Números 22:12 - Qullan Arunaka DC

¹² Tatitusti Balaamarux sänwa: —Jan jupanakamp chik saramti, janirak uka markar ñanqhachamsa, uka markarusti nayaw askinakamp phuqt'ta —sasa.

Aymar Bibliia 1986

¹² Ucatsti Diosajj Balaamarojj sänwa: —Jan jupanacampi chica saramti ni ñankhachamsa uca marcarojja, uca marcarusti nayaw bendista —sasa.

Qullan Arunaca

¹² Ucatsti Diosajj Balaamarojj sänwa: —Jan jupanacampi chica saramti ni ñankhachamsa uca marcarojja, uca marcarusti nayaw bendista —sasa.

Números 22:12 Jak'a apnaqawi uñst'ayäwi

Génesis 12:2

Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

2 Crónicas 31:10

ukxarusti Sadoc chachan utapankir Azarías jilïri sacerdotew jupar säna: “Markax Tatitun utapar yanapanak apaniñ qalltki ukkhat jichhakamax, waljaw nanakatak manq'añax utji, ukhamarusa taqi akanakaw jilt'aski; Tatituw markapar aski waxt'äwipampi phuqt'i uka layku” sasa.

Salmos 144:15

Ukham phuqt'at markax kusisiñan markawa, Tatitut Diosanïki uka markax kusisiñaniwa.

Salmos 146:5

Jacobun Diosapan yanapat jaqix kusisiñaniwa, Tatitu Diosapar suyt'irix kusisiñaniwa.

Isaías 61:9

Wawanakapasti taqi markanak taypinxa, wali jach'at uñt'atäpxaniwa; taqi jupanakar uñjirinakasti sapxaniwa: “Tatitun askip churat markawa” sasa.

Miqueas 6:5

Markaxay, jichhax amtasimaya Moab uraqinkir Balac reyipan amtatanakapxa, ukhamarak kuntix Beor sat Balaam yuqapax siskäna ukanakata. Kunapachatix Sitim chiqat Guilgal chiqar sarkäyätas uk amtasirakimaya, Pachpa Tatituw atipjäwinakapsa jumarux churaraktam.”

Números 22:11

Reyiw jupanakarux akar khithanitayna, reyisti nayan sarañax muni, Egiptot jaltanir mä markxar nayan ñanqhachañaxataki. Uka markasti Moab marka jak'aruw purintatayna, reyisti uraqipat jupanakar jaqunukuñ muni —sasa.

Números 22:13

Qhipärmanthisti Balaamax sartasisin, Balac reyin khithanit jilïrinakaparuw yatiyxäna: —Markamar kuttxapxam. Janiw Tatitux jumanakampi chika sarañax munkiti —sasa.

Números 22:6

Jichhpachay jutam, aka markar ñanqhachañataki, nanakat sipan juk'amp ch'amaniwa. Inampis ukhamat nayax jupanakar atipjirista, aka uraqitsa jupanakar alisnukurista. Nayax yattwa juman askinak arsutanakamasa, ñanqhachatamasa, phuqhasirïtapa” sasa.

Números 23:23

Tatitun markapar ñanqhachañatakix janiw layqasiñanakax kunäkisa. ¡Uñtapxam qawqha muspharkañ luräwinaksa Tatitux markap layku luri!

Números 23:3

Ukxarusti Balaamax Balac reyir sänwa: —Jumax wilañcha luqtat jak'an qhiparam. Nayasti Tatitun jutañap suyañaxawa, kuntix lurañaxäki uk sarakitani —sasa. Ukapachasti Balaamax mä ch'usawja pata chiqaruw saräna.

Números 23:8

¿Kamisarak nayasti, Diosax jan ñanqhachki ukar ñanqhachästi? ¿Kamisarak jan walir puriñapatak mayïsti, Tatitux jan lurki uksti?

Números 24:9

Samarañatak winkt'aski uka leonar uñtata ukhamätaw jumax, Israel. ¡Janiw khitis sartayañ yant'kaspati! ¡Jumar jach'añchirix, jach'añchataw uñjasini, jumar ñanqhachirix, ñanqhachataw uñjasini!” sasa.

Mateo 27:19

Ukatsti Pilaton taripañ qunuñapan qunt'atäskiriruw warmipax maynir khithatayna jupar akham siri: “Jan kuns uka jan juchan jaqimpix luramti, uka jaqi laykuw jichhärmax jan walinak samkasta” sasa.

Romanos 11:29

Kuntix Diosax churki uk janiw aparaskiti, janirakiw jupan jawsatapsa mayjt'aykiti.

Efesios 1:3

Jesucristo Tatitusan Dios Awkipax jach'añchatäpan, Cristonkatas laykux jupaw alaxpachat ajay waxt'äwinak churanistu.

Deuteronomio 2:7

Jumanakan Tatit Diosamax taqi luräwinakaman aski waxt'äwinak churapxtam; jupaw aka pusi tunka maranakas jumanakamp chikäski, aka jach'a wasaranjam sarnaqañansa jan kun pist'ayas imapxaraktam.

Deuteronomio 23:5

5 (6) Ukampis jumanakan Tatit Diosamax janiw Balaam chacharux ist'känti, jan ukasti uka ñanqhachäwirux jumanakar munasitap laykux mä aski waxt'äwiruw jumanakatak tukuyäna.

Deuteronomio 28:6

Jumasti taqi luräwinakaman askimp phuqt'ataw uñjasirakïta.

Deuteronomio 33:29

Israel marka, kusisim; Tatit Diosam kipkaw qhispiytam, jupaw imasktam, yanapaskaraktam. ¡Jupaw atipt'ayir arxatirimaxa! Jumaw uñisirinakamarux jisk'achjäta, kayumampiw takxatarakïta” sasa.

Deuteronomio 7:14

Jumanakasti taqi markanakat sipan walja aski waxt'äwinak katuqapxäta; janiw jumanak taypin jan wawachasir warmisa, jan wawani jaqisa utjkaniti; uywanakam taypinsa janiw jan mirir uywax utjkaniti, qachu uywatsa, urqu uywatsa.