Oseas 11:7 - Qullan Arunaca

⁷ Uqhampachas marcajjajj nayat jayancañjja munascaquiwa; arnakasisipcaraquiwa, ucampis janiw qhitis jupanacan arnakasitapjja ist'quiti.

Aymar Bibliia 1986

⁷ Uqhampachas marcajjajj nayat jayancañjja munascaquiwa; arnakasisipcaraquiwa, ucampis janiw qhitis jupanacan arnakasitapjja ist'quiti.

Qullan Arunaka DC

⁷ Ukhampachas markaxax nayat jayankañ munaskakiwa; diosanakarus art'asisipkakiwa, ukampis janiw khitis jupanakar yanapt'irix utjkiti.

Oseas 11:7 Jak'a apnaqawi uñst'ayäwi

Salmos 81:11

“Marcajjasti janiw ist'añ munquitänti; Israel marcajj janiw jaysañ munquitänti.

Proverbios 14:14

Jan amuyt'an jakejja sarnakatapampejja cusisitaquiwa, ucampis asqui jakejja suma luratapampiwa cusisi.

Isaías 26:10

Ñankha jakenacat qhuyapayascäta ucasa, jupanacajj janipuniw chekapäñjja yatekapcaniti; asqui jakenacan orakenacapansti sinti khorunacaraquiw tucupjje, janiraquiw Tatitun jach'a cancañapsa yäkapquiti.

Jeremías 14:7

¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Jeremías 2:19

Pachpa ñankha luratamaw mutuyätamjja, jan take chuymampi sarnakatamaw juchañchascätpa. Amuyt'asim, ucatsti uñjaraquïtawa, cuna jan walïcataynatejja uqhamaraqui c'allc'ücaraquitaynatejj nayar apanucuñajj uca. Uqhamaraqui nayar jan yäkatamajj cunja jan walïquitejj ucwa uñjäta, naya Tatitu Diosamar apanucutamatjja. Naya take ch'amani Tatituw ucjja arsta.

Jeremías 3:11

Tatitusti saraquituwa: “Nayataqui sayt'asir Israelasti yakhampi sarnaker Judät sipansa juc'a juchaniquiwa.

Jeremías 7:25

Cunapachatejj nayra awquinacapajj Egiptot mistunipcäna ucat jichhacamasti, nayajj jumanacarojj maynit mayniruwa profetanacjja qhitanipjjsma.

Jeremías 7:26

Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Jeremías 8:5

Uqhamasti, Israel ¿cunatsa ch'ojjña lurista? Jerusalén, ¿cunatsa nayataquejj wiñayataqui colerasta? ¿Cunatsa nayataqui sayt'asiscacta, ucatsti janiraqui nayan ucarojj cuttaniñ munctati?

Oseas 11:2

Ucampis cunapachatejj nayajj juc'ampi jupar jawsayät ucqhajja, juc'ampiraquiw jupajj nayatjja jayarst'awayi. Marcajjasti c'ari diosanacaruquiw sacrificionac loktasïnjja, yakha diosanacaruquiraquiw incienso nact'ayasïnjja.

Oseas 14:4

Tatitojj siwa: “Naya contra sayt'asitanacapatjja kolljjatjjäwa; jupanacarusti munasiraquïwa jan waquiscchi jupanacar munañajj ucasa, jupanacataqui colerasitajjasti apartjjaraquituwa.

Oseas 4:16

Israel marcajja naya contra sayt'asiriwa mä uri vaca kallur uñtata: uqhamasti, ¿Tatitojj suma pastonacaru awatiraquispati oveja wawanacäpcaspas uqhama?

Oseas 7:16

Yakha diosonacaruquiw yupaychir sarjjapjje; k'ewinucut arcor uñtatäpjjewa, flechapasti janiraquiw purquiti puriñapäqui ucqharojja. Jan wali arunac parlapjjatapatsti, jilïrinacapajj espadan jiwayatcamaw jiwarapjjani, Egiptonsti jupanacatjja larusipjjaraquiniwa.”