Números 22:7 - Qullan Arunaca

⁷ Moab oraketa, Madián oraketjja, jilïrinacajj kollke apt'ataw sarapjjäna ñankhachäwit pagañataqui, cunapachatejj Balaam jac'aru puripjjäna ucqhajj Balac reyin ewjja arunacapwa churapjjäna.

Aymar Bibliia 1986

⁷ Moab oraketa, Madián oraketjja, jilïrinacajj kollke apt'ataw sarapjjäna ñankhachäwit pagañataqui, cunapachatejj Balaam jac'aru puripjjäna ucqhajj Balac reyin ewjja arunacapwa churapjjäna.

Qullan Arunaka DC

⁷ Ukatsti Moab, Madián markanakan jilïrinakapax qullqi apt'ataw sarapxäna, israelitanakar ñanqhachatat churañataki, Balaam jak'ar purisasti, Balac reyin arunakap yatiyapxäna.

Números 22:7 Jak'a apnaqawi uñst'ayäwi

Isaías 1:23

Jilïri apnakerinacamasti nayataqui sayt'asirinacawa, lunthatanacampis sumancapjjaraquiwa. Takenis kollke chilltayasircamaquïpjjewa, wajjt'äwinac catokañac munasipcaraqui. Wajcharojj janiw chekapar uñjapquiti, janiraquiw ijma warminacarus chekaparu uñjapquiti.

Isaías 56:11

mank'at jiwat anunacäpjjewa, janiraquiw sisthapipquisa, jan cun amuyiri awatirinacäpjjaraquiwa; sapa maynis thaquipanac sarasipqui, cunatejj jupanacataquejj asquïqui ucacwa thakhasipqui.

Ezequiel 13:19

Jumanacajj marcajj nayrakatanwa nayarojj jisc'achapjjesta, mä jach'ta cebada laycu, uqhamaraqui mä jisc'a t'ant'a laycuraqui; jumanacajj jan juchani jakenacaruw jiwarayapjjtajja, qhitinacatejj jiwapjjañapäcän ucanacarusti janiw jiwayapcaractati. Uqhamwa jumanacajj nayan marcajjarojj sallkjapjjtajja, jumanacan c'ari arunacamar jaysapjjatap laycu.

Ezequiel 21:21

Babilonianquiri reyisti cawqhantejj pä thaquejj kalltqui uca chekaruw sayt'asi, ucatsti suertenaca apsusiraqui; flechanacapsa walpun ucsat acsat uñaquipi, diosanacaparusa jisct'asiraquiwa, animalanacan q'iwchanacapsa uñjjataraqui.

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Números 22:8

Balaamajj jupanacarojj sänwa: —Jichha arumajj acar kheparapjjam, ucatwa nayajj sapjjäma cuntejj Diosajj luram sisquitani ucjja. Moab oraket jutir jilïrinacajj jupampiw kheparapjjäna.

Números 23:23

Jacob contrajj janiw yatirinacan luratanacapajj cunäquisa. Israel contrajj janiw layka jakenacan laykasitanacapajj cunäquisa. Jichhasti waquisiw sañajja: ‘Kawkha uñacht'äwinacsa Diosajj jumampi luri.’

Números 24:1

Ucampisa cunjämatejj Balaamajj uñjäna Tatitutaquejj asquïtapa Israelar bendiciñajja; janiw uñacht'äwinac jupat catokerejj sarcjjänti, cunjämatejj walja cutinac lurcatayna uqhama, jan ucasti ajanupjja wasara tokeruw uñtäna.

Romanos 16:18

Jupanacasti janiw Cristoru sirvipquiti, jan ucasti jupanacan munañanacaparuquiw sirvisipqui. Juc'a amuyt'asirinacarusti sallkjapjjaraquiwa uqham suma arunacapampi.

Tito 1:11

Ucanacarojj amuct'ayañaw waquisi. Familiapachanacwa mayjt'ayapjje, cunatejj jan walïqui ucanac yatichasina, jan wali chuymampi kollke jicjjatasiñ laycuqui.

Josué 13:22

Uqhamarus israelitanacajj Balaam sat layka jakerus jiwayapjjaraquïnwa, cawquïritï Beor sat jaken wawapäcäna ucaru, uqhamaraqui yakhanacarusa.

2 Pedro 2:15

Cheka thaquit sarakapjjatap laycuw chhaktat sarnakapjje. Beoran yokapa, Balaam profetan luratanacaparuw arcapjje, qhititejj jan walinac lurasa, kollke jicjjatañac muncänjja ucaru.

Judas 1:11

¡Ay cunancapcaquini! Cainan thaquip arquirinacajja Kollke jicjjatañ laycuw maysar saranucupjje, Balaamjama. Coré chachjamaw amuyasipjje, qhititejj juchapat jiwayatäcäna uqhama.