Números 11:17 - Qullan Arunaca

¹⁷ Nayaw sarakanisin jumampi parlä, ucatsti juman chicat ajayumwa jupanacar churä jumaru aca marca apnakañ yanapt'añapataqui. Uqhamatwa jani juma sapaquïcjjätati.

Aymar Bibliia 1986

¹⁷ Nayaw sarakanisin jumampi parlä, ucatsti juman chicat ajayumwa jupanacar churä jumaru aca marca apnakañ yanapt'añapataqui. Uqhamatwa jani juma sapaquïcjjätati.

Qullan Arunaka DC

¹⁷ Nayax saraqanisin jumar parläma, ukatsti juman ajayumat apaqasaw uka jilïr jaqinakar churä, jumar aka marka apnaqañ yanapt'añapataki; jan juma sapak taqi kun luraskañamataki.

Números 11:17 Jak'a apnaqawi uñst'ayäwi

Génesis 11:5

Ucampisa Tatitu Diosajj uca marca, uqhamarac cuna torrtejj lurasipcän uca uñjiriw sarakanïna,

Génesis 17:22

Cunapachatejj Diosajj Abrahamampi parlañ tucuyjjän ucqhajj uca chekatjja sarjjänwa.

Génesis 17:3

Ucapachasti Abramajj orakeruw alt'äna ajanupajj oraker puriñcama, Diosasti ucchañcamajj parljjayascaquïnwa:

Génesis 18:33

Cunapachatejj Tatitojj Abrahamampi parlañ tucuyjjän ucqhajj uca chekatjja sarawayjjänwa, Abrahamasti carpaparuraquiw cuttjjäna.

2 Reyes 2:15

Ucatjja Jericó marcanquir profetanacajj jupa nayrakatanccäna ucanacasti jupar uñjasinjja sapjjänwa: “¡Eliasan ajayupawa jichhajj Eliseompejja!” sasa. Ucatjja jupar jicjjatiriw sarapjjäna, ucatsti jupataqui alt'asisinjja,

2 Reyes 2:9

Maqhatasinsti Eliasajj Eliseorojj sänwa: —Sita, cuns munta juma laycu nayan lurañajja, janïra nayajj jumampi jaljtcasinjja —sasa. Ucjjarusti Eliseojj sänwa: —Nayajj muntwa juman ajayumata pä ucqhampi catokaña —sasa.

Nehemías 9:20

Ucjjarusti jumajj jupanacarojj churtawa suma ajayuma jupanacar yatichañataqui; janipuniw maná t'ant'jja mank'añapataqui pist'aycäyätati, uqhamarac umsa churäyäta pharjatäpcäna ucqhajja.

Éxodo 18:18

Jumasti karjatätawa, uqhamarac jakenacas karjtataraquiwa. Uca lurañanacasti sinti ch'amaw jumataquejja, janiw sapaqui ucanac lurañjja puedcasmati.

Éxodo 18:22

Jupanacawa jakenacarojj jan wali luratanacapa uñjapjjani take horasanacana. Ucampis wali jach'a jan walt'añanacsti jumaruw yatiyapjjätam, cunatejj jisc'a jan walt'añanacäqui ucsti jupanacawa uñjasipjjani. Uqhamatwa juman ch'ama tucuñanacamatjja samarayapjjätam, uqhamarac irpañsa yanapapjjaraquïtam.

Éxodo 19:11

Jupanacasti jurpüru alwataquejja suma waquichatäpjjañapawa. Naya Tatitusti jurpür alwaw Sinaí kollurojj sarakanëjja take israelitanacansa uñjcata.

Éxodo 19:20

Tatitusti sarakanïnwa Sinaí kolluru wali alto chekaru. Ucatsti Moisesarojj jawsänwa uca kollur maqhatañapataqui. Ucat Moisesajj maqhatänwa.

Éxodo 34:5

Ucatsti Tatitojj kenayanjamwa sarakanïna. Ucat Moisesampi kollun parlasinsti sutipwa arsusïna:

Isaías 44:3

wasaran nayajj uma jalayä, waña orakensti jisc'a jawiranac jalayaraquï. Wawanacamarusti mä machak jacañ churä, bendicionajjsa jupanacjjarojj apayaniraquïwa.

Isaías 63:11

Jupanacasti nayrapachanacatwa amtasipjje, qhititejj marcapar khespiyqui uca Moisesatsa amtasipjjaraquiwa, jisct'asipjjaraquïnwa: “¿Cawquincaraqui Nilo jawiran Moisesar khespiyiri Diosasti? Uca Moisesajj tamapa awatirïnwa. ¿Cawquincaraqui qhititejj Moisesar Kollan Ajayupa uchqui ucasti,

Joel 2:28

“Take acanaca khepatsti, nayajj take jakenacjjaruwa ajayojj qhitanï; yokanacamasa, phuchanacamasa nayjjatwa parlapjjani, chuymani jakenacasti samcanacwa samcapjjani, waynanacasti unañchäwinacwa uñjapjjaraquini.

Números 11:25

Ucatsti Tatitu Diosajj kenayanjam sarakanisinjja, Moisesampiw parläna; ucapachasti Moisesan chicat ajayup catusinjja, uca pakallk tunca jilïrinacaruw churäna. Cunapachatejj ajayojj jupanac patjjaru purïn ucqhajj profetanacjamaw parlapjjäna, ucampis janiw mayampsa uqhamjja parlapcjjänti.

Números 12:5

Ucatsti Tatitojj mä jach'a kenayat sarakanisinjja Jiquisiñ Carpan mantañaparuw sayt'asïna, ucapachasti Aaronampiru, Mariampiruw jawsäna. Cunapachatejj jupanacajj uñstapjjän ucqhajja,

Números 12:8

Jupampisti ajanuy ajanuwa parlapjjtjja, khana arunacampi. Jupasti ajanuy ajanuw uñjitu, ¿cunatarac jumanacasti jupjjata jan wali arunac parlapjjtasti?” sasa.

Números 27:18

Tatitusti Moisesarojj sänwa: —Josué sat Nun chachan yokapajj suma amuyt'ani jakewa. Irptanim ucatsti amparamampi p'ekepat lokjjatam,

Números 7:89

Cunapachatï Moisesajj mantcäna Tatitumpi Jiquisiñ Carparu, Tatitumpi parlañataqui, ist'änwa Tatitu Diosan juparu parlascatapa, suma Arust'äwiru Mantañ Arca imañ patata, uca pä chhekhan angelanac taypita.

Juan 3:13

Janiw qhitis alajjpacharojj maqhatquiti, jan ucasti qhititejj alajjpachat sarakanqui ucaquiwa, ucasti Jaken Yokapawa, [alajjpachancaraquiwa].

Juan 7:39

Ucampejj Jesusajj sañwa munäna, qhitinacatejj iyawsapcani ucanacajja Kollan Ajayu catokapjjani. Janïraw Kollan Ajayojj jutcataynati, Jesusajj janïra alajjpachar aptatätap laycu.

Romanos 8:9

Ucampis jumanacajj janiw janchin munañanacapar sirviñataqui jacapctati, jan ucasti Ajayun sirviñataquiw jacapjjta, Diosan Ajayupatejj jumanacjjan jacchi ucqhajja. Qhitinacatejj jan Criston Ajayupanïqui ucanacajj janiw Cristoncquiti.

1 Corintios 2:12

Jiwasasti janiw acapachanquir ajayu catokctanti, jan ucasti Diosan Ajayupwa catokapjjtanjja, uqhamat cuntï Diosajj munasiñampi churquistu ucanac amuyt'añasataqui.

1 Tesalonicenses 4:8

Uqhamajj qhititejj aca yatichäwir jisc'achqui ucajja janiw qhiti jakerus jisc'achquiti, jan ucasti Diosaruw jisc'achasqui, qhititejj Ajayup churquistu ucaru.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

Judas 1:19

Acanacaw jaljtañar puriyirinacajja: janchin munañanacaparjamaquiw sarnakapjje, jan Diosan Ajayupani.

1 Samuel 10:6

Ucapachaw Tatitun ajayupajj jumjjaru jutani, jupanacampi chicaw profecía arunac parlaraquïtajja, ucatsti yakha jakeruw tucuraquïtajja.