Oseas 11:8 - Qullan Arunaca

⁸ “¿Cunjämarac apanuct'asïmasti, Efraín? ¿Cunjämarac jaytanucümasti, Israel? ¿Adma marca tucjctjja uqhamti tucjaraquirisma, jan ucajj Zeboimarojj cuntejj lurcta uqhamraccha luririsma? ¡Chuymajjaw ch'alljjtitu, jumataquisti qhuyapayasiñan phokt'ataraquïtwa!

Aymar Bibliia 1986

⁸ “¿Cunjämarac apanuct'asïmasti, Efraín? ¿Cunjämarac jaytanucümasti, Israel? ¿Adma marca tucjctjja uqhamti tucjaraquirisma, jan ucajj Zeboimarojj cuntejj lurcta uqhamraccha luririsma? ¡Chuymajjaw ch'alljjtitu, jumataquisti qhuyapayasiñan phokt'ataraquïtwa!

Qullan Arunaka DC

⁸ “Israel, ¿kunjämarak apanukt'asïmasti? ¿Kunjämarak jaytanukt'asïmasti? ¿Admá marka tukjkta ukhamti tukjirisma, jan ukax, Seboím markarux kuntix lurkta ukhamarakcha luririsma? ¡Chuymaxaw ch'allxtitu, jumatakisti khuyapayasiñan phuqt'atarakïtwa!

Oseas 11:8 Jak'a apnaqawi uñst'ayäwi

Génesis 14:8

Uqhamasti Sodoma, Gomorra, Adma, Zeboim, uqhamarac Bela ucanquir reyinacasti Sidim valleruw sarapjjäna. Ucanwa aca pheska reyinacajj Quedorlaomer, Tidal, Amrafel, uqhamaraqui Arioc uca pusi reyinac contra nuwasipjjäna, uca reyinacasti Elam, Goim, Sinar uqhamarac Elasar marcanacan reyinacapänwa.

2 Samuel 24:16

Cunapachatejj angelajj Jerusalén marcaru niya t'unjañampïscän ucapachasti, Tatitojj chuymapan amtaraquïnwa uca jach'a jan wali luratapa, ucatwa angelarojj saraquïna: “¡Ucqhacamaqui, jan juc'ampi lurcjjamti!” sasa. Ucapachasti Tatitun angelapajj cawqhantejj jebuseo Arauna jakejj trigo jawk'cäna ucqhanwa jicjjatasiraquïna.

1 Reyes 3:26

Ucatsti jacasquir wawan taycapasti walipuniw wawapatjama llaquisiña kalltatayna, ucatsti reyirojj achict'asïnwa aqham sasa: —¡Ay jach'a rey! ¡Janiquiy aca wawarojj jiwayamti! ¡Aca warmiruqui wawjja churjjam! —sasa. Ucampis maynïr warmisti sänwa: —Jan nayataquïcpansa, ni jumataquïcpansa. ¡Payar qharjpan! —sasa.

2 Reyes 13:23

Ucampis Tatitojj jupanacatjja qhuyapayasïnwa, uqhamarac Abraham, Isaac, Jacob jupanacampi suma parlt'äwiru mantatapatwa amtasïna, ucatsti janiw tucjañsa, ni jakonucuñsa muncänti jupan nayrakatapatjja. Jichhacamasa janiw uqhamjja lurquiti.

2 Crónicas 36:15

Nayra awquinacapan Tatit Diosapasti, niya ucqhat niya ucqhatwa ewjja arunaca apayanïna qhitanacap toke, Tatitojj marcapatsa, jaccäna uca chekatsa qhuyapayasitap laycu.

Salmos 106:45

jupanacamp arusjäwi luratat amtasïna, jach'a qhuyapayasiñampiw ch'alljjtayasïna:

Isaías 16:11

Chuymajjasti mä arpjamaw qhathati Moab, uqhamaraqui Kir-hareset marcatjamajja.

Isaías 63:15

Tata, alajjpachatpacha uñtanipjjeta, cawqha kollana, c'ajquiri chekantejj utjcta ucqhatpacha. ¿Cawquincaraqui uca jach'a munasiñamasti, ch'amamasa, colerasiñamasa? ¿Qhuyapayasiñamasti nanacataquejj tucusjjeti?

