Números 14:33 - Qullan Arunaca

³³ Wawanacamasti pusi tunca maraw awatirit jacapjjaraquini, uqhamatwa jupanacajj jumanacan jan iyawsatanacamjja phokhapjjani, take jumanacan aca wasaran jiwarapjjañanacamcama.

Aymar Bibliia 1986

³³ Wawanacamasti pusi tunca maraw awatirit jacapjjaraquini, uqhamatwa jupanacajj jumanacan jan iyawsatanacamjja phokhapjjani, take jumanacan aca wasaran jiwarapjjañanacamcama.

Qullan Arunaka DC

³³ wawanakamasti pusi tunka maraw aka wasaran ovejanak awatis sarnaqapxani. Ukhamat jupanakax jumanakan jan iyawsatanakam phuqhapxani, jumanakan taqpachan aka wasaran jiwarapxañamkamaw suyt'apxani.

Números 14:33 Jak'a apnaqawi uñst'ayäwi

Salmos 107:4

Jupanacajj ch'usa ch'alla wasaran muyupjjäna, janiw marcar irpir thac jicjjatapcänti;

Salmos 107:40

Diosajj t'akhesiyir jilïr jakenacarojj jisc'achiwa, jan thaquin wasaranacaruw irpanti.

Salmos 78:33

Ucat Diosajj jacañ urunacap mä phust'arjamac tucuyäna, wali t'akhesiñ taypina.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Ezequiel 23:35

Ucatpï Tatitojj saraquejja: “Jichhajj nayar apanucutam laycu, khipa uñtatam laycuwa, jan wali sarnakäwinacamatjja mutuyäwi catokäta.”

Oseas 9:1

Israel marca, jan cusiscamti; janirac yakha marcanacjamas cusisiñatjja thokonakcamti, jan wali sarnakañaruw purtajja yakhanacampi sarnakasajj Diosamaruw apanuctajja. Grano jawk'äwi chekanacanwa juman yakhampi sarnakatamatjja pago catokañ muntajja,

Números 32:13

Tatitusti israelitanacataquejj colerasïnwa, ucatsti pusi tunca maranacaw wasaran sarnakayäna, uqhamarac janiw maynisa kheparcjjänti, cawquïrinacatejj Tatiturojj jan wali luräwinacapampi ñankhachapcatayna ucanacatjja.

Números 33:38

Tatitun arsutapampejj Aarón sacerdotejj Hor sat kolluruw maqhatäna, ucatsti uca chekanwa jiwjjäna, mä uru pheska phajjsit sarakcäna pusi tunca maranaca ucapacha, ucasti jact'asïnwa cunapachatejj israelitanacajj Egiptot mistunipcän uca uruta.

Números 5:31

Chachasti ucqhajj janiw juchañchata uñjascaniti, ucampisa warmitejj juchanïchi ucqhajj mutuyatäniwa.”

Hechos 7:36

Uca Moisesapï jiwasanacan awquinacasarojj Egipto marcatjja apsunïnjja, milagronacampi uñacht'äwinacamp uca oraken lurasa, uqhamarac Mar Rojo sat kotansa. Wasaransti pusi tunc mararaquiw milagronacampi uñacht'äwinacamps luraraquïna.

Deuteronomio 1:3

Cunapachatï pusi tunca maranac pasjjän ucqhajja, tunca mayan phajjsina mä uru sarakatarusti, Moisesajj take Israel marcaruw parläna take cuntï Tatitu Diosajj juparu ewjjawaycäna ucanaca.

Deuteronomio 2:14

“Cunapachatï Cades-barnea chekat mistunipctan, ucat Zered sat jisc'a jawir maqhatapctan uca urcamajj quimsa tunca quimsakallkon maraw pasjjäna. Ucañcamasti campamenton guerran nuwasiñatac waquichatäpcän take uca jakenacaw jiwarjjapjjäna, cunjämatï Diosajj juramentompi arsüna uqhamar phokhasa.

Deuteronomio 2:7

Jumanacan Tatitu Diosamaw bendicipjjaractam take cuntï lurapcta ucanacansa; juparaquiw aca pusi tunca maranacas yanapapjjtam, imapjjaractamwa aca wasaran sarnakapcta ucansa, jan cun pist'ayasa.

Deuteronomio 29:5

Nayasti pusi tunca maraw wasaranjama irpanipjjsma, take uca maranacansti janiraquiw isimasa ni zapatomasa merk'escänti.

Deuteronomio 8:2

Ucatsti amtasipjjaraquim cawquïri thaquinjamtï Tatitu Diosamajj irpanipjjtam wasarana pusi tunca maranaca sarnakayasa jumanacar yant'añataqui, uqhamaraqui yatichañataqui, uqhamata amtäwinacam uñt'añataqui, camachi arunacajj phokherjamäpjjtati jan ucajj janicha uc yatiñataqui.

Deuteronomio 8:4

Uca pusi tunca maranac sarnakasajja janiw isinacamas thanthascänti ni cayunacamas p'usurcaraquïnti.

Josué 14:10

Ucat acarusti pusi tunca pheskan maraw pasjje cunapachatï Diosajj uca arunaca Moisesaru arscäna ucatjja, ucasti israelitanacajj wasaran sarnakapcän ucapachänwa, jichhasti nayajj quimsakallk tunca pheskan maranëjjtwa,

Josué 5:6

Cunjämatï israelit jakenacajj pusi tunca maranaca wasaran sarnakapjjänjja ucatsti cawquïri jakenacatï nuwasiñataqui ajllitäpcän uca jakenacajj, Egipto marcat mistunisajj takeniw thaquin jiwarjjapjjäna. Uca jakenacasti janiw Diosarojj ajjsartapcänti, ucatwa Diosajj jupanacarojj jan uñjaycänti cawquïri oraktï churapjjämaw siscatayna uca orakjja, uqhamaraqui cawquïri orakentï leches misq'is umjam jalcän uca orake.