Números 23:19 - Qullan Arunaca

¹⁹ Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Aymar Bibliia 1986

¹⁹ Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Qullan Arunaka DC

¹⁹ Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

Números 23:19 Jak'a apnaqawi uñst'ayäwi

Génesis 26:3

jichhasti aca marcan jacascaquim. Nayaw jumampïscä, bendiciraquïmawa, uqhamarus jumaru, wawanacamampiruw take aca orakenac churä. Uqhamwa cuntejj Abraham awquimar arscayät uca arsutajjarojj phokhäjja.

Génesis 28:15

Nayaw jumampïscta, cawquirutejj sarcät ucan imascapunïmawa, ucatsti uca pachpa orakeruw cuttayaniraquïma. Janipuniw antutcämati jan arsutajjar phokhasajja” sasa.

1 Reyes 14:11

Familianacamajj marcan jiwapcani ucanacarusti anunacawa mank'antapjjani; ucatsti qhitinacatejj pampan jiwapcani ucanacarusti jach'a jamach'inacawa mank'antapjjani, naya Tatituwa uqham amtta uca laycu’ sasa.

2 Reyes 15:12

Uqhamatwa phokhasiscäna cuntejj Tatitojj Jehú reyir yatiycäna wawanacapat saraker familiapajj pusïr wawapan wawapcama Israelan tronopan kont'asiñapäcäna ucajja.

2 Reyes 7:2

Reyin yanapiripasti profetarojj sänwa: —Tatitojj alajjpachata jist'arancaspa ucasa, janiw lurascaspati cuntï jumajj siscta ucajja —sasa. Ucampis Eliseojj sascaquïnwa: —Juma pachpawa ucjja uñjätajja, ucampis janiw ucjja mank'cätati —sasa.

1 Crónicas 17:17

¡Uqhamaraquiw take acanacajja mä juc'aquïcaspasa uqhamaruquiw uñjtajja, Dios Tatitu, sirviriman wawanacapan jutir urunacana reyïñanacapatsa parlañamataquejja, ucatsti jumajj nayarojj uñjaraquistawa yäkata jakëquiristsa uqhama, Dios Tatitu!

Salmos 110:4

Tatitojj mayac arsu, arsutapatsti janiw yakha amtquiti: “Jumaw wiñay sacerdotëtajja, Melquisedec sacerdoten thaquiparjama” sasa.

Salmos 132:11

Tatitojj juramentompiw David chacharojj arsüna, uca arsutapatsti janiw may amtcaniti:

Salmos 77:9

¿Diosajj munasiñapat armasjjpachati, jan ucajj, k'apisiñach chuymap jist'antpachajja?” sasa.

Salmos 89:34

Janiw jupamp lurat arust'äwirojj p'aquintcäti, janiraquiw arsutanacajjs mayjt'aycäti.

Salmos 89:35

Kollan cancañajj laycuw juramento lurta, janiw juparojj c'arintcäti:

Isaías 21:17

Mä juc'a arconacaquiraquiw Cedar marcan guerrero jakenacapampejj kheparjjani.” Tatituw, Israelan Diosapaw uqham arsu.

Isaías 31:2

Jupasti yatiraquiw cunjäma jakenacar jan walt'ayañsa, cunapachatejj cunsa arsu ucqhajj janiw khepar cutcaspati. Jupasti khoru jakenacataquiw sartaraquini, qhitinacatejj ñankha luririnacarojj yanapapqui ucanacataqui.

Isaías 40:8

Korajj wañsuwayjjaquiwa, pankaras ancuntawayjjaquiraquiwa; ucampis Diosan arunacapasti wiñayataquipuniw jacaraquini.”

Isaías 46:11

Inti jalsu toket mä jakeru jawsta, jayatpach jupajj aycha mank'an jamach'ir uñtataw jutani, juparaquiw amtatanacajj-jja phokhani. Arstwa, uqham luraraquëjja; amtastwa, uca amtatanacajjsti phokharaquïwa.’

