Números 19:13 - Qullan Arunaka DC

¹³ Maynitix jiwat jaqin amayap llamkt'asin jan q'umachaskanixa, Tatitun qullan utjäwip q'añuchi, ukhamäni ukasti, uka jaqix Israel marka taypit jaqunukutäñapawa, q'umachasir umampi jan q'umachasitap laykux, q'añut uñt'atäniwa.

Aymar Bibliia 1986

¹³ Cawquïritejj mä jiwat jaken janchipa llamct'cani, janiraqui k'omachascaniti, ucasti Tatitun kollan utapwa k'añuchi, ucapachasti jakonucutäñapaw Israel marcatjja, jan k'omachasir umampi ch'allt'atätapata, uqhamarac k'añuchata jicjjatasitap laycu.

Qullan Arunaca

¹³ Cawquïritejj mä jiwat jaken janchipa llamct'cani, janiraqui k'omachascaniti, ucasti Tatitun kollan utapwa k'añuchi, ucapachasti jakonucutäñapaw Israel marcatjja, jan k'omachasir umampi ch'allt'atätapata, uqhamarac k'añuchata jicjjatasitap laycu.

Números 19:13 Jak'a apnaqawi uñst'ayäwi

Éxodo 30:33

Khititix aka aceite kipkak yaqha aceite lurkani, jan ukasa aka qullan aceitempi khiti jaqirusa warxatarakin ukaxa, jumanak taypit jaqunukutaw uñjasini’ ” sasa.

Proverbios 14:32

Ñanqha lurir jaqirux pachpa ñanqha luratapaw tukjaski, aski jaqirusti chiqa luratapaw arxataski.

Ezequiel 44:26

Q'añuchata uñjasipxaspa ukkhasti, wakisiw q'umachasipxañapa, ukatsti paqallqu uru suyapxañaparaki.

Levítico 15:31

ukhamat jumanakax israelitanakarux q'añu lurañanakat jithiqtayapxäta. Jan ukhamäkani ukasti, uka qullan chiqar q'añunakampi phuqhantapxatapat jiwarapxaniwa.”

Levítico 20:3

Nayasti uka jaqir mutuyañatakiw sayt'ä, ukatsti markap taypitsa apanukurakïwa, nayan qullana utax q'añuchatapata, ukhamarak nayan qullana sutixarus Moloc sat diosar wawap luqtatapampi takisitap layku.

Levítico 22:3

“Jupanakarusti sarakim, jichhasa akat qhiparusa kawkïritix Aaronan yuqanakapat jan q'umäkasina, kuntix israelitanakax nayatak yaqhachapki ukanak nayar luqtkitani ukasti, nayan nayraqataxat apanukutäniwa. Nayätwa Tatituxa.

Levítico 22:4

“Aaronan yuqanakapata, kawkïritix lepra usunïki jan ukax chhuxurasiñapat jathapsa inak aywiyaskani ukasti, jupanakan q'umachasiñapkamax janiw qullan yänakat manq'apkaniti. “Khititix mä jiwat jaqin kuna q'añupsa llamkt'ani, jan ukax jathap aywiyir jaqirus llamkt'ani,

Levítico 5:17

“Maynitix jan amuyaskasin Tatitun kamachi arunakap p'akintani ukax juchañchatäniwa, jucha luratapatsti phuqxañapäniwa.

Levítico 5:3

“Maynitix jan amuyaskasin jaqin kuna q'añuchatapsa llamkt'anixa, uka qhipat amuyasxani ukapachax juchañchataw uñjasini.

Levítico 5:6

ukatsti jucha luratapat mä qachu oveja Tatitur wilañcha luqtani, jan ukax mä qachu cabräpasa, uka wilañcha luqtäwimpiw sacerdotex uka jaqin juchapat pampachatäñ jikxatani.

Levítico 7:20

“Kawkïri jaqitix jan q'umachatäkasin uka sumankthapiñatak Tatitur luqtata aycha manq'kani ukasti, markap taypit apanukutäxañapawa.

Levítico 7:21

“Kawkïri jaqitix mä kuna q'añunaksa llamkt'ani, mä jaqin q'añupäpasa, mä uywan q'añupäpasa, jan ukax kawkïr axtaskay yänakäpasa, ukat Tatitunkki uka sumankthapiñatak wilañcha luqtat aycha manq'kani ukasti, markap taypit apanukutäxaniwa.”