Jeremías 18:8

Ucampisa, uca marcatejj ñankha lurañanacata jithektjje ucapachasti cuna mutuyäwtejj waquichatäcäna ucjja janiw apayancjjti.

Jeremías 3:12

Jichhajj saram, ucatsti aca arunac saraquim amsta tokeru uñtasa: ‘Tatitojj siwa: ¡Nayatac sayt'asir Israel, cuttanjjam nayan ucaru! Janiw nayajj jumarojj colerata catokcämati, janiraquiw wiñayataquisa coleratäcäti, qhuyapayasirïtajj laycu. Naya Tatituw ucjja arsta.

Jeremías 31:20

“Efraín marcajj nayataquejj munat wawajjawa; takenit sipansa sinti munat wawajjawa. Juparu tokenokcä ucasa, janipuniw nayajj jupatjja armascti; chuymajjajj ch'alljjtituwa, jupatsti walpun qhuyapayasiractjja. Naya Tatituw ucjja arsta.

Jeremías 42:10

‘Jumanacatejj aca oraken kheparaña munasipcsta ucajj, nayajj jumanacarojj jach'aruw aptapjjäma; janiw tucjapcaraquïmati, jan ucasti nayaw ayruntapjjäma, janiraquiw jiq'inucupcämati, uca jan walt'añanaca apayanitajjatsti walpun amtaracta.

Jeremías 9:6

janiraquiw yatekañsa munapquiti. Tatitusti siwa: “¡Nuwasiñat nuwasiñaru, c'arisiñat c'arisiñaru, ucaquiw utjasqui! Marcajjajj janiw uñt'añ munquituti.

Jeremías 9:7

Ucatwa naya take ch'amani Diosajj sistjja: ¿Cunsa jichhajj marcajjampejj luriristjja? Jan ucasti ninaru k'omachatäñapataqui uscuñaquiw waquisjje.

Lamentaciones 1:20

¡Tatay, nayan t'akhesitajj uñtanimaya! ¡Chuymajjasa waystañwa munitu! T'akhesiñaw chuymajjar llupt'itu; cunapachatejj juchajjata amthapista ucapachajja. Qhaya ankansti wawanacajjarojj espadampiw jiwarayapjje, aca mankhansa jiwañaquiw utjaraqui.

Lamentaciones 3:32

T'akhesiycchi ucasa, jupajj qhuyapt'ayasiraquiwa, munasiñapajj sinti jach'ätap laycu.

Lamentaciones 3:33

Jupasti janiw t'akhesiyañjja muncapuniraquiti, janiraquiw jakerusa t'akhesiyañ munquiti.

Ezequiel 33:11

Jichhasti jupanacarojj saraquim: Naya Tatituw juramentompi arsta, janiw nayajj khoru jaken jiwañapjja muncti, jan ucasti uca khoru jacañapjja apanucpan ucatsti jacaracpan. Israel, jumajj uca jan wali sarnakäwim apanucum. ¿Cunataraqui jiwascätasti?’

Ezequiel 6:9

Uca jilt'irinacasti, uca jaya marcanacanjja nayatwa amtasipjjaraquini; cunjämtejj nayajj jupanacaru t'akhesiycäyätjja, jan nayaru take chuymampi arcapjjatapata, uqhamaraqui nayatsa jayarst'awayapjjatapata yakha diosanacar yupaychañ laycojja, take ucanacwa amtasipjjani. Jupanacasti take ñankha luräwinacapa amthapisisajja, jupanacpachaw ajjtasipjjani, take uca ajjtascaña luräwinacapatsa.

Oseas 6:4

Tatitojj siwa: “¿Cunsa lurä jumampejj, Efraín? ¿Cunsa lurä jumampejj, Judá? Jumanacan munasiñanacamajj nayataquejj alba urpur uñtataquiwa, khantati sullar uñtataquiraquiwa, ucatsti mäquiraquiw chhaktawayjje.

Oseas 7:1

cunapachatejj marcajjar kolljjañ munta, Efrainampiru, Samariampiru ucqhajja, juchapampi jan wali luratanacapampiquiw uñsti. Takenis c'aricamaquiwa; lunthatanacjamaw, utanacarus mantasipcaqui, callenacansa jakenacatjja lluch'susipcaquiwa.

Amós 4:11

“Sodoma marcampiru Gomorra marcampiru tucjcäyätjja uqhamaracwa jumanacarojj tucjapjjaracsmajja, ninat apsut mä sanc'ar uñtataraquiw kheparapjjtajja, ¡ucampis jumanacajj janiw nayarojj cutt'anipctati!” Uqham siw Tatitojja.

