Números 23:7 - Qullan Arunaca

⁷ Ucapachaw Balaamajj aca arunac arsüna: “Inti jalsu toke kollunacata, Aram sat chekatpachwa Balac sat Moab reyejj jutayitu. ‘Jutam, Israelar ñankhacharapita’ saraquituwa, ‘Jacobon marcapataquisti jan walinac mayiraquim’ sasa.

Aymar Bibliia 1986

⁷ Ucapachaw Balaamajj aca arunac arsüna: “Inti jalsu toke kollunacata, Aram sat chekatpachwa Balac sat Moab reyejj jutayitu. ‘Jutam, Israelar ñankhacharapita’ saraquituwa, ‘Jacobon marcapataquisti jan walinac mayiraquim’ sasa.

Qullan Arunaka DC

⁷ Ukapachaw Balaamax aka arunak arsüna: “Inti jalsu tuqi qullunakata, Aram chiqatpach Balac sat Moab markan reyipax jutayitu. ‘Jutam, Israelar ñanqhacharapita’ situwa, ‘Jacobun markapatak jan walinak mayirakim’ sasa.

Números 23:7 Jak'a apnaqawi uñst'ayäwi

Génesis 10:22

Sem chachan wawanacapasti Elam, Asur, Arfaxad, Lud, uqhamarac Aram ucanacänwa.

Génesis 28:2

Padan-aram sata oraker sarjjam Betuel achachilaman utaparu, ucansti Labán tioman mä phuchapampi casarasim.

Génesis 28:7

Jacobosti cunjämtejj awquipan, taycapan qhitata Padan-aram uca tokeru sarjjän ucsa sumwa amuyänjja.

2 Samuel 21:21

Ucampis jupajj israelitanacarojj wali nuwjañ munäna, ucatwa Simea jaken yokapa, Jonatanajj juparu jiwayaraquïna, cawquïritejj Davidan jilapäcaraquïna uca.

2 Samuel 23:9

Ucjjarusti Dodo sat jaken Eleazar yokapa, ahohita sataraqui, jupasti quimsanitjja sinti suma soldadopunïnwa. Davidampi chicaraquiw Pasdamim sisqui uca chekancäna, cunapachatejj filisteonacajj uca chekaru nuwasiñataqui tantacht'asipcän ucapacha, israelitanacasti ucapachajj sarjjapjjaraquïnwa.

Job 27:1

Ucjjarusti Job chachaw wasitata arsuraqui: “¡Take ch'amani Diosan sutipjjaruwa arsta, uca Diosasti janiw chekaparu uñjañ munquituti, jan walt'añanacampiwa phokhantaraquitu.

Job 29:1

Ucjjarusti Job chachajj wasitata arsusi: “¡Walïspawa nayan nayra pachanacaru cuttjjañajjajja, cunapachatejj Diosajj nayarojj arjjatquitäna uca pachanacaru cuttjjañajjajja!

Salmos 49:5

¿Cunatarac jan wali urunac jutquipan ajjsarascästi? ¿Cunatarac timanacajjan muyuntat jicjjatasisast ajjsarascästi?

Salmos 78:2

säwinac tokew arsü, nayra pachatpach imantatanac parlä.

Proverbios 26:2

Cunjämatejj chhakat jamach'isa, jan ucajj golondrina sat jamach'isa laka tokena maysar maysar jan tapani jalnakasquejja, uqhamawa maldicionajj ina ch'usatjja janiw wact'caraquispati.

Ezequiel 17:2

“Jumasti chacha, Israel marcarojj mä uñtasïwi churaraquim.

Ezequiel 20:49

Nayasti ucjjarojj saractwa: “Tata, jakenacajj sapjjewa nayajj jan amuyt'caña arunacaqui parlascatajja” sasa.

Miqueas 2:4

Qhaya urunacansti jumanacataquejj larusisaw jachañ k'ochunac k'ochupjjani. Sapjjaraquïtamwa: ‘K'ala tucjatapunïtanwa; jiwasa, Tatitun marcapasti, yakha uywirinëjjtanwa, janiraquiw qhitis ‘janiw’ sasajj jarc'akquiti; jiwasan orakenacasasti atipjirinacasaru laquinokataraquiwa’ sasa.

