Números 22:7 - Qullan Arunaka DC

⁷ Ukatsti Moab, Madián markanakan jilïrinakapax qullqi apt'ataw sarapxäna, israelitanakar ñanqhachatat churañataki, Balaam jak'ar purisasti, Balac reyin arunakap yatiyapxäna.

Aymar Bibliia 1986

⁷ Moab oraketa, Madián oraketjja, jilïrinacajj kollke apt'ataw sarapjjäna ñankhachäwit pagañataqui, cunapachatejj Balaam jac'aru puripjjäna ucqhajj Balac reyin ewjja arunacapwa churapjjäna.

Qullan Arunaca

⁷ Moab oraketa, Madián oraketjja, jilïrinacajj kollke apt'ataw sarapjjäna ñankhachäwit pagañataqui, cunapachatejj Balaam jac'aru puripjjäna ucqhajj Balac reyin ewjja arunacapwa churapjjäna.

Números 22:7 Jak'a apnaqawi uñst'ayäwi

Isaías 1:23

Jilïr apnaqirinakamas nayatak sayt'asirkamakiwa, lunthatanakampis suman jakasipxi. Taqinis qullqi chilltayasirkamakiwa, waxt'äwinak katuqañak munasipki. Wajcharux janiw chiqapar uñjapkiti, ijma warminakarus janirakiw chiqapar uñjapkiti.

Isaías 56:11

Manq'at jiwat anunakjamäpxiwa, janirakiw sisthapipkisa, jan kun amuyiri awatirinakäpxiwa; sapa maynis thakhipanak sarasipki, kunatix jupanakatakix askïki ukak thaqhasipki.

Ezequiel 13:19

Jumanakax mä jach'i cebada layku, mä jisk'a t'ant'a laykukiw nayarux markax nayraqatan jisk'achapxista; jan juchan jaqinakaruw jiwarayapxtaxa, khitinakatix jiwapxañapäkän ukanakarusti janiw jiwayapktati. Jumanakax ukham nayan markaxarux sallqjapxtaxa, jumanakan k'ari arunakamar jaysapxatap layku.

Ezequiel 21:21

21 (26) Babiloniankir reyisti kawkhantix pä thakhix qalltki uka chiqaruw sayt'asi, ukatsti suerte tuqiw uñakipi: mich'inakapsa walpun uksat aksat uñakipi, diosanakaparuw jiskt'asi, uywanakan k'iwchanakap uñxataraki.

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Números 22:8

Balaamasti jupanakar sänwa: —Jichha arumax akar qhiparapxam, nayasti Tatitun arsutaparjamaw yatiyxapxäma. Moab markankir jilïrinakasti jupampiw qhiparapxäna.

Números 23:23

Tatitun markapar ñanqhachañatakix janiw layqasiñanakax kunäkisa. ¡Uñtapxam qawqha muspharkañ luräwinaksa Tatitux markap layku luri!

Números 24:1

Israel markar jach'añchañax Tatitur kusisiyatap Balaamax uñjäna, ukat jupax jan kuns lurkxänti Tatitun jupar uñstañapataki, kunjämtix walja kutinak lurkatayna ukhama, jan ukasti, jupax wasar tuqirukiw uñtäna.

Romanos 16:18

janiw jupanakax Cristo Tatitusar luqtapkiti, jan ukasti, jupanakan munañaparjamakiw luqtapxi, ukatsti suma llaphi munkañ arunakampiw juk'a amuyt'asir jaqin chuymanakap sallqjapxi.

Tito 1:11

Ukanakarux amukt'ayañaw wakisi, taqpach wila masinakaruw mayjt'ayapxi, kunatix jan walïki ukanak yatichasina, jan wali chuymampi qullqi jikxatasiñ laykuki.

Josué 13:22

Ukhamarus israelitanakax Beor jaqin Balaam layqa yuqaparuw jiwayapxäna, ukhamarak yaqhanakampiru.

2 Pedro 2:15

Chiqpach thakhit saranukupxi, chhaqhañ thakhin sarnaqapxi. Beor chachan Balaam yuqapan lurataparuw arkapxi, khititix ñanqha luras walja qullqi jikxatañ munkäna ukaru,

Judas 1:11

¡Ay jupanakat kunakïkani! Caín chachan thakhip arkirinakaxa. Balaam chachjamaw qullqi jikxatañ laykux maysar saranukupxi, Coré chachjamaw saykatasipxatapat jiwapxi.