Números 22:12 - Qullan Arunaca

¹² Ucatsti Diosajj Balaamarojj sänwa: —Jan jupanacampi chica saramti ni ñankhachamsa uca marcarojja, uca marcarusti nayaw bendista —sasa.

Aymar Bibliia 1986

¹² Ucatsti Diosajj Balaamarojj sänwa: —Jan jupanacampi chica saramti ni ñankhachamsa uca marcarojja, uca marcarusti nayaw bendista —sasa.

Qullan Arunaka DC

¹² Tatitusti Balaamarux sänwa: —Jan jupanakamp chik saramti, janirak uka markar ñanqhachamsa, uka markarusti nayaw askinakamp phuqt'ta —sasa.

Números 22:12 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

2 Crónicas 31:10

Ucatjja Sadoc familiata Azarías sumo sacerdotesti, juparojj sänwa: “Cunapachattï churañanacapa Tatitun temploparu apaniña kalltapjjäna ucqhatjja, waljawa nanacataqui mank'añajj utjawayi, uqhamarusa waljawa jilt'asqui; take acanacawa jilt'asqui, Tatitojj marcaparu bendicitap laycu” sasa.

Salmos 144:15

Uqham phokt'at marcajj cusisiñan marcawa, Tatitut Diosanïqui uca marcajj cusisiñaniwa.

Salmos 146:5

Jacobon Diosapan yanapat jakejj cusisiñaniwa, Tatitu Diosapar suyt'irejj cusisiñaniwa.

Isaías 61:9

Wawanacapasti take marcanac taypinjja wali jach'at uñt'atäniwa; take jupanacar uñjirinacasti aca marcajj Tatitun bendecita marcätapa uñt'apjjaraquini.

Miqueas 6:5

Marcajja, jichhajj amtasimay Moab oraken Balac reyipan amtatanacapa, uqhamarac cuntejj Beoran Balaam yokapajj siscän ucanacatsa. Amtasiraquim cunapachatejj Sitim chekat Gilgal chekaru pascayätas uca, Tatitun atipjäwinacapsti jumajj amtasiraquim.”

Números 22:11

‘Mä marcaw Egiptot mistuni, ucasti takpach orakeruw ch'ekenti, Balac reyisti nayan ñankhachañajwa muni, uqhamatcha atipjaspa, orakepatsa jakonucuraquispa’ sasa.

Números 22:13

Balaamasti khepärmanthejj alwat sartasinjja, aqham sasaw Balac reyin qhitanacaparojj säna: —Cuttjjapjjam orakemaru. Tatituw jan jumanacampi sarañajj munquiti —sasa.

Números 22:6

Jutamay jichhpacha aca marcar ñankhachañataqui naya laycu. Jupanacasti nanacatsa juc'ampi ch'amaniwa. Inas uqhamat nayajj jupanacar atipjirista, uqhamarac aca orakenacatsa alisnucurista. Nayasti yattwa juman bendicionamasa, ñankhachañamasa phokhasirïtapapuni” sasa.

Números 23:23

Jacob contrajj janiw yatirinacan luratanacapajj cunäquisa. Israel contrajj janiw layka jakenacan laykasitanacapajj cunäquisa. Jichhasti waquisiw sañajja: ‘Kawkha uñacht'äwinacsa Diosajj jumampi luri.’

Números 23:3

Ucjjarusti Balaamajj Balac reyirojj sänwa: —Sacrificionac loktat thiyaru kheparam, ucañcamasti nayajj saräw inas Tatitu Diosajj nayampi jiquisir jutascchi uc uñjiri. Ucampis nayajj yatiyaraquïmaw cuntejj jupajj nayar yatiyquitani ucjja —sasa. Ucapachasti Balaamajj mä wasara kolluruw sarawayjjäna,

Números 23:8

Ucampisa ¿cunjämsa nayajj ñankhachäjja cawquïrirutejj Diosajj jan ñankhachiqui ucarojja? ¿Cunjämsa jan walinac mayiraquëjja, Tatitutejj jan muncchi ucarojja?

Números 24:9

Cunapachatejj samarañatac iquintasi ucqhajj leonar uñtataraquiwa. Janiraquiw qhitis sartaycaraquispati. ¡Bendicitäpan qhititejj bendiscätam ucajja, uqhamarac maldicitäpan qhititejj maldiscätam ucajja!”

Mateo 27:19

Jupajj uqham kont'atäscän tronopan ucapachajja, warmipaw aqham juparojj jamasat säna: —Jan cuns luramti uca jan juchan jakempejja, jichha arumaw jan wali samcasta uca jake laycu —sasa.

Romanos 11:29

Cuntejj Diosajj churqui ucjja janiw aparasquiti, ni jupan jawsatapsa mayjt'ayquiti.

Efesios 1:3

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

Deuteronomio 2:7

Jumanacan Tatitu Diosamaw bendicipjjaractam take cuntï lurapcta ucanacansa; juparaquiw aca pusi tunca maranacas yanapapjjtam, imapjjaractamwa aca wasaran sarnakapcta ucansa, jan cun pist'ayasa.

Deuteronomio 23:5

Ucampis jumanacan Tatitu Diosamajj janiw Balaam chacharojj ist'cänti, jan ucasti uca ñankhachawjja jumanacataquejj mä bendicionaruw tucuyänjja, jumanacaru munatap laycu.

Deuteronomio 28:6

Ucatsti take luräwinacamanwa bendicitaraquïyäta.

Deuteronomio 33:29

Israel marca, jumasti cusisim; ¿qhitis jumampi chicachasispa? Tatitu Diosam quipcaw jumaru khespiytam, juparaquiw imasctam, yanapascaractam. ¡Jupaw atipt'ayiri espadamajja! Uñisirimasa llamp'uchasiniw juma nayräjjanjja, jumaraquiw jach'a jach'a tucuñapsa pampachjäta” sasa.

Deuteronomio 7:14

Jumanacasti take marcanacat sipansa walja bendicionanac catokapjjäta; janiraquiw jumanac taypinjja jan wawachasiri warmis utjcaniti ni jan wawani jakesa; uywanacam taypinsti janiraquiw utjcaniti jan mirir uywajja, ni kachu uywatsa ni orko uywatsa.