Habacuc 2:6

“Ucampisa take catuntata marcanacajj larusipjjaniwa catuntquis ucanacatjja, k'ochupjjaraquiniwa: ‘¡Ay, cunänis jumatjja, kamiripttawa cunatejj jan jumancqui ucanacampi! ¿Cunapachcamasa phokantasiscaquïta cunanacatejj mayt'ata catusctajja ucanacampi?’ sasa.

Números 22:11

‘Mä marcaw Egiptot mistuni, ucasti takpach orakeruw ch'ekenti, Balac reyisti nayan ñankhachañajwa muni, uqhamatcha atipjaspa, orakepatsa jakonucuraquispa’ sasa.

Números 22:17

Nayaw wali jach'añchäwinac churäma, take cuntejj mayquitäta ucsa nayajj phokhäwa, ucampisa jutaquimay aca marcar ñankhacharejja” —sasa.

Números 23:18

Ucatsti Balaamajj aca arunacwa arsüna: “Balac, Zipor chachan yokapa, suma ist'ita.

Números 23:6

Balaamasti cuttjjänwa, ucatsti Balac reyirojj uñjänwa sacrificionac thiyan sayt'ata, take moabita jilïrinacampi chica.

Números 24:15

Balaamajj aca arunacwa arsüna: “Balaaman arunacapawa, Beor chachan yokapa, Dios toket yatiñan jakeraquiwa.

Números 24:21

Uqhamaraquiw quenitas sat marca uñtasajj aca arunac arsüna: “Cainan wawanacapa, jacäwinacamajj suma chekar sayt'atäscpansa, tapanacapajj kala taypinacar uchatäscpansa, uca tapasti ninampi t'unjatäniwa, cunapachatejj Asiria marcajj catuntcani ucqhajja” sasa.

Números 24:23

Ucjjarusti mayampiw aca arunaca arsüna: “¡Ay! ¿Qhitis jacani cunapachatejj Diosajj take acanac lurascani ucqhajja?

Números 24:3

Ucapachasti Balaamajj aca arunacwa arsüna: “Balaaman arunacapawa, Beor chachan yokapa, Dios toket yatiñan jakeraquiwa.

Mateo 13:33

Yakha uñtasïwitwa jupanacaru parlaraquïna: “Diosan reinopajj mä levadurjamawa, cunjämatejj mä warmejj quimsa medida jac'uru levadurampi chapuntqui ucsti poktayaraqui ucamp sasiwa.”

Mateo 13:35

Take acanacasti phokhasiscänwa cunjämtejj profetajj kellkatayna ucarjama: “Uñtasïwinac toke parlä; cunanacatejj imantatäqui orak kalltäwitpacha ucanac saraquï.”

Marcos 12:12

Uc ist'asinsti jilïrinacajj Jesusarojj catuntañ munapjjäna, uca uñtasïwi jupanac contra arsutap yatisina, ucampis jakenacaruw ajjsarapjjäna. Ucatsti Jesusar jaytawayasina sarjjapjjänwa.

Deuteronomio 23:4

Cunapachatejj jumanacajj jupanacan orakepanjama pasanipcäyäta ucapachajj Egipto marcat mistunisinjja, janiw cuna mank'añsa, umañsa wajjt'apcäyätamti; ucat sipansa jupanacajj Balaam sat Beor chachan yokaparuw pagapjjäna, cawquïritejj jutascäna Petor sat Mesopotamia oraketa, jumanacar ñankha arunacampi ñankhachañataqui.

1 Samuel 17:10

Jichhüruw nayajj aca arunac Israel marcan ejercitoparu sista: ‘¡Qhitis nayampi nuwasirjamajja, uca jake qhitanipjjeta!’ sasa.

1 Samuel 17:36

Uqhamapï mä leonäscpasaya, jan ucajj mä osöscpasaya, aca sirvirimajj jiwt'ayaquipunirïnwa. Aca jan Diosar uñt'iri filisteo chacharusti uca quipcaraquiquiw lurasini jacquir Diosan ejercitopar arnakatap laycu.

1 Samuel 17:45

Davidasti saraquïnwa: —Jumasti espadampi, lanzampi, flechanacampiw nayamp nuwasirejj juttajja ucampis nayajj jumampi nuwasirejj take ch'amani Tatit Diosan sutipjjaruw juttjja. Jupasti Israelan ejercitopan Diosapawa, qhitirutejj jumajj arnakcta ucana.