Números 15:30

“Ukampis mä jaqitix sum yatkasin juch lurani, israelit jaqïpansa, yaqha markat jutir jaqïpansa, ukasti nayaruw ñanqhachitu. Ukhamïpansti, uka jaqix markap taypit jaqunukutaw uñjasini,

Números 19:14

“Kamachix akawa: Maynitix carpan jiwanixa, ukan jikxatasirinakampi, ukar mantirinakampix, paqallqu uruw q'añut uñt'atäni.

Números 19:18

Ukatsti mayni q'umat uñt'at jaqiw hisopo laymi aptasin umar juricht'ani, ukampiw carpar ch'allakipani, ukatsti phukhunakaru, uka manqhan jikxatasipkän uka jaqinakaru, uka kipkarak khititix jaqi ch'akhanaksa, pampan jiwayat jaqin amayapsa llamkt'katayna, jan ukax, jiwañap jiwir jaqin amayapsa, amay imäwi llamkt'katayna ukanakar ch'allakiparakini.

Números 19:19

Q'umat uñt'at jaqix kimsïr uruna, jan ukax, paqallqür uka urunakan, q'añuchat jaqirux ch'allakipani. Paqallqür urutakisti q'umachatäxaniwa. Ukatsti q'añuchat jaqix isip t'axsusiñapa, umampi jariqasiñaparaki, ukampis jayp'ukamax q'añut uñt'atakïskaniwa.

Números 19:20

Q'añuchat jaqitix jan q'umachaskanixa, markap taypit apanukutaw uñjasini, Tatitun qullan utjäwip jupan q'añuchatap layku. Q'umachasir umampi jan ch'allakipasitap laykusti, jupax q'añukïskaniwa.

Números 19:9

Uka qhipatsti, mayni jan q'añuchat jaqiw nakhantayat vacan qhillanakap apthapini, uksti campamentot anqäxan mä q'uma chiqaruw uchxani. Uka qhillampiw Israel markax q'umachasir uma wakichani, taqi ukanakasti juchanakat wilañcha luqtäwïniwa.

Números 8:7

Jupanakar q'umachañatakisti, q'umachasiñ umampiw jupanakar ch'allakipäta, ukatsti janchipan utjir ñik'utanakap q'al khuchhurasiyäta, isinakapsa t'axsurayarakïta, ukhamat q'uma tukupxani.

Números 9:13

Ukampis khititix q'uma jikxataskasina, jan saräwinkkasina Pascua jan uruykani uka jaqix, markap taypit apanukutaw uñjasini. Uka urun Tatitur waxt'a jan luqtatap laykusti, uka juchapat mutuyataw uñjasini.

Juan 8:24

Ukatpï sapxsmaxa: “Juchanakaman jiwarapxäta” sasaxa; jumanakatix jan iyawsapkitäta nayax khitïktix ukxa, juchanakaman jiwarapxäta —sasa.

Hebreos 10:29

Ukhamasti ¿janit jumanakax amuyapkta, khitinakatix Diosan Yuqapar jisk'achapki, wilaparus jisk'achapki, munasir Diosan Ajayuparus jisk'achapki ukanakan juk'ampi mutuyäwi katuqañapsti? Uka wilaw arust'äwit qhanañchi, ukampirakiw jupanakax Diosatak yaqhachatäpxi.

Hebreos 9:10

Uka manq'añanaka, umañanaka, yaqhip q'umachasiñanakax patxa luräwikiwa, ukanakax kunapachatix Diosax machaqar tukuykan ukkhakam ch'amanikiwa.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

Apocalipsis 22:11

Ñanqha lurir jaqix, ñanqhanak luraskakpan; q'añu chuyman jaqisa, q'añunak luraskakpan; ukampis aski jaqix, askinak luraskakpan, Dios chuyma jaqisti, taqi chuyma arkaskakpan” sasa.

Apocalipsis 22:15

Ukat sipana, anqaruw qhiparapxani jan wali sarnaqirinaka, layqasirinaka, wachuqa juchan sarnaqirinaka, jaqi jiwayirinaka, idolonakar yupaychirinaka, taqi sallqjirinaka, jan wali luras sarnaqirinakasa.