Números 15:15 - Qullan Arunaka DC

¹⁵ Uka pachpa kamachinakaw jumanakatakisa, yaqha markat jutir jaqinakatakisa, wawanakamatakisa; uka kamachix wiñayatakïniwa.

Aymar Bibliia 1986

¹⁵ Quipca leyinacaw jumanacataqui, yakha marcat jutirinacataquisa churata, uca leyisti wiñayataquïniwa, awquinacamat wawanacamaruw pasaraquini.

Qullan Arunaca

¹⁵ Quipca leyinacaw jumanacataqui, yakha marcat jutirinacataquisa churata, uca leyisti wiñayataquïniwa, awquinacamat wawanacamaruw pasaraquini.

Números 15:15 Jak'a apnaqawi uñst'ayäwi

Ester (hebreo) 9:27

judionakax aka luräwinakxa saranakapjam utt'ayasipxäna, jupanakataki, wawanakapan wawanakapataki, ukhamarak judionakan sarapar kutikipstir jaqinakatakisa; sapa marasa, kunjämatix qillqatan arsutäki ukhamarjam uka pä uruna jan armt'asisa uruyañataki;

Éxodo 12:14

Aka urux jumanakatak amtasiñ urüniwa, Tatitur jach'añchasaw uruyapxäta. Wiñay kamachïkaspas ukham wawanakamana, wawanakapaw amtasipxäta.

Éxodo 12:24

Aka luräwi, jumanakasa, wawanakaman wawanakapas imapxäta, wiñay kamachïkaspas ukhama.

Éxodo 12:43

Tatitusti Moisesampiru, Aaronampiruw säna: “Pascua uruyañatak aka kamachinak phuqhapxäta: Janiw khiti jaya markankir jaqis wilañcha luqtat uywa manq'añapäkiti.

Éxodo 12:49

Aka kamachisti taqitakiwa, markas taypin yuripki ukanakataki, ukhamarak jumanak taypin jakapki uka yaqha markankir jaqinakataki” sasa.

Éxodo 28:43

Uka calzoncillo ucht'ataw Aaronampi, wawanakapampix Tatitump Jikisiñ Carpar mantapxani, jan ukax qullan chiqawjan sacerdote lurañanakap phuqhir altarar jak'achasipkani ukapachasa, ukhamat kuna juchsa jan lurapkaniti, janirakiw jiwapkanisa. Aka kamachix wiñayatak utt'ayatawa, Aaronampitaki, wawanakapan wawanakapampitaki.

Levítico 24:22

“Aka kamachisti yaqha markat jutirinakataki, ukhamarak pachpa israelitanakatakïniwa. Nayätwa jumanakan Tatit Diosamaxa.”

Números 10:8

Aarón chachat saraqir sacerdotenakakiw trompetanak phust'apxani. Aka kamachinakax jumanakatak wiñayatakïniwa.

Números 15:14

“Yaqha markat jutir jaqitix jumanak taypin jakaspa, ukat suma q'apkir nakt'ayat waxt'a nayar luqtañ munitaspa ukaxa, jupax jumanakjamarakiw pachpa kamachinak phuqhañapa.

Números 15:29

Mä pachpa kamachikiw utji, israelitanakatakisa, jumanak taypin jakir yaqha markat jutir jaqitakisa, mä jaqitix jan amuyaskasin pantjaskan ukapacha.

Números 18:8

Tatitusti Aaronarux sänwa: “Nayar luqtat waxt'anak uñjañamatakiw katuysma. Israelitanakax qullan waxt'anak churapkitu ukanaksti, jumampiru, wawanakamampiruw churapxsma, wakt'apktam ukhamarjama; ukasti wiñayatak arsut kamachïniwa.

Números 9:14

“Jumanak taypin jakasir jaya markat jutir jaqinakax, Pascua uruyapxarakiniwa, nayar jach'añchasa, kawkïr yatichäwinaktix churkta ukhamarjama. Uka yatichäwinakax yaqha markat jutir jaqinakatakisa, pachpa markan yurir jaqinakatakis pachpakïniwa.”

Gálatas 3:28

Tatit Jesucristor mayachatäxasin, janiw judío jaqïñasa, griego jaqïñasa, t'aqhisiyat jaqïñasa, antutnukut jaqïñasa utjkxiti, chachasa, warmisa yaqhäkiti; taqi jumanakax mayakïxapxtawa.

Colosenses 3:11

Jichhax janiw wakiskirïkxiti judío jaqïñasa, griego jaqïñasa, circuncisión katuqat jaqïñasa, janirakiw wakiskirïkxiti jaya jaqïñasa, jan amuyt'anïñasa, uywat jaqïñasa, jan uywat jaqïñasa; jan ukasti Cristow taqi kunaxa, jupaw taqi kunankaraki.

Josué 8:33

Ukatsti taqpach markampi, ukhamarak Israelat saraqir jaqinakasa, yaqha markankirinakasa, chuyman jaqinakasa, jilïr irpirinakasa, taripirinakasa Tatitun arust'äwi arcap thiyaru sayt'asipxäna, kawkïrtix levita sacerdotenakax kallachinakapxar apasipkän uka uñkatasiru. Tatitun aski waxt'äwip katuqañatakisti chikat jaqix Guerizim sat qullu tuqinkänwa, chikatasti Ebal sat qullu tuqin jikxatasipxäna, kunjämatix Tatitun luqtiripa Moisesax qalltatpacha sawaykatayna ukarjama.

1 Samuel 30:25

Ukürut jichhürkamasti, israelitanakax ukhampun lurapxi.