Números 14:34 - Qullan Arunaca

³⁴ Jumanacasti pusi tunca urunacaw orakenac uñjasajj sarnakanipjjtajja, uqhamaraquiw jichhajj pusi tunca maranaca mutuñanacamjja phokhapjjäta, mä mara sapa uruta, uqhamatwa yatipjjaraquïta cunjämas naya contra sayt'asiñajj ucsa.’

Aymar Bibliia 1986

³⁴ Jumanacasti pusi tunca urunacaw orakenac uñjasajj sarnakanipjjtajja, uqhamaraquiw jichhajj pusi tunca maranaca mutuñanacamjja phokhapjjäta, mä mara sapa uruta, uqhamatwa yatipjjaraquïta cunjämas naya contra sayt'asiñajj ucsa.”

Qullan Arunaka DC

³⁴ Jumanakax pusi tunka uruw uraqinak uñakipasax sarnaqanipxtaxa; ukhamarakiw jichhax pusi tunka mara mutuyäwi phuqhapxäta, sapa uruta mä mara. Ukhamat jumanakax yatipxäta, kunjämäkitix nayar qallkatasiñax uka.

Números 14:34 Jak'a apnaqawi uñst'ayäwi

1 Reyes 8:56

“¡Tatitojj bendicitäpan, jupawa Israel marcaparu samaraña churi, cunjämatï arscäna uqhamaru! Tatitusti janiw armasquiti Moisés sirvirip toke cuna arsüwinactï phokhañataqui arscäna uca laycu.

2 Crónicas 36:21

phokhasiñapataqui cunatejj Diosajj Jeremías profetap toke siscäna uqhamaru. Uqhamawa marcajj samarañapäna suma cusisiñana; uqhamatwa samaräna tucjatäcäna uca maranacana, pakallk tunca mara pasañapcama.

Salmos 105:42

Kollan arusjäwit amtasïna, Abraham loktiripar arsutat amtasïna.

Salmos 38:4

Juchanacajjajj sintipuniw jatjjattitu, ch'amajjajj janiw ucanacamp k'ewtasirjamäquiti;

Salmos 77:8

¿Munasiñapajj tucusjjapunpachati? ¿Arsutapajj jan mayampitaquich tucusjjpachajja?

Salmos 95:10

Pusi tunc maraw qhä jakenacataquejj k'apisïyäta, ucat säyäta: Aca marcajj wali pantjataw sarnake; ¡janiw arsutanacajjar jaysapquiti!, sasa.

Ezequiel 14:10

Jisct'asir jakesa, uca profetasa juchanacapatjja panpachani mutuyatäniwa.

Ezequiel 23:35

Ucatpï Tatitojj saraquejja: “Jichhajj nayar apanucutam laycu, khipa uñtatam laycuwa, jan wali sarnakäwinacamatjja mutuyäwi catokäta.”

Ezequiel 4:5

quimsa pataca llätunc tunca urunacaw uqham iquïta, sapa uru iquitasti Israel marcan mä mara jucha lurataparüniwa.

Ezequiel 4:6

Cunapachatejj uqham ch'ekäjja toket iquiñ tucuyjjäta ucapachasti cupi toket iquiraquïta, ucatsti jumjjarojja Judá marcan juchapa apjjatasiraquïta, pusi tunca ururaquiw uqham iquïta. Sapa urusti mä mara jucha lurataparüniwa.

Daniel (hebreo) 9:24

“Pakallko tunca semananacaw pasañapa marcamjjaru, uqhamaraqui kollana marcamjjarusa, uqhamat ñankha luräwiru, juchampiru tucjañataqui, ñankha luräwinacatjja pampachäwi jicjjatañataqui, ucatsti cunatejj chekapäqui uca wiñayataqui utt'ayañataqui, uqhamat unañchäwi uñjcta, uqhamaraqui profecía arunac ist'cta ucanacajj phokhasiñapataqui, ucjjarusti cawquïritejj kollanäqui ucajja Diosar catuyatäjjañapcama.

Oseas 9:12

Wawanacapajj jilarcani ucasa, nayaw wawanacapjja jan mayani apakjjä. ¡Ay aca jakenacata, cunaquïcani nayatejj jupanacat jithektjjä ucapachajja!

Levítico 20:19

“Janipuni taycaman cullacaparojja ni awquiman cullacaparusa warmisimti, ucanacasti jac'a familianacamawa; panpachaniraquiwa juchanacapjja apasipcani.

Zacarías 11:10

Ucatsti “Waliquïscaña” satäquis uca thujru catusasti p'acjaractwa, Diosajj arust'äwi lurcäna take marcanacampi ucajj ucqhar tucusjjatapa uñacht'ayañataqui.

Números 13:25

Ucjjarusti, pusi tunca urunac orake uñakasinjja, cuttjjapjjänwa,

Números 18:23

Levitanacaquiw Jiquisiñ Carpan luräwinacapampejj phokhapjjani, jupanacaraquiw juchañchatäni cuna jan walinacatejj lurascani ucanacatsa. Ucasti wiñayatac uchat leyiraquïniwa, jumanacataqui uqhamarac wawanacamataqui. Levitanacasti janiw orakenïpcaniti Israelanjja.

Números 32:13

Tatitusti israelitanacataquejj colerasïnwa, ucatsti pusi tunca maranacaw wasaran sarnakayäna, uqhamarac janiw maynisa kheparcjjänti, cawquïrinacatejj Tatiturojj jan wali luräwinacapampi ñankhachapcatayna ucanacatjja.

Hechos 13:18

Diosasti wasaranjja pusi tunca maraw apjjasïna jupanacan take casta jan wali luräwinacapatjja.

Deuteronomio 2:7

Jumanacan Tatitu Diosamaw bendicipjjaractam take cuntï lurapcta ucanacansa; juparaquiw aca pusi tunca maranacas yanapapjjtam, imapjjaractamwa aca wasaran sarnakapcta ucansa, jan cun pist'ayasa.

Hebreos 4:1

Uqhamasti, Diosampi samarir mantañatac arsüwejj jiwasatac utjquipanjja amuyasirïñasawa, ucatarac jumanacat cawquïris jan mantcaspati.

Josué 14:10

Ucat acarusti pusi tunca pheskan maraw pasjje cunapachatï Diosajj uca arunaca Moisesaru arscäna ucatjja, ucasti israelitanacajj wasaran sarnakapcän ucapachänwa, jichhasti nayajj quimsakallk tunca pheskan maranëjjtwa,

Apocalipsis 11:3

Nayasti pani testigojj qhitasinï nayjjat parlapjjañapataqui. Jupanacasti waranka pä pataca sojjta tuncani uruw parlapjjani, luto isimpi isthapita.”

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’