Amós 7:3

Ucatsti Tatitojj amtäwipjja jaytjjewa, ucatjja saraquiwa: “¡Ucajj janiw uqhamäcjjaniti!” sasa.

Amós 7:6

Ucatsti Tatitojj amtäwipjja jaytjjewa ucatjja saraquiwa: “¡Ucas janiraquiquiw uqhamäcjjaniti!” sasa.

Miqueas 5:3

Jichhasti Tatitojj jupanquirinacarojj apanucuwa, ucampis cawquïr usur jake warmitejj utjqui ucan wawachasiñapcamaquiwa, ucatsti jaya marcar apanucuta israelitanacajj marca masinacapampiw tantacht'asjjapjjani.

Sofonías 2:9

Ucatwa naya jacquiri Diosajj arsta: Moab marcasti Sodoma marcjamaw tucuni, Amón marcasti Gomorra marcjamaraquiw tucuni, orakenacapansa ch'aphinacaquiw jiljjani, jayu orakeruraquiw tucuyaraquï, wasararuw wiñayatac tucuyaraquï. Ucatsti marcajjat jilt'ir jakenacaw saqueyapjjani, orakenacapsa catuntasipjjaraquini.

Mateo 23:37

“¡Jerusalén, Jerusalén, jumawa profetanacarojj jiwaytajja, Diosan qhitanitanacaparusti kalampiraquiw c'upjaractajja! ¡Nayasti kawkha cutiraquiw jumanacarojj tantacht'añ munapjjäyäsmajja cunjämtï mä wallpajj jisc'a chhiwchhinacaparojj jawsthapqui uqhama, ucampis janiw munapctati!

Deuteronomio 29:22

Cawquïri wawanacatï jumanacan khepamat jutcani, uqhamarac yakha marcat jutir jakenacas purincani, take ucanacaw plaganaca, usunaca, Diosajj aca oraker apayanqui ucanacjja uñjapjjani.

Deuteronomio 29:23

Ucatsti uñjapjjaraquiniw take orakejj azufreru, jayuru, naqhantat lak'aru tucutätapa. Janiraquiw cunsa uca orakerojj satañ puedipcaniti, ni cunas achcaniti; janiraquiwa mä jisc'a koras jilcaraquiniti, cunjämatï t'unjasïnjja Sodoma, Gomorra, Adma, Zeboim sat marcanacajja, cawquïrtï Diosajj t'unjäna jach'a ajjsarcañ colerasiñapampi uqhama.

Deuteronomio 32:36

“Diosaw marcapat arjjatiri mistsuni, cunapachatejj jan ch'amanëjjani ucqhajja; Diosaraquiw wawanacapatjja qhuyapayasini cunapachatejj jan t'uqha jakenaca ni ch'aman jakenaca utjcani ucapacha.

2 Pedro 2:6

Diosajj ninampiraquiw Sodoma, uqhamarac Gomorra sat marcanacarojj naqhantayänjja khellar tucuyasa, khepa urunacan jaquir jan wali jakenacan amuyt'asipjjañapataqui.

Judas 1:7

Uqhamaraqui Sodomampi Gomorrampi uca jac'a marcanacampejja, uca angelanacjamaraquiw wachoka jucha lurañar catuyasipjjäna. Ucatsti cunayman jan amuyt'cañ vicionacampi apayasisa, ucatsti taken amuyt'asiñapataqui uchatäpjjewa, wiñay akquir ninan t'akhesisa.

Apocalipsis 11:8

Amayanacapasti, cawquintejj Tatitojj ch'accatatäcäna uca jach'a marcan callenacapanwa jiwat jaktatäscani. Uca marcasti mä arunjja Sodoma, uqhamarac Egipto sataraquiwa.

Apocalipsis 18:18

Uca marcan naqhatapat jek'e mistur uñjasasti, jach'at art'apjjaraquïna: “¿Cawquïri marcaquisa aca jach'a marcjamänjja? ” sasa.

Jueces 10:16

Israelitanacajja uca c'ari diosanacjja apanucjjapjjänwa, Diosaru cutt'asa yupaychañataqui. Ucatsti Diosajja janiw muncänti israelitanacan t'akhesiscañapjja.