Números 23:19 - Qullan Arunaka DC

¹⁹ Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

Aymar Bibliia 1986

¹⁹ Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Qullan Arunaca

¹⁹ Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Números 23:19 Jak'a apnaqawi uñst'ayäwi

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

Génesis 28:15

Nayaw jumampïskta; kawkirutix sarkäta ukan imaskapunïmawa, ukatsti aka pachpa uraqiruw kuttayanxäma. Arsutaxar phuqhañkamax janipuniw antutkämati” sasa.

1 Reyes 14:11

Markan jiwapkani uka wila masinakamarusti anunakaw manq'antani; pampan jiwapkani ukanakarusti jach'a jamach'inakaw manq'antarakini, naya Tatituwa, ukhamäñapatak amtta’” sasa.

2 Reyes 15:12

Ukhamat phuqhasïna kuntix Tatitux Jehú reyir yatiykatayna ukaxa: “Yuqanakama, allchhinakama, allchhinakaman allchhipaw Israel markan reyi qunuñapan qunt'asini” sasa.

2 Reyes 7:2

Reyin yanapiripasti ukxaruw profetar säna: —Tatitux alaxpachat ventananak jist'arankaspa ukasa, janiw kuntix sisktas ukax luraskaspati —sasa. Ukampis Eliseox saskakïnwa: —Jumax pachpa nayranakamampiw uñjäta, ukampis janiw uk manq'kätati —sasa.

1 Crónicas 17:17

¡Dios Tatay, jumatakix akax janiw kunäkisa, ukampis luqtiriman wawanakapan jutir urunakan marka apnaqañapatakiw arstaxa, nayarusti aytat jaqïkirista ukham uñjistaxa!

Salmos 110:4

Tatitux mayak arsu, arsutapatsti janiw yaqha amtkiti: “Jumaw wiñay sacerdotëtaxa, Melquisedec sacerdotjama” sasa.

Salmos 132:11

Tatitux juramentompiw David reyirux arsüna, uka arsutapatsti janiw yaqha amtkaniti:

Salmos 77:9

9 (10) ¿Diosax munasiñapat armasxpachati? jan ukax, ¿q'apisiñach chuymap jist'antpacha? sasa.

Salmos 89:34

34 (35) Janiw jupamp lurat arust'äwirux p'akintkäti, janirakiw arsutanakaxsa mayjt'aykäti.

Salmos 89:35

35 (36) Qullan kankañax laykuw juramento lurta, janiw juparux k'arintkäti:

Isaías 21:17

Quedar markan jach'a nuwasirinakapan janiw kunampi tuwaqasiñapas utjkxaniti.” Israelan Tatit Diosapaw ukham arsu.

Isaías 31:2

Tatitumpix janiw khitis phiskaskaspati, jupax khitir jan walt'ayañsa yatiwa, kunapachatix kunsa arsu ukkhaxa, phuqhapuniwa. Tatitux qhuru jaqinakarux t'unjaniwa, ñanqha luririnakar yanapapki ukanakarus tukusiyaniwa.

Isaías 40:8

Qurax wañsuwayxakiwa, panqaras ankuntawayxakiwa; ukampis Diosan arunakapax wiñayatakipunïniwa.”

Isaías 46:11

Persia markat mä jaqiruw jawsta, ukasti Ciro sat reyiwa; jupax aycha manq'an jamach'ir uñtataw jaya markat jutani, juparakiw amtatanakaxsa phuqhani. Mä amtataxaw utji, uka amtataxsti phuqharakïwa. Ukhamapunïniwa.

Isaías 55:11

ukhamarakiw lakaxat mistkis uka arunakaxa, nayan ukarux janiw jan kun lurasax kuttankiti, jan ukasti kuntix nayax munkta uk luri, kuntix nayax siskta uk phuqharaki.

Jeremías 4:28

Aka uraqix llakisiñampi phuqhantatäniwa, alaxpachas ch'amakampi phuqhantatarakïniwa. Nayaw arsta, ukhamapuniw lurasini, taqi kunas amtatäxiwa, janipuniw qhipar kuttkäti.

Daniel (hebreo) 4:28

28 (25) Kunanaktix Danielax Nabucodonosor reyir yatiykäna ukanakax, phuqhasipunïnwa:

Oseas 11:9

Janiw phiñasiñaxampix atipayaskäti, mä jaqit sipansa, nayax Diosätwa, ukat Israelarux jan tukjkäti. Nayax jumanak taypin utjasir Qullan Tatitütwa, janirakiw jumar tukjir jutkti.”

Miqueas 7:20

¡Tatay, munasiñamampita, chiqa kankañamampit janikiy armasimti, kunjämtix jumax Abraham, Jacob uka nayra awkinakaxaru arskäyätas ukanakxa!

Habacuc 2:3

Aka uñjäwin phuqhasiñapaxa mä juk'a qhiparaniwa; ukampis phuqhasipuniniwa. Amuyatax janisay jank'äkpan, suyaskakim, purisinkaniwa.

Malaquías 3:6

“Nayätwa Tatit Diosaxa, nayax pachpakïsktwa. Ukat jumanakax Jacobun wawanakapa, jan tukjatäpktati.

Números 14:35

Naya, Tatituw uk arsta, ukham lurä, aka ñanqhar jichuntat nayatak mayachasisin qallkatasir markaruxa. Aka wasaran tukusipxani; akan jiwarapxarakini —sasa.

Números 23:18

Balaamasti aka arunak arsüna: “Balac, Sipor chachan yuqapa, sum ist'ita.

Lucas 21:33

Alaxpachampi akapachampix tukusiniwa, ukampis arunakaxax janiw tukuskaniti.

Romanos 11:29

Kuntix Diosax churki uk janiw aparaskiti, janirakiw jupan jawsatapsa mayjt'aykiti.

Romanos 9:6

Diosan Israelatak arsutanakapax janiw inamayatak arsutäkiti; jan ukasti, Israelat saraqir wawanakapax janiw taqpachan Israel markäpkiti.

2 Timoteo 2:13

janitix chiqa chuymamp arkkañänixa, Cristox janiw armaskistaniti, jupa pachpa jan armasirïtap layku.

Tito 1:2

ukhamarak wiñay jakañ suyt'äwirusa. Uka wiñay jakañ churañatakix Tatitux janïr aka uraqi qalltaskipan phuqhañatakiw arsuwayi, Tatitusti ukham arsutap phuqhapuniwa.

Hebreos 6:18

Aka pä luräwix janiw mayjt'kaspati, ukanakat Diosax janiw k'ariskaspati; khitinakatix Diosan imantasiñap thaqhapktan ukanakax mä jach'a chuymachasïwi katuqtan, jupax churkistu uka suyt'äwirus iyawsaraktan.

Hebreos 7:21

ukampis Tatitux mä juramentompi utt'ayatänwa, Qillqatansti akham siwa: “Tatitux mä juramento luri, janiw mayjt'aykaniti: ‘Jumaw wiñayatak sacerdotëtaxa,’ ” sasa.

Santiago 1:17

Kunatix askïki, chiqäki ukax alaxpachankir Diosat juti, jupax alaxpachankir warawaranak lurawayi. Diosax pachpakïskiwa, jupansti janiw mayjt'añasa, ch'amakt'añas utjkiti.

Santiago 4:5

Ukatpï Qillqatax sixa: “Diosax kuna ajaytix jiwasar uchkistu uk walpun munasi” sasa.

Josué 21:45

Kuntix Tatitux israelitanakar arsuwaykäna uka arunakax taqipuniw phuqhasïna.

1 Samuel 15:29

Israelan jach'a Tatitu Diosapäki ukaxa, janiw k'ariskaspati, janirakiw amtkaspasa, jupasti amtañatakix janiw aliqa jaqikïkiti —sasa.

1 Samuel 3:12

Uka uruw kuntix Elí sacerdoter wila masinakapxat siskta uk phuqharakï.