Números 15:15 - Qullan Arunaca

¹⁵ Quipca leyinacaw jumanacataqui, yakha marcat jutirinacataquisa churata, uca leyisti wiñayataquïniwa, awquinacamat wawanacamaruw pasaraquini.

Aymar Bibliia 1986

¹⁵ Quipca leyinacaw jumanacataqui, yakha marcat jutirinacataquisa churata, uca leyisti wiñayataquïniwa, awquinacamat wawanacamaruw pasaraquini.

Qullan Arunaka DC

¹⁵ Uka pachpa kamachinakaw jumanakatakisa, yaqha markat jutir jaqinakatakisa, wawanakamatakisa; uka kamachix wiñayatakïniwa.

Números 15:15 Jak'a apnaqawi uñst'ayäwi

Ester (hebreo) 9:27

Judionacasti acanac lurañjja utt'ayasipjjänwa jupanacataqui, wawanacapat sarakerinacataqui, uqhamarac take qhitinacatejj judío tucupcaspa ucanacataqui; lurapjjañapataqui aca pä urunaca sapa marana jan armt'asa, cunjämtejj lurañatac churatäqui uqhamarjama.

Éxodo 12:14

Jumanacasti aca urjja amtasipjjapunïtawa. Ucampis Tatitur jach'ar aptañampiw aca fiestjja lurapjjäta, acasti mä leyi churatawa uca laycusti wawanacaman, wawanacapaw wiñaya amtani.

Éxodo 12:24

Aca camachsti jumanacasa, uqhamarac wawanacaman wawanacapasa wiñayataquiw imapjjäta.

Éxodo 12:43

Tatitusti Moisesampiru, Aaronampirojj sänwa: “Acawa leyejj Pascua toketjja: Janiwa qhiti jaya marcanquir jakesa, uca sacrificio loktat uywjja mank'añapäquiti.

Éxodo 12:49

Aca leyisti taketaquiwa, marcas taypin nasqui ucanacataqui, uqhamarac jumanac taypin jacapqui uca yakha marcanquir jakenacataqui.”

Éxodo 28:43

Uca calzoncillo ucht'ataw Aaronampi, wawanacapampejj Tatitumpi Jiquisiñ Carpan tantachasiñ chekarojj mantapjjañapa, uqhamarac kollana chekaru mantasinsa sacerdotjama lurañanacap phokheri, altar jac'anccani ucqhasa, uqhamat jan jucha lurasa jiwapjjañapataqui. Aca leyisti wiñayataqui churatawa juparu, uqhamarac wawanacapan wawanacaparusa.

Levítico 24:22

“Aca leyisti cawquïri jakenacatejj yakha marcat jutasin jumanac taypin jacqui ucanacataquiwa, uqhamarac pachpa jumanaca israelitanacataquisa. Nayätwa jumanacan Tatitu Diosamajja.”

Números 10:8

Sacerdotenacampi, Aarón chachan wawanacapampiquiw trompetanac phust'añataquejj utt'ayatäpjjani. Aca leyinacajj jumanacataquejj wiñayatac uchatäniwa.

Números 15:14

“Mä jaya marcat jutir jaketejj jumanac tokenjam pasascani, jan ucajj jumanac taypinsa jacani, ucatsti mä k'apquir phichhantat suma ofrenda nayar loktañ munitani ucapachajj, jupanacasti phokhapjjaniw quipca leyinaca jumanacjamaraqui.

Números 15:29

Mä sapa leyiquiw take israelitanacataqui uchata, uqhamarac yakha marcat jutasin jaquir jaketaquisa, juchatejj jan amuyasis luratächi ucqhajja.

Números 18:8

Tatitu Diosasti Aaronarojj sänwa: “Nayaw jumar utt'aysma ofrendanac churapquitu ucanac uñjañamataqui. Take cawquïri k'oma ofrendanactejj israelitanacajj churapquitu ucanacsti, jumampiru, wawanacamampiruw churta, acasti wiñayatac uchat leyiraquïniwa.

Números 9:14

“Cawquïri jaya marcat jutir jakenacatejj jumanac taypina jacasipqui ucanacasti Pascua fiestjja amtapjjaraquiniwa, nayan jach'a cancañajjaru, take cawquïri yatichäwinactï churcta uqhamarjama. Uca quipca yatichäwinacaraquiw lurasini yakha marcat jutir jakenacampejja, uqhamarac marca quipcan nacir jakenacampisa.”

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Colosenses 3:11

Janiw jichhajj utjcjjeti judiöñas, griegöñasa; circuncidatäñasa, jan circuncidatäñasa; jaya jakëñasa, jan amuyt'anïñasa, esclavöñasa, jan ucajj khespiyatäñasa; jan ucasti Cristow take cunajja, jupajj take cunancaraquiwa.

Josué 8:33

take israelit jakenacaraquiw Diosan arcap thiyaru tantachasipjjäna, yakha marcat purinir jakenaca, jach'a amuyt'an jakenaca, juezanaca, uqhamaraqui levita sacerdotenacas Diosan arcap apt'asita. Diosan bendicionap catokañataquejj payaru t'akjtatäpjjänwa, mä chicat jakejj Gerizim sat kollu thiyana, mayninacasti Ebal sat kollu thiyanaraqui, cunjämatï Moisesajj ewjjawaycäna uqhama.

1 Samuel 30:25

(Ucürut jichhürcamasti israelitanacajj uqhampunwa jaljasipjje.)