Isaías 55:11

uqhamaraquiw lacajjat mistquis uca arunacajja, janiw nayan ucarojj ch'usaqui jan cun lurasajj cuttancaniti, jan ucasti cuntejj nayajj muncta ucwa luri, cuntejj nayajj siscta ucwa phokharaqui.

Jeremías 4:28

Aca orakejj llaquisiñampi phokhantatäniwa, alajjpachas lutot ist'asiraquini. Nayaw arsta, janiw kheparojj cuttcäti, take cunas amtatäjjew, janipuniw khepar cuttcäti.

Daniel (hebreo) 4:28

Take aca yatiyäwinaca Nabucodonosor reyir churatasti phokhasipunïnwa:

Oseas 11:9

Janiw colerampi atipayascäti, janiraquiw Efrainarus tucjcäti; nayasti Diosätwa, janiw jakëcti uca laycu. Nayajj jumanac taypin utjasiri Kollana Diosätwa, janiraquiw jumar tucjiri jutcti.”

Miqueas 7:20

¡Tata munasiñamampi, cheka cancañamampjja janiquiy armasimti, Abraham, Jacob uca nayra awquinacajjaru arscäyätas ucanacjja!”

Habacuc 2:3

Janiraquiw horasäquiti aca uñjäwin phokasiñapajja; ucasti phokasipuniniwa. Amuyatajj janisay janc'äcpa, suyascaquim, purisincaniwa horasaparu.

Malaquías 3:6

“Nayätwa Tatitu Diosajja, nayasti pachpaquïsctwa. Ucatwa jumanacajj Jacobon wawanacapa jan t'unjatäpctati.

Números 14:35

Naya Tatituw arsta: Uqhamwa aca naya contra sartir juchan marcaru lurä. Aca wasaranwa jacañapjja tucuyapjjani, acanaracwa jiwarapjjaraquini.

Números 23:18

Ucatsti Balaamajj aca arunacwa arsüna: “Balac, Zipor chachan yokapa, suma ist'ita.

Lucas 21:33

Alajjpachampi acapachampejj tucusiniwa, ucampis arunacajjajj janiw tucuscaniti.

Romanos 11:29

Cuntejj Diosajj churqui ucjja janiw aparasquiti, ni jupan jawsatapsa mayjt'ayquiti.

Romanos 9:6

Janiw Diosati arsutanacapjja jan phokquejja, jan ucasti take israelitanacajja janiw chekpachan israelitäquiti.

2 Timoteo 2:13

Juparutejj jan take chuyma arccañäni ucas, jupajj janiw armasquistaniti, Diosajj janiw jupapachpa armascaspati.

Tito 1:2

uqhamarac wiñay jacañ suyt'äwirusa. Uca jacañ churañataquejj Diosajj janïr aca orake kalltasquipanwa phokhañataqui arsuwayi, Diosasti uc arsusajj janiw c'arisquiti.

Hebreos 6:18

Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.

Hebreos 7:21

Mayni sacerdotenacajj jan cuna juramentomp utt'ayatäpjjänwa, ucampis aca sacerdotetjja mä juramentow utjäna. Kellkatansti aqham siwa: “Tatituw juramento luri, janiw mayjt'aycaniti: Jumajj wiñayatac sacerdotëtawa, Melquisedec sacerdoter uñtata,” sasa.

Santiago 1:17

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.

Santiago 4:5

Ucatpï Diosan arupajj sejja: “Cuna ajaytï Diosajj jiwasan jacayqui ucajj wali munistu” sasa.

Josué 21:45

Cuntejj Diosajj arsuwaycäna ucanacasti takew phokhasïna, israelit jakenacampejj janiw cunas jan phokhatajj kheparcänti.

1 Samuel 15:29

Israelan jach'a Diosapäqui ucajja, janiw c'ariscaspati, ni amtcaraquispasa, jupasti janiwa aleka jakequïquiti amtañataquejja.

1 Samuel 3:12

Uca uruw cuntejj Elí sacerdoterojj familianacap toket siscta ucjja phokharaquï.