Números 10:33 - Qullan Arunaka DC

³³ Ukhamaw jupanakax Tatitun qullupat sartawayxapxäna, ukatsti kimsüruw sarapxäna. Tatitun arust'äwi arcapax jupanakan nayrap saräna, kawkharutix samart'apkaspa ukawja thaqhasa.

Aymar Bibliia 1986

³³ Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Qullan Arunaca

³³ Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Números 10:33 Jak'a apnaqawi uñst'ayäwi

Salmos 95:11

Ukat q'apisiñaxan juramento lurta: janiw samarañaxar mantapkaniti” sasa.

Éxodo 19:3

Mä urusti, Moisesax Diosampi jikisiriw Sinaí qullur makhatäna, Tatitusti qullu patatpach jawsasin jupar sarakïna: —Jacobun israelita wawanakapar aka arunak yatiyam:

Éxodo 3:1

Moisesax Jetró awkch'ipan ovejanakap awatïna, uka awkch'ipasti Madián chiqan sacerdotënwa. Mä urusti, Moisesax wasaranjam ovejanak anakïna, ukatsti Diosan Horeb sat qullupkamaw purïna.

Isaías 11:10

Uka uru purinkan ukkhasti, Davidat mayni saraqiripaw uka marka apnaqañatak qunt'asini, taqi markanakaruw mayawjar tantacht'ani. Markapasti jach'