Números 20:6 - Qullan Arunaca

⁶ Moisesampi Aaronampisti jakenacatjja jithektapjjänwa, Tatitumpi Jiquisiñ Carpana mantañaparuw sarjjapjjäna; ucqhansti oraker puriñcamaw p'ekenacap alt'apjjäna, ucatsti Tatitun jach'a cancañapaw uñstäna.

Aymar Bibliia 1986

⁶ Moisesampi Aaronampisti jakenacatjja jithektapjjänwa, Tatitumpi Jiquisiñ Carpana mantañaparuw sarjjapjjäna; ucqhansti oraker puriñcamaw p'ekenacap alt'apjjäna, ucatsti Tatitun jach'a cancañapaw uñstäna.

Qullan Arunaka DC

⁶ Moisesampi Aaronampisti jaqinakat jithiqtawayxapxänwa, ukatsti Tatitump Jikisiñ Carpa mantañaruw sarxapxäna; ukkhansti p'iqinakap uraqir puriyañkamaw alt'apxäna. Tatitusti jach'a kankañapampiw jupanakar uñstäna,

Números 20:6 Jak'a apnaqawi uñst'ayäwi

1 Crónicas 21:16

Davidasti Tatitun angelaparu uñtasinjja uñjänwa sayt'atäsquiri alajjpachampi, aca orakempi taypina amparaparusti espadapa apt'atäsquiri, uqhamaraqui Jerusalén toker ayt'asquiriraqui. Ucatsti Davidampi chuyman awquinacampejja luto isimpi isthapitcamaquïpjjänwa, orakeru ajanupsa puriyañcamaw liwirtapjjäna,

Éxodo 16:10

Ucampis Aaronajj take israelitanacar parlcäna ucapachasti takeniwa uñjapjjäna wasar toketa Tatitun jach'a cancañapajj kenay taypit uñstaniri.

Éxodo 17:4

Ucatsti Moisesajj, Tatituruw arnakäna: —¿Cunsa luräjja aca marcampejja? Acat mä juc'ampirojja kalampi c'upjasawa jiwayapjjetani —sasa.

Números 12:5

Ucatsti Tatitojj mä jach'a kenayat sarakanisinjja Jiquisiñ Carpan mantañaparuw sayt'asïna, ucapachasti Aaronampiru, Mariampiruw jawsäna. Cunapachatejj jupanacajj uñstapjjän ucqhajja,

Números 14:10

Uqhamäquipansa, jakenacajj kalampiw jupanacar c'upjañ munapjjäna. Ucatwa Tatitun jach'a cancañapajj uñstäna, Jiquisiñ Carpana, take jaken uñjcata.

Números 14:5

Moisesampi, Aaronampejj oraker puriñcamaw ajanunacap alt'apjjäna, take marcan nayräjjapana, cunja usuchjatas chuymapan uñjasipjjän uc uñacht'ayañataqui.

Números 16:19

Coré chachasti niyaw takpach marcaru tantachäna jupanac contra, Jiquisiñ Carpa uñcatasina. Ucapachasti Tatitun jach'a cancañapaw takpach marcaru uñacht'ayasïna.

Números 16:22

Ucampis jupanacajj ajanunacap oraker puriyañcamaw alt'apjjäna, ucatsti sapjjaraquïnwa: —Dios Tata, jumaw take jakenacarus jacañ churta, ¿takpach marcampiti colerasïta mä sapa jaken juchapatjja? —sasa.

Números 16:4

Moisesasti uca ist'asinjja oraker ajanup puriñcamaw alt'äna,

Números 16:42

Takpachaniw muyuntapjjäna Moisesampiru, Aaronampirojja, ucampisa jupanacajj Jiquisiñ Carpäquisa ucsaruw sartawayjjapjjäna. Uca horasanwa kenayajj imantäna, ucatsti Tatitun jach'a cancañapaw uñstäna.

Números 16:45

—Jithektapjjam take uca jakenacata, nayaw anchhita jupanacar t'unjä —sasa. Moisesampi, Aaronampejj oraker p'ekenacap puriyañcamaw alt'apjjäna,

Números 20:7

Ucatsti Tatitojj Moisesarojj sänwa:

Mateo 26:39

Jesusasti juc'ampi nayrakatar sarasinwa, quillt'asisin Diosarojj mayïna aqham sasa: “Awquejjay, waquischi ucajja, aca t'akhesiñatjja khespiyita, ucampis jan nayan munañajjäpati jan ucasti juman munañamäpan” sasa.

Josué 7:6

Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.