Números 19:13 - Qullan Arunaca

¹³ Cawquïritejj mä jiwat jaken janchipa llamct'cani, janiraqui k'omachascaniti, ucasti Tatitun kollan utapwa k'añuchi, ucapachasti jakonucutäñapaw Israel marcatjja, jan k'omachasir umampi ch'allt'atätapata, uqhamarac k'añuchata jicjjatasitap laycu.

Aymar Bibliia 1986

¹³ Cawquïritejj mä jiwat jaken janchipa llamct'cani, janiraqui k'omachascaniti, ucasti Tatitun kollan utapwa k'añuchi, ucapachasti jakonucutäñapaw Israel marcatjja, jan k'omachasir umampi ch'allt'atätapata, uqhamarac k'añuchata jicjjatasitap laycu.

Qullan Arunaka DC

¹³ Maynitix jiwat jaqin amayap llamkt'asin jan q'umachaskanixa, Tatitun qullan utjäwip q'añuchi, ukhamäni ukasti, uka jaqix Israel marka taypit jaqunukutäñapawa, q'umachasir umampi jan q'umachasitap laykux, q'añut uñt'atäniwa.

Números 19:13 Jak'a apnaqawi uñst'ayäwi

Éxodo 30:33

Ucampis qhititejj aca aceite quipcaqui lurcani yakha aceite, uqhamarac aca kollan aceitempi qhiti jakerusa warjjataraquini ucajja jumanac taypitjja jiwayatäñapawa’ ” sasa.

Proverbios 14:32

Ñankha jakerojj jupa pachpan ñankha luratapawa tucjasqui, ucampis cheka lurir jakerojja cheka luratapawa arjjati.

Ezequiel 44:26

Ucampisa uca khepatsti k'omachasjjapjjaraquiniwa, uca pasatatjja pakallko uruw suyt'ascaraquini.

Levítico 15:31

Uqhamatwa jumanacajj israelitanacatjja take k'añunacjja jayaru apanucjjapjjäta, jan jiwarapjjañapataqui cawqhantejj nayajj utjcta uca cheka k'añuchapjjatap laycu.”

Levítico 20:3

Nayasti uca jake contraw sayt'araquëjja, ucatsti take familianacap taypitsa jiwayjjaraquïwa, nayan kollana chekajj k'añuchatap laycu, uqhamarac nayan kollana sutejjarusa taquisitap laycu, mä wawapa uca Moloc sat diosar loktatap laycu.

Levítico 22:3

“Jupanacarusti saraquim, jichhasa acat kheparusa cawquïritejj Aaronan wawanacapata jan k'omäcasina cuntejj israelitanacajj nayataqui yakhachapjje ucanaca nayaru loktitani ucasti, nayan nayrakatajjatjja jiwayatäniwa. Nayätwa Tatitojja.

Levítico 22:4

“Aaronan wawanacapata, cawquïritejj lepra usunïni jan ucajj jathapsa aywiyasini, ucasti janiw kollana yänacatjja mank'caniti jupan suma c'umarachasiñapcama, uqhamarac suma k'omachasiñapcama. Qhititejj mä jiwata jakena cuna k'añupsa llamct'ani, jan ucajj jathapsa aywiyiri jakerusa llamct'ani,

Levítico 5:17

“Maynitejj Diosan arunacapa contra jucha luranejja, janis amuyascchi, ucajj juchañchatäniwa, ucat uca jucha luratapatjja phokjjañaparaquiwa.

Levítico 5:3

“Maynitejj jaken cuna k'añupsa llamct'anejja, cuna k'añuchiripsa, janisa ucapachajj amuyascpa, ucat khepata amuyasjjani ucapachasti juchañchataw uñjasini.

Levítico 5:6

ucatsti jucha luratapatjja mä kachu oveja Tatitur loktani, jan ucajj mä kachu cabräpasa, uca loktäwimpiw sacerdotejj uca jaken juchapataquejj pampachatäña jicjjatani, juchapasti perdonataraquïniwa.

Levítico 7:20

“Cawquïri jaketejj jan k'omachatäcasina uca sumancthapiñataqui loktata aycha mank'ani ucasti jakenac taypitjja apanucutäjjañapawa, uca aychajj Tatitutaqui satätap laycu.

Levítico 7:21

“Cawquïri jaketejj mä cuna k'añunacsa llamct'ani, mä jaken k'añupäpasa, jan ucajj mä uywan k'añupäpasa, jan ucajj cawquïri ajjtascaña yänacäpasa, ucat uca sumancthapiñataqui loktat aycha mank'araquini ucasti jakenac taypitjja apanucutäjjaniwa, uca aychajj Tatituncatap laycu.”

Números 15:30

“Ucampisa mä jaketejj juch lurchi sum amuyasisa, israelitäpansa, yakha marcat jutir jakëpansa, ucasti nayaruw ñankhachitu. Uca jakesti marcap taypitjja jakonucutäniwa.

Números 19:14

“Acaw leyinacajja cunapachatejj maynejj carpa mankhen jiwani ucanacataquejja: Take cawquïrinacatejj carpa mankhen jicjjatasipjjani, uqhamarac take cawquïrinacatejj ucaru mantapjjani, ucanacajj k'añuchataw pakallko uru uñjasipjjani.

Números 19:18

Ucatsti mä k'omachat jakew mä hisopo rama aptasinjja umaru juricht'ani, ucampiw carparu ch'allaquipani, vasijanacaru uqhamarac cawquïri jakenacatejj ucan jicjjatasipqui ucanacaru, uca quipcaraqui cawquïritejj ch'aqhanacsa, jiwayat jaken janchinacapsa, jupa quipca jiwcatayna ucan janchipsa, sepulturanacsa llamct'catayna ucarusa.

Números 19:19

K'omachat jakewa ch'allaquipani k'añuchat jakerojja, quimsïri uruna jan ucajj pakallköri urunsa. Pakallko ururusti juchanacapatjja k'omachatäjjapjjaniwa. Ucatsti k'añu jakejj isipa t'ajjsusiñapa, jarekasiñaparaquiwa, ucampisa k'añüsquiwa, janïraw jayp'ucamajj k'omachatäquiti.

Números 19:20

Mä jaketejj jan k'omachatäcän ucajj apanucutaw uñjasini jakenac taypitjja, jupan Diosan santuarioparu k'añuchatap laycu. K'omachasir umampi jan ch'allaquipasitap laycusti, k'añuquïsquiwa.

Números 19:9

Mayni k'omachat jakesti, naqhantayat vacan khellanacap apjjaruwayasinjja, mä k'oma chekaruw uchanini campamentot ankäjjaru. Uca khellatsti Israel marcajj k'omachasir umwa waquichapjjani. Take ucanacasti juchanacat sacrificiöniwa.

Números 8:7

Uca k'omachäwsti aqham lurapjjäta: Jumaw ch'allaquipäta k'omachasiñ umampi, ucatsti jupanacajj janchipan ñic'utanacapsa take qhuchhurasipjjani, isinacapsa t'ajjsurasipjjaraquini, uqhamatwa k'omachatäpjjani.

Números 9:13

Ucampisa cawquïritejj Pascua fiesta amtañ apanucuni, k'oma jicjjatascasina, uqhamarac jan saräwinccasina, ucajj jilanacap taypitjja apanucutäniwa, uqham Tatitu Diosar jan ofrenda loktatap laycu, juchanacapatjja mutuyäwi catokaraquini.

Juan 8:24

Ucatpï sapjjsmajja: ‘Juchanacaman jiwarapjjäta’ sasajja. Jumanacatejj jan iyawsapquitäta nayajj qhitïcti ucjja, juchanacamanwa jiwarapjjäta —sasa.

Hebreos 10:29

Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

Hebreos 9:10

Ucasti mank'añawjata, umañawjampitac parli, yakhep k'omachasiñanacampita. Ucasti ankäjjataquiquiwa ch'amanejja, cuna horasatï Diosajj mayampi machakat lurcani ucqhacama.

Apocalipsis 21:8

Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.

Apocalipsis 22:11

Uccañcamasti jan wali jakejja jan walinac lurascacpan, k'añusa k'añunac lurascacpan, ucampis Dios chuyma jakejj asquinac lurascacpan, take chuyma arcascacpan” sasa.

Apocalipsis 22:15

Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.