Números 23:13 - Qullan Arunaca

¹³ Ucampis Balac reyejj sascaquïnwa: —Nayampi chica jutam yakha chekaru, ucansti campamento thiya uñjaraquïta, ucampis janiw takpach campamento uñjcätati, ucqhatpacha ñankhacharapita —sasa.

Aymar Bibliia 1986

¹³ Ucampis Balac reyejj sascaquïnwa: —Nayampi chica jutam yakha chekaru, ucansti campamento thiya uñjaraquïta, ucampis janiw takpach campamento uñjcätati, ucqhatpacha ñankhacharapita —sasa.

Qullan Arunaka DC

¹³ Ukampis Balac reyix saskakïnwa: —Jutam, yaqha chiqar sarañäni, ukawjat inas jupanakat mä juk'aniruk uñjasin ñanqhachañ munchisma —sasa.

Números 23:13 Jak'a apnaqawi uñst'ayäwi

1 Reyes 20:23

Siria marcanquir reyirusti oficialanacapajj sapjjänwa: —Israelitanacan diosanacapasti kollunacanquir diosanacawa, ucatwa jiwasarojj atipjapjjestojja. Ucampis jiwasatejj pampana jupanacampejj nuwasiñäni ucajja, chekpachanwa atipjañäni.

1 Reyes 20:28

Ucqhansti mä profetawa Israelan reyip nayrakataparu jutasina aqham säna: Aqham siwa Tatitojja: ‘Sirio jakenacajj niyajjaya nayarojj sapjjchitojja kollunacana diosätajjaqui, jan vallenacana diosätajj-jja, jichhasti amparamaruwa take aca walja jakenacjja catuyäma. Uqhamatwa jumajj yatïta nayan Tatitötajja’ ” sasa.

Salmos 109:17

Ñankhachañ munirïtap laycojj ñankhachatäpan; asquinac jan munirïtap laycojj asquejj jupat jayancpan.

Miqueas 6:5

Marcajja, jichhajj amtasimay Moab oraken Balac reyipan amtatanacapa, uqhamarac cuntejj Beoran Balaam yokapajj siscän ucanacatsa. Amtasiraquim cunapachatejj Sitim chekat Gilgal chekaru pascayätas uca, Tatitun atipjäwinacapsti jumajj amtasiraquim.”

Números 22:41

Khepärmanthi alwajj Balac reyejj Balaamar irptasinjja Bamot-Baal sat kolluruw irpcatäna, uca chekatsti uñjänwa israelitanacan campamento thiyanacapa.

Números 22:6

Jutamay jichhpacha aca marcar ñankhachañataqui naya laycu. Jupanacasti nanacatsa juc'ampi ch'amaniwa. Inas uqhamat nayajj jupanacar atipjirista, uqhamarac aca orakenacatsa alisnucurista. Nayasti yattwa juman bendicionamasa, ñankhachañamasa phokhasirïtapapuni” sasa.

Números 23:12

Ucatsti Balaamajj sänwa: —Jumampisti parltanwa cuntejj nayar Tatitu Diosajj sisquitani ucaqui sämajj —sasa.

Números 23:14

Balac reyejj Zofim chekaruw Balaamarojj irpäna, Pisga sat kollu pataru, cawqhantejj pakallko altaranac lurcäna, ucanwa sapakat altararu mä vaca kallumpi, mä orko ovejampi sacrificion loktäna.

Josué 24:9

Ucjjarusti Balac jakejj jumanacampi nuwasiriw jutaraquïna; jupasti Zipor sat Moab marcan reyipan yokapänwa. Ucatsti Balac jakejj Balaam sat Beor chachan wawap thakeriw qhitäna jumanacaru maldiciyañataqui.