Números 25:3 - Qullan Arunaka DC

³ ukhamat jupanakax Baal-peor sat diosar yupaychañatak arkapxäna. Ukat Tatitux Israel markatak q'apisïna,

Aymar Bibliia 1986

³ Uqhamatwa jupanacajj Baal-peor diosar yupaychañaru uchasipjjäna. Ucatwa Tatitojj jupanacataquejj wal colerasïna.

Qullan Arunaca

³ Uqhamatwa jupanacajj Baal-peor diosar yupaychañaru uchasipjjäna. Ucatwa Tatitojj jupanacataquejj wal colerasïna.

Números 25:3 Jak'a apnaqawi uñst'ayäwi

Salmos 90:11

¿Khitirak phiñasiñamampi lurjatanak yatisti? ¿Khitirak q'apisiñam uñt'isti?

Jeremías 17:4

Jumar churksma uka uraqsti apanukuwayañamawa, ukatsti jumax jan uñt'ktas uka uraqinxa, uñisirinakaman t'aqhisiyatap tukuyäma, phiñasiñaxasti ninjamaw aqti, uka ninaw nakhantarakïtam.”

Oseas 4:14

Ukampis janiw phuchhanakamarusa, yuxch'anakamarus wachuqa juchanak luratanakapat mutuykäti, jumanakpachaw jan wali warminakampix wachuqa juchanak lurapxtaxa; wilañchanak luqtañatakis jan wali warminakampiw mayachasipxtaxa, uka warminakan ukham luratanakapax diosanakapar yupaychäwïkaspas ukhamawa. ¡Ukatpï mä markax jan amuyt'asitapat aynacht'awayixa!

Oseas 9:10

Tatitux siwa: “Kunapachatix Israel markar jikxatkäyät ukapachax kusisiyätwa, kunjämatix wasaran uva jikxatirix kusiski ukhama. Nayra awkinakamax nayatakix, nayrawir achuqir higonakjamänwa. Ukampis kunapachatix Baal-peor chiqar puripki ukkhaxa, k'ari diosanakaruw yupaychapxi, ukatsti wali jisk'achkañaw tukupxi, jupanakax munapkänsa uka yaqha diosanakjama.

Números 25:5

Ukspachaw Moisesax Israelan taripirinakap thiya saräna, jupanakarusti sänwa: —Sapa mayniw jumanakax ayllunakamankirinakar, khitinakatix Baal-peor diosatak killt'asipki uka chachanakar jiwarayapxañama —sasa. Ukatsti ukhampun lurapxäna.

Números 31:16

Uka warminakaw Balaaman jan wali amuyt'ayatax, israelitanakar iyawsayasin Tatitut saraqayapxäna, Baal-peor diosar yupaychayasa. Ukat Tatitux mä jan wali usumpi markapar mutuyäna.

Josué 22:17

¿Janit Peor chiqan jucha luratanakas layku Tatitun mutuyäwipa katuqatasa amtasipktasti? Uka jucha luratat janïraw jichhürkam q'umachatäktanti.

Jueces 2:11

Israelitanakan luräwinakapax Tatit nayraqatan janiw walïkänti, jupanakax Baal diosan kunayman uñtasitanakaparuw yupaychañ qalltapxäna.

Jueces 2:13

Jupanakasti Baal, Astarté diosanakan uñtasitanakapar yupaychasaw Tatitut armasipxäna,

Jueces 2:14

ukat Tatitux Israel markataki q'apisïna, lunthatanakampiw jupanakan utjir yänakap aparayäna, ukatsti uka thiyanakan jakir uñisirinakapampiw tukjayarakïna, janiw jupanakax saykatañatak ch'amanïpkänti.

Jueces 2:20

Ukat Tatitux Israel markatak q'apisisin säna: “Aka jaqinakax nayra awkinakapampi lurat arust'äwirux t'unjapxiwa, janirakiw jaysañ munapkituti.