Números 10:33 - Qullan Arunaca

³³ Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Aymar Bibliia 1986

³³ Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Qullan Arunaka DC

³³ Ukhamaw jupanakax Tatitun qullupat sartawayxapxäna, ukatsti kimsüruw sarapxäna. Tatitun arust'äwi arcapax jupanakan nayrap saräna, kawkharutix samart'apkaspa ukawja thaqhasa.

Números 10:33 Jak'a apnaqawi uñst'ayäwi

Salmos 95:11

Ucat k'apisiñajjan juramento lurta: Janiw samarañajjar mantapcaniti” sasa.

Éxodo 19:3

Ucansti Moisesajj, Diosampi jiquisiñataquiw kollur maqhatäna, ucatsti Tatitojj kollutwa parlanïna: —Yatiyam aca arunaca Jacobon israelita wawanacaparu:

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Isaías 11:10

Uca urunjja Isaí chachan saphipat ch'ichtanir alejja mä unañchäcaspas marcanacataquejj uqhamaw sartani, marcanacasti jupar thakheriw sarapjjani, cawqhanccanitejj jupajj ucqhasti c'ajquirïniwa.

Isaías 28:12

Jupasti nayraw jumanacarojj sapjjtam: “Acajj t'acuräwejja, acajj samarañasa; karit jakejj samart'aspan” sasa. Ucampis janiw ist'añjja munapctati.

Isaías 66:1

Tatitusti siwa: “Alajjpachajj nayan konuñajjawa, orakesti cayunacajjan tact'asiñaparaquiwa. ¿Cawquirurac mä uta utacharapipjjetasma? ¿Cawquirurac samart'añataqui lurarapipjjetasma?

Jeremías 3:16

Cunapachatejj jumanacajj aca marcan mirantjjapjjäta, uqhamarac wawanacamas waljanëjjani ucapachasti, janiw qhitis wasitatjja Tatitumpi mä amtäwiru mantatäquis uca arcatjja parlcjjaniti, janiw qhitis uca arcatjja lup'cjjaniti, ni qhitis amtascjjaraquiniti; janiraquiw juc'ampi uca arcajj munascjjaniti, ni yakhasa wasitat lurascjjaraquiniti. Naya Tatituw ucjja arsta.

Jeremías 31:2

Tatitojj siwa: “Jiwañat jaltaniri marcampejja, wasaran qhuyapayasiñajj uñacht'ayäyäta. Cunapachatejj Israel marcajj samart'añataqui thakascän,

Jeremías 6:16

Tatitojj marcaparojj siwa: “Thaqui jac'anacaru sayt'asipjjam ucatsti uñatatasipjjaraquim, nayra thaquinacat jisct'apjjam; cawquïrisa suma thaquejja ucata; ucatsti uca thaquinjam sarapjjam, ucapachaw samarapjjaraquïta.” Ucampisa jupanacajj sapjjewa: “Janiwa, janiw uca thaquinjam sarapquiristti” sasa.

Ezequiel 20:6

Uca urusti nayajj jupanacarojj arsuraquïyätwa, uca Egipto oraket apsjjañataqui, cawquïri marctejj nayajj jupanacataqui thakcäyät ucaru irpsjjañataqui, cawqui marcantejj leches misq'is umjam jalasqui ucaru. ¡Take marcanacat sipansa juc'ampi suma marcäquejj ucaru!

Números 10:12

Israelitanacasti Sinaí wasaratjja sartawayjjapjjaraquïnwa. Kenayasti Parán sat wasararuw sayt'araquïna.

Deuteronomio 1:33

cawquïritï jumanacan nayranacam sarcäna cawqharutï puripjjañamäcän uca thakeri, arumasti ninampi thaqui khant'ayasa, jumanacan sarapjjañamataqui, urusti mä kenayampiraqui thac uñacht'ayasa.

Deuteronomio 31:26

“Aptapjjam aca leyinacan libro, ucatsti uchapjjam Diosan Sumancayiri Arcap thiyaru, ucqhan jumanac contra mä testigot uchatäpan.

Deuteronomio 9:9

Cunapachatï nayajj uca Horeb kolluru maqhatäyäta uca kalat lurat tablanac aptiri, Diosampi jumanacampi suma arust'äwi lurat khanañchir tablanaca ucqhajj, pusi tunca urumpi pusi tunca arumampiw ucancäyäta jan mank'asa ni umasa.

Hebreos 13:20

Sumancañan Diosajj Jesucristorojj jiwatanac taypit jactayi. Uca Jesucristosti ovejanacan jach'a awatiripawa, wilapampiwa wiñay arust'äwipjja arsuwayi.

Josué 4:7

Jumanacasti aqham sapjjätawa: ‘Cunapachatejj Diosan Arust'äwi Arcapajj Jordán jawira maqhatascäna ucqhajj umasti payaruw t'akjtäna Diosan arcapa nayräjjana, sasa. Aca kalanacajj israelit jakenacataquejj khepa urunjja cunatï pascäna ucanac amtasiñataquiw uchata’ ” sasa.

Jueces 20:27

Uca urunacansti Diosan arcapajja Betel marcancascänwa, sacerdotesti Finees sat Eleazaran yokaparaquïnwa, Aaronan allchhiparaqui.

1 Samuel 4:3

Cunapachatejj israelitanacan ejercitopajj campamentoru cutjjän ucqhasti Israel marcan jilïrinacapajj aqham sapjjänwa: “¿Cunatsa Tatitojj uqham filisteo jakenacampi atipaypachïstu?” sasa. “¡Jichhajj Silo sat uca chekaru sarañäni, ucatsti Arust'äwi Arca aptasinjjañäni, uqhamat Tatitojj jiwasampi chicäñapataqui, uñisirinacasatsa arjjatañapataquiraqui!” sasaw sapjjaraquïna.