Números 23:14 - Qullan Arunaca

¹⁴ Balac reyejj Zofim chekaruw Balaamarojj irpäna, Pisga sat kollu pataru, cawqhantejj pakallko altaranac lurcäna, ucanwa sapakat altararu mä vaca kallumpi, mä orko ovejampi sacrificion loktäna.

Aymar Bibliia 1986

¹⁴ Balac reyejj Zofim chekaruw Balaamarojj irpäna, Pisga sat kollu pataru, cawqhantejj pakallko altaranac lurcäna, ucanwa sapakat altararu mä vaca kallumpi, mä orko ovejampi sacrificion loktäna.

Qullan Arunaka DC

¹⁴ Ukatsti Balac reyix Sofim chiqaruw Balaamar irpäna, Pisgá sat qullu pataru. Uka patansti paqallqu altaranak sayt'ayäna, sapaqat altarxan mä vaca qallumpi, mä urqu ovejampi wilañcha luqtäna.

Números 23:14 Jak'a apnaqawi uñst'ayäwi

Isaías 46:6

Yakhepa jakenacajj bolsanacapat walja kori apsupjje, balanzanacansti kollkenac pest'apjjaraqui; ucatsti yakha diosanac luriri mä jakeruw jawsayapjjaraqui, mä dios lurañapataqui, ucat jupanacajj uca diosanacaru quillisipjjañapataqui.

Oseas 12:11

Galaad chekanjja yakha diosanacaquiw utji, ucampis c'ari diosanacaquïpjjewa. Gilgal chekansti toro vacanacraqui sacrificiot loktapjje; altaranacapasti kala montonaquiraquiwa yapunac taypina.”

Números 21:20

Bamot chekatsti, Moab chekan vallejj utjqui ucaruw puripjjäna, Pisga sat kollu tokenjama, cawqhantejj wasarajj uñstqui ucqhana.

Números 23:13

Ucampis Balac reyejj sascaquïnwa: —Nayampi chica jutam yakha chekaru, ucansti campamento thiya uñjaraquïta, ucampis janiw takpach campamento uñjcätati, ucqhatpacha ñankhacharapita —sasa.

Números 23:15

Uca chekanwa Balaamajj Balac reyirojj aqham säna: —Aca sacrificionac loktat thiyaru kheparam; ucañcamasti nayajj Diosampi jiquisiriw sarä —sasa.

Números 23:29

Ucqhansti Balaamajj Balac reyirojj sänwa: —Acqharu pakallko altaranac lurarapita, ucatsti waquicht'arapiraquita pakallko vaca kallunaca, pakallko orko ovejanaca.

Deuteronomio 3:27

Jichhasti maqhatamay qhä Pisga sat kollu pataru, uca patataraqui uñatatam amstaru, aynacharu, uqhamaraqui inti jalsu tokeru, inti jalanta tokerusa, ucampis janiraquiw Jordán jawir qhurcatarojj maqhatcätati.

Deuteronomio 34:1

Moisesasti Moab sat wasaratjja, Nebo sat kolluruwa maqhatäna, Pisga sutini kollu pataru, cawquïritejj Jericó marca uñcatasincqui ucaru. Uca chekatwa Diosajj uñtayäna takpach Galaad sat orakenaca Dan tribun orakenacapcama;

Deuteronomio 4:49

Ucatsti take Arabá sat orakenaca, Jordán jawirat inti jalsu tokena, Mar Muerto kotacama Pisga sat kollu cayu irancama.