienso uqhamaraqui aceite uchapjjaraquïna cawquïrinacatejj nayaru loktatäcän ucanaca.

Daniel (hebreo) 3:1

Nabucodonosor reyejj mä jach'a yakha diosa lurayaraquïna koritcamaqui, ucasti amstarojj quimsa tunca metronïnwa, anchorusti quimsa metroniraqui. Ucsti Dura sisqui uca pamparu uchapjjañapataquiw arsüna, Babilonia provinciana.

Daniel (hebreo) 5:23

Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Oseas 10:1

Israelajj walja achuni uva alir uñtatawa; ucampisa achupajj juc'ampïtap laycojja, juc'ampi altaranacracwa lurarasipjjäna; orakepan juc'ampi sumätap laycojja, kollana kalanacapas juc'ampi sumaraquïnwa.

Oseas 13:1

Cunapachatejj Efrainanquir jakenacajj parlapjjän ucqhajja, Israelanquir yakha tribunacajj juparojj ajjsarapjjänwa; ucampis Efrainajj jiwawayjjewa cunapachatejj juch lurcäna Baal diosaru yupaychasa uca urutpacha.

Oseas 13:2

¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: ‘Sacrificionac loktapjjam’ sasa. Jakenacasti vaca kallur uñtata c'ari diosanacaruw jamp'atipjje.

Oseas 2:5

Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Oseas 4:11

“Wachoka juchanacan sarnakañampi, vino machañanacampejja, jakerojj jan amuyun tucuyi.

Oseas 8:4

“Jan nayar yäkasaw reyinacjja utt'ayasipjje, jilïrinacapsti jan nayar yatiyasaraquiw uscusipjje. Kollkepa, koripa aptasipjje yakha diosanac lursusiñataqui, ucat jupanacpacha tucjasiñataqui.

Habacuc 1:16

Ucatwa chawlla caturejj känanacaparu, ansuelonacaparu yupaychejja, sacrificio loktäwinac churasa, uqhamarac inciensonacampi k'apichasa suma mank'a walja utjayatapata.

Lucas 15:13

Mä kawkha urutsti sullquïr yokajj take cunap aljantasinjja, yakha marcaruw sarawayjjäna, ucanwa kollkepjja ina ch'usar tucuntäna, jan wal jacasina.

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

Deuteronomio 8:18

Jan ucasti Tatitu Diosamat amtasipjjam, juparaquiw uca yänac jicjjatañataquejj ch'am churapjjtam, uqhamatwa jumanacampi phokhasi cawquïri arust'äwirutï awquinacamampi mantawaycäna ucanacajja.

Jueces 9:27

Ucampis jupanacajj yapunacaru sarasinjja uva achunaca aptanisajja vino lurapjjäna; fiesta lurasinjja mank'apjjäna, umapjjäna diosanacapan templopana, uqhamarac Abimelec chacharus maldicipjjaraquïna.