Números 22:6 - Qullan Arunaka DC

⁶ Jichhpachay jutam, aka markar ñanqhachañataki, nanakat sipan juk'amp ch'amaniwa. Inampis ukhamat nayax jupanakar atipjirista, aka uraqitsa jupanakar alisnukurista. Nayax yattwa juman askinak arsutanakamasa, ñanqhachatamasa, phuqhasirïtapa” sasa.

Aymar Bibliia 1986

⁶ Jutamay jichhpacha aca marcar ñankhachañataqui naya laycu. Jupanacasti nanacatsa juc'ampi ch'amaniwa. Inas uqhamat nayajj jupanacar atipjirista, uqhamarac aca orakenacatsa alisnucurista. Nayasti yattwa juman bendicionamasa, ñankhachañamasa phokhasirïtapapuni” sasa.

Qullan Arunaca

⁶ Jutamay jichhpacha aca marcar ñankhachañataqui naya laycu. Jupanacasti nanacatsa juc'ampi ch'amaniwa. Inas uqhamat nayajj jupanacar atipjirista, uqhamarac aca orakenacatsa alisnucurista. Nayasti yattwa juman bendicionamasa, ñankhachañamasa phokhasirïtapapuni” sasa.

Números 22:6 Jak'a apnaqawi uñst'ayäwi

Génesis 12:3

Jumar jach'añchirinakarux, jach'añcharakïwa, jumar ñanqhachirinakarusti, ñanqhacharakïwa; juma tuqiw aka uraqin utjir wila masinakax jach'añchat uñjasipxani” sasa.

Génesis 27:29

Taqi jaqinakax jumar luqtirïpxpan; jach'a markanakas juma nayraqatan killt'aspan. ¡Pachpa wila masinakamas juma nayraqatan killt'asipxpan, jupanakan jilïripätam uñt'apxpan! ¡Jumar ñanqhachirinakax ñanqhachatäpan! ¡Jumar jach'añchirinakasti jach'añchatäpan!” sasa.

1 Reyes 22:13

Ukchañkamasti, Micaías profetar jawsir sarkatayna uka khithat jaqix Micaiasar sänwa: —Profetanakax taqpachaniw jutir urunak uñtasax Ahab reyir mä suma yatiyäwi arsupxi. Ukhamasti jumax jupanakjamay reyitak aski suma yatiyäwinak arsurakim —sasa.

1 Reyes 22:6

Ukatsti Israelan reyipax profetanakaruw tantachäna, jupanakasti niya pusi patakanïnwa, ukat jupanakarux jiskt'äna: —¿Galaadankir Ramot markar katuntir sariristti, janicha? —sasa. Profetanakasti ukxaruw sapxäna: —Nuwasir saraskakim, Tatituw uka marka katuyätam —sasa.

1 Reyes 22:8

Israelan reyipasti Josafatar sänwa: —Mayniw utjaski, jupa tuqiw Tatiturux jiskt'araksna. Jupasti Micaías satawa, Imlá chachan yuqapawa. Ukampis nayax jupar walpun uñista, jupax janipuniw suma yatiyäwinak yatiykituti, jan ukasti jan walinakak yatiyitu —sasa. Josafat reyisti sänwa: —Jan ukham samti —sasa.

Nehemías 13:2

Uka jaqinakasti mä kutix, janiw manq'añsa, umañsa israelitanakar churapkataynati, jan ukasti jupanakax Balaam chacharuw israelitanakar ñanqhachañ arunak arsuñapatak qullq churapxatayna. Ukampis Tatitusax uka ñanqhachañ arunak aski arunakaruw tukuyäna.

Salmos 109:28

Jupanakax ñanqhachapxitpasa, jumax askimay churita. Timanakaxax aynacht'apxpan, uywatamasti ukchañkamax kusispan.

Proverbios 26:2

Ina ch'usat ñanqhachäwix janiw khitirus wakt'kiti; chhaqhat jamach'ir uñtata, jan tapani golondrina sat jamach'ir uñtatakiwa.

Ezequiel 13:6

Unañchäwi uñjatanakapasa, profecía arunak arsupxatapas k'arikamakiwa. Jupanakax nayan sutixat parlapxi, ukampis janiw nayax jupanakarux khithankti. ¡Arsutanakapan phuqhasiñanakap suyapxarakiwa!

Miqueas 6:5

Markaxay, jichhax amtasimaya Moab uraqinkir Balac reyipan amtatanakapxa, ukhamarak kuntix Beor sat Balaam yuqapax siskäna ukanakata. Kunapachatix Sitim chiqat Guilgal chiqar sarkäyätas uk amtasirakimaya, Pachpa Tatituw atipjäwinakapsa jumarux churaraktam.”

Números 22:12

Tatitusti Balaamarux sänwa: —Jan jupanakamp chik saramti, janirak uka markar ñanqhachamsa, uka markarusti nayaw askinakamp phuqt'ta —sasa.

Números 22:17

Nayaw wali jach'añchäwinak churäma, maykität uksa nayax phuqhäwa; aka markar ñanqhachañatak jutakimaya” sasa.

Números 23:13

Ukampis Balac reyix saskakïnwa: —Jutam, yaqha chiqar sarañäni, ukawjat inas jupanakat mä juk'aniruk uñjasin ñanqhachañ munchisma —sasa.

Números 23:27

Ukat Balac reyix jupar säna: —Jutam, yaqha chiqawjaruw irpäma. Inas Tatitux uka chiqawjatpach israelitanakar ñanqhachayiristam —sasa.

Números 24:9

Samarañatak winkt'aski uka leonar uñtata ukhamätaw jumax, Israel. ¡Janiw khitis sartayañ yant'kaspati! ¡Jumar jach'añchirix, jach'añchataw uñjasini, jumar ñanqhachirix, ñanqhachataw uñjasini!” sasa.

Hechos 16:16

Mä urusti, Tatitut mayisiñ chiqäkis ukkharuw sarasipkäyäta, thakhinsti, mä uywat tawaquruw jikxatapxta. Jupasti layqasir ajayunïnwa, kunatix qhipürun luraskani ukanak qhanañchirïnwa. Ukhamat uywirinakapatak walja qullqi jikxatirïna.

Deuteronomio 23:4

4 (5) kunapachatix jumanakax Egipto markat mistunisin jupanakan uraqipanjam sarakipawayapkta ukapachaxa, janiw kuna manq'añsa, umañsa waxt'apkäyätamti; ukat sipan jupanakax Mesopotamia uraqit jutir Petor markankir Balaam sat Beor chachan yuqaparuw qullqi churapxäna jumanakar ñanqha arunakamp ñanqhachañapataki.

Josué 24:9

Ukatsti Sipor chachan Balac yuqapa, moabitanakan reyipaw jumanakampi nuwasir jutäna. Balac reyix, Beor chachan Balaam yuqaparuw jawsayanïna, jumanakar ñanqhachañapataki.

1 Samuel 17:43

ukat säna: —¿Nayasti anütti juman lawampi nuwasiri jutañamatakixa? —sasa. Ukatsti ukspachaw uka filisteo jaqix diosapan sutipxaru Davidarux ñanqhachäna.