Números 25:3 - Qullan Arunaca

³ Uqhamatwa jupanacajj Baal-peor diosar yupaychañaru uchasipjjäna. Ucatwa Tatitojj jupanacataquejj wal colerasïna.

Aymar Bibliia 1986

³ Uqhamatwa jupanacajj Baal-peor diosar yupaychañaru uchasipjjäna. Ucatwa Tatitojj jupanacataquejj wal colerasïna.

Qullan Arunaka DC

³ ukhamat jupanakax Baal-peor sat diosar yupaychañatak arkapxäna. Ukat Tatitux Israel markatak q'apisïna,

Números 25:3 Jak'a apnaqawi uñst'ayäwi

Salmos 90:11

¿Qhitirac k'apisiñamamp lurjatanac yatisti? ¿Qhitirac k'apisiñam uñt'isti?

Jeremías 17:4

Cawquïri oraktejj nayajj herenciat churcsma ucsti apanucuwayañamawa, ucatsti uñisirinacaman esclavopa tucuyaraquïma, jumajj jan uñjctasa uca orakena, colerasiñajjasti ninjamaw akti, jumar tucuntir ninjamaraqui.”

Oseas 4:14

Ucampis janiw nayajj phuchanacamar wachoka jucha luratapatjja ni yojjch'anacamarus yakha chachanacampi sarnakatapatjja mutuycäti, jumanacpacha jan wali warminacampi sarnakapjjatam laycu; sacrificionac loktañataquisti jan wali sarnaker warminacampiw chicachasipjjtajja, jumanacataquisti uca jan wali sarnacañajj mä cultjamawa. ¡Uqhamwa mä marcajj aynacht'awayi jan amuyt'asitap laycojja!

Oseas 9:10

Tatitojj siwa: “Cunapachatejj Israelar jicjjatcäyät ucapachajj cusisiyätwa, cunjämatejj wasaran uva jicjjatirejj cusisquejj uqhama. Nayra awquinacamajj nayataquejj, nayräwiri achoker higonacjamänwa. Ucampis cunapachatejj Baal-peor chekaru puripjje ucqhajja, c'ari diosanacaruquiw catuyasjjapjje, ucatsti wali jisc'achcañawa tucupjjaraqui, jupanacajj munapcänsa uca yakha diosanacjama.

Números 25:5

Moisesajj Israelitanacan juezanacaparojj sänwa: —Sapakat mayniw jumanacatjja tribunacaman, cawquïrinacatejj Baal-peor diosar yupaychapqui uca jakenacaru jiwarayapjjañama —sasa.

Números 31:16

Jupanacapï israelitanacarojj Tatitu contra sartayapjjänjja, Balaaman arunacapatjja, uqhamarac Baal-peor diosarus yupaychayapjjänjja. Ucatwa Tatitojj marcaparojj plaganacampi mutuyänjja.

Josué 22:17

¿Janit jumanacataquejj juc'aquïqui Peor sat chekan juchanaca lurctan ucajja, cawquïrittejj chuymasas jan jichhacam k'omachatäqui, uqhamaraqui walja jakenaca uca jucha laycu jiwarapjje Diosan marcapata ucanacasa?

Jueces 2:11

Israelitanacajja Diosansa uñjcatawa jan walinaca lurapjjäna. Jupanacasti kalltapjjänwa cunayman Baal sat diosanacaru yupaychaña.

Jueces 2:13

Jupanacasti Diosatjja armasiwayapjjänwa Baal sat diosaru, uqhamarac Astarté sat cunayman uñtasir diosanacar yupaychañ laycu.

Jueces 2:14

Uqham uñjasinsti Diosajj Israel marca contra colerasisajja lunthatanacampiw cunanacapatejj jupanacan utjqui ucanaca aparayäna, uqhamarac uca thiyanacan jaquir uñisirinacapampiraquiw tucjayaraquïna, jupanacajja janiw sayt'asipcänti.

Jueces 2:20

Diosasti, Israel marca contra colerasisasti sänwa: “Aca jakenacasti, nayra awquinacapampi suma amtäwiru mantapcta uca arunacwa t'unjapjje, janiwa istañsa munapquiti.