Números 20:6 - Qullan Arunaka DC

⁶ Moisesampi Aaronampisti jaqinakat jithiqtawayxapxänwa, ukatsti Tatitump Jikisiñ Carpa mantañaruw sarxapxäna; ukkhansti p'iqinakap uraqir puriyañkamaw alt'apxäna. Tatitusti jach'a kankañapampiw jupanakar uñstäna,

Aymar Bibliia 1986

⁶ Moisesampi Aaronampisti jakenacatjja jithektapjjänwa, Tatitumpi Jiquisiñ Carpana mantañaparuw sarjjapjjäna; ucqhansti oraker puriñcamaw p'ekenacap alt'apjjäna, ucatsti Tatitun jach'a cancañapaw uñstäna.

Qullan Arunaca

⁶ Moisesampi Aaronampisti jakenacatjja jithektapjjänwa, Tatitumpi Jiquisiñ Carpana mantañaparuw sarjjapjjäna; ucqhansti oraker puriñcamaw p'ekenacap alt'apjjäna, ucatsti Tatitun jach'a cancañapaw uñstäna.

Números 20:6 Jak'a apnaqawi uñst'ayäwi

1 Crónicas 21:16

Davidasti uñtasax Tatitun angelaparuw uñji, alaxpachampi aka uraqimpi taypin sayt'atäskänwa, amparapankkän uka espadampisti Jerusalén marka tuqiruw aytäna. Ukhamasti Davidampi jilïr awkinakampix chhankha isimpi isthapitax ajanunakapsa uraqir puriyañkamaw alt'apxäna,

Éxodo 16:10

Aaronax israelitanakamp parlaskän ukkhasti, akatjamat wasar tuqit mä qinay uñstanir uñjapxäna, Tatitun qhapaq kankañapaw mä qinay taypit uñstanïna.

Éxodo 17:4

Moisesasti Tatituruw yanap mayïna, juparusti sänwa: —¿Kamacharakï aka jaqinakampisti? Niyapuniw qalamp k'upjas jiwayapxitu —sasa.

Números 12:5

Ukapachaw Tatitux qinay taypinjam saraqanïna, ukatsti Jikisiñ Carpa mantañawjaruw sayt'asïna; ukatsti Aaronampiru, Mariampiruw jawsäna, jupanakax uñstapkän ukkhasti,

Números 14:10

Ukhamäkipansa, jaqinakax qalampiw jupanakar k'upjañ munapxäna. Ukapachaw Tatitun qhapaq kankañapax Tatitump Jikisiñ Carpana uñstäna, taqpach israelitanakan uñjkata,

Números 14:5

Ukapachasti Moisesampi, Aaronampix israelitanak nayräxan ajanunakap uraqir puriyañkamaw alt'apxäna,

Números 16:19

Coré chachasti niyaw Jikisiñ Carpa uñkatasin taqpach jaqinakapar tantachatayna, Moisesampiru, Aaronampir saykatañataki. Ukapachasti Tatitux jach'a qhapaq kankañapampiw jupanakar uñstäna,

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Números 16:4

Moisesasti uk ist'asinxa uraqir ajanup puriyañkamaw alt'äna,

Números 16:42

24 (7) Taqpachaniw Moisesampiru, Aaronampir muyuntapxäna; ukampis jupanakax Tatitump Jikisiñ Carpäkis uksaruw sartawayxapxäna. Ukapachaw qinayax ukar imxattäna, Tatitun qhapaq kankañapas uñstarakïnwa.

Números 16:45

45 (10) —Uka jaqinakat jithiqtapxam, jichhpachaw jupanakar t'unjä —sasa. Moisesampi, Aaronampisti p'iqinakap uraqir puriyañkamaw alt'asipxäna,

Números 20:7

Tatitux Moisesar akham säna:

Mateo 26:39

Jesusasti mä juk'a nayraqatar sartasinxa, killt'asisin ajanup uraqkam puriyasaw Diosarux mayisïna akham sasa: “Awkixay, wakischi ukax aka t'aqhisiñ apaqt'ita, ukampis jan nayan munañaxäpati, jan ukasti juman munañamäpan” sasa.

Josué 7:6

Josué chachampi, Israelan jilïri jaqinakapampisti isinakap ch'iyanuqasipxäna, llakisiñatsa qhillampiw p'iqit willxatasipxäna, ukatsti p'iqinakap uraqkam alt'asaw Tatitun arcap nayraqatan killt'asipxäna.