Oseas 2:8 - Qullan Arunaka DC

⁸ 8 (10) “Ukampis jupax janiw amuyaskänti nayan juparu trigo, vino, aceite, ukanak churataxsa, nayarakiw qullqsa, qursa yapt'äyäta, ukanakampisti yaqha diosanak lurasi.

Aymar Bibliia 1986

⁸ “Ucampis janiw jupajj amuyascänti nayan juparu trigo, vino, aceite, ucanaca churatajjsa, nayaraquiw kollksa, korsa juparojj yapt'ayätjja yakha Diosanacap lurasiñapataquejja.

Qullan Arunaca

⁸ “Ucampis janiw jupajj amuyascänti nayan juparu trigo, vino, aceite, ucanaca churatajjsa, nayaraquiw kollksa, korsa juparojj yapt'ayätjja yakha Diosanacap lurasiñapataquejja.

Oseas 2:8 Jak'a apnaqawi uñst'ayäwi

1 Crónicas 29:16

“¡Tatay, nanakan Diosaxay, taqi kunas jumankiwa, jumat taqi aka jilarkir yänakax juti, mä uta qullan sutimxar lurañatakiw wakichapxta!

Job 19:8

Diosax thakhixsa jist'antxiwa; sarnaqañaxsa ch'amakt'ayxarakiwa.

Isaías 1:3

Urqu vacax jaqiparux sum uñt'asi, asnosti jaqipan uywa uyupxa uñt'asirakiwa; ukampis Israel, nayan markaxaxa, janiw uñt'askiti, amuyt'askxarakisa.”

Isaías 46:6

Yaqhip jaqinakax quripsa qullqipsa ina ch'usaruw tukjapxi, diosanak luriri mä jaqiruw jikxatapxi, mä dios lurañapatakiw quripsa qullqipsa churapxi; ukatsti uka diosar killt'asisaw yupaychapxi.

Jeremías 7:18

Wawanakax lawa apthapipxi, awkinakasti nina naktayapxi, warminakasti muxsa t'ant'anak lurañatakix t'ant'a masa wakichapxi, ukatsti uka t'ant'anakxa, Alaxpacha Mama sapki uka diosaruw luqtapxaraki. Yaqha diosanakar waxt'äwinak luqtasitanakapampix ñanqhachapxituwa.

Ezequiel 23:41

mä suma ikiñxaruw qunt'asipxäna, manq'añäwjas suma wakicht'atänwa, ukaruw nayar luqtatäkän uka inciensompi, aceitempi uchapxarakïna.

Daniel (hebreo) 3:1

Nabucodonosor reyix quritkamak mä jach'a dios lurayäna, ukasti alayarux kimsa tunka metronïnwa, iramarusti kimsa metroniraki, uksti Babiloniankir Dura sat pamparuw uchayäna.

Daniel (hebreo) 5:23

Jan ukasti, alaxpachankir Tatitut larustawa, jupan utapankir qirunakampi aptayanisax, jawsayat jaqinakamamp chikaw uka qirunakat vino umtaxa; ukhamarusa, qurita, qullqita, bronceta, hierrota, lawata, qalat lurat diosanakaruw yupaychtaxa; uka diosanakasti janiw uñjapkiti, janiw ist'apkisa, janirakiw kuns yatipkiti. Janiw jumax Diosar jach'añchktati, juma reyin jakañamax jupan amparapankiwa, kuntix lurkta ukanakasa jupïpan lurasi.

Oseas 10:1

Israelax walja achuni uva alir uñtat wali qamiriwa; ukampis ukham tukutapatxa, juk'ampikiw altaranak yaqha diosanakatak lurarasipxäna; uraqipan juk'amp sumätapatsa, juk'ampikiw yaqha diosanakatak qala chutanakapsa lurasipxäna.

Oseas 13:1

Kunapachatix Efrainankir jaqinakax arsupkän ukkhaxa, Israelan maynïr ayllunakapax axsartañampiw isch'ukipxäna; ukampis Efrainax Baal diosar yupaychasa jucha luratapat jiwarakïna.

Oseas 13:2

¡Jichhas juchxa lurasipkakiwa! Qullqinakap umatatayasinsti yaqha diosanak lursusipxi, kunjämarutix munapki ukhamarjama. Ukatsti sapxarakiwa: “¡Wilañchanak luqtapxam!” sasa. Jaqinakasti uka vaca qallur uñtat diosanakaruw jamp'atipxi.

Oseas 2:5

5 (7) Taykapax yaqha chachanakampi sarnaqiriwa; sum uñt'atäñsa q'al apt'asiraki akham sasa: ‘Munirinakaxar thaqhir sarä, jupanakaw churapxitu, manq'añsa, isinaksa, suma q'apkir qullanaksa, kusist'añanaksa’ sasa.

Oseas 4:11

“Wachuqa juchanakan sarnaqañampi, vino machañanakampixa, jaqirux jan amuyun tukuyi.

Oseas 8:4

“Nayar jan yäqasaw reyinak utt'ayasipxi, jilïrinakapsti nayar jan yatiyasaw chhijllasipxi. Jupanakpachaw qullqipata, quripata yaqha diosanak lurasisax jan walt'añanakaru, tukjatäñanakar purisipki.

Habacuc 1:16

Ukatwa chawlla katurix qänanakaparu, anzuelonakaparusa, suma luqtäwinakampi, incienso q'aphinakampi waqaychi, ukanakäpan suma walja manq'anakax utjarapi.

Lucas 15:13

Mä qawqha urutsti sullkïr yuqax, taqi kunap aljantasin yaqha markaruw sarxäna, ukan jan wal sarnaqas qullqip ina ch'usar tukuntäna.

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

Deuteronomio 8:18

Tatit Diosamat amtasipxam, jupaw uka yänak jikxatañatakix ch'am churapxtam, ukhamat jumanakampi phuqhasi kawkïr arust'äwtix nayra awkinakamamp lurkatayna ukaxa.

Jueces 9:27

uka jaqinakasti uva apthapiriw pampar sarapxäna, uka uvat vino lurapxäna, ukatsti mä jach'a phuñchhäwi lurapxäna, diosanakapan utapan manq'asa, umasa, Abimélec chachar ñanqhachasa.