Números 30:13 - Qullan Arunaca

¹³ “Chachasti phokhayaspawa, jan ucajj ina pamparus tucuyaraquispawa, cuntejj warmipajj arupampi arsqui, juramento lurasa ucjja, ucatsti wayt'añaparaquiw ayuno lurañapataquejja.

Aymar Bibliia 1986

¹³ “Chachasti phokhayaspawa, jan ucajj ina pamparus tucuyaraquispawa, cuntejj warmipajj arupampi arsqui, juramento lurasa ucjja, ucatsti wayt'añaparaquiw ayuno lurañapataquejja.

Qullan Arunaka DC

¹³ 13 (14) “Warmipan Diosar phuqhañatak arsutapatsti, chachapapuniw ‘walikiw’ sañapaxa, jan ukax ‘janiw’ sañapasa.

Números 30:13 Jak'a apnaqawi uñst'ayäwi

Esdras 8:21

Ucatsti takeruw yatiyta Ahava sat jawira jac'ana ayunañataqui, uqhamata Diosan nayrakatapana juchanacajja uñt'asiñanacajjataqui, uqhamarac mayiñataqui sumaqui nanacar sarayañapataqui, familianacajjaru, uqhamarac yänacajjarusa.

Salmos 35:13

Nayajj jupanacar usuntir uñjasajja, walpun llaquisïyäta, qhanqha isimpiw isthapisïyäta, janiw mank'cäyätsa, chuyma mankhejjansti, janiw Diosat mayirapiñ karjascäyätti.

Isaías 58:5

¿Jumanacasti amuyapjjtati cawquïri ayunañatejj llact'ata jicjjatasiñäqui, p'ekes mä alir uñtata alintata, uqhamaraqui llaqui isimpi isthapita khelljjan iquiñäqui ucajj cheka ayunütapa? ¿Ucaruti jumanacajj ‘Ayuno’ sapjjta? ‘¿Tatitun suma urupa sapjjaracta?’

Levítico 16:29

“Aca leyinacasti jumanacataquejj wiñayataquïniwa: tunca uru sarakataru pakallköri phajjsina jumanacajj ayunapjjäta, take luräwinacamwa suyt'apjjäta, take israelita jakenaca uqhamarac jaya marcat jutasina jumanaca taypina jaquiri jakenacasa.

Levítico 23:27

“Uca pachpa pakallko phajjsi sarakatansti, tunca uru sarakatarojja, jumanacajj mä suma kollana tantachasïwi lurapjjäta, uca urusti ayuno lurapjjäta, uqhamarac Tatitutaquisti mä ofrenda nact'ayasina sacrificiot loktapjjaraquïta.

Levítico 23:32

Jumanacataquisti uca urojj samaraña urüniwa, uqhamarac ayunaña ururaquïniwa, uca ursti kalltapjjaraquïtawa uca phajjsina llätunca uru sarakataru. Jayp'u chekatwa kalltapjjäta, ucatsti khepüruwa tucuyjjapjjaraquïta, pachpa jayp'u chekaruraqui.”

Números 29:7

“Pakallko phajjsit tunca uru sarakquipanjja uqhamaraquiw jumanacajj k'oma tantachasïwi lurasipjjäta. Uca urusti ayuno lurapjjäta, janiraquiw cuna casta irnakañanacsa lurapjjätati.

Números 30:12

Ucampisa chachapatejj yatisinjja ina pampar tucuyani, ucapachajj janiw phokhañapäcjjaniti, chachapan ina pampar tucuyatap laycu. Tatitojj janiraquiw phokhañapataquejj wayt'caniti.

Números 30:14

Chachapatejj jan cunsa sisqui, uqhamatjja mä uru jan ucajj pä urunaca pasawayjje, ucampejj uñacht'ayiw warmipan take arsüwi luratanacapajj waliquïscatapa.

1 Corintios 11:3

Ucampis nayajj muntwa jumanacajj acanac amuyt'apjjañama: Cristowa take chachan p'ekepajja, chachasti warmin p'ekeparaquiwa, cunjämatejj Diosajj Criston p'ekepäqui uqhama.

1 Corintios 11:9

Warmisti chachïpanwa luratänjja, janiw chachati warmïpanjja.

1 Corintios 7:5

Jan maynis maynis “janiw” sasipjjamti, jan ucasti oración lurañ laycu, jumanac pura arust'asipjjasma mä tiempo jan jac'asiñataqui ucqhaquiw “janiw” sasipjjasmajja. Uca pasatatsti wasitatwa jumanacajj juntasjjapjjañama, inampis maynejj janchipar jan atipirjamäsajj Supayampi yant'atajja juchar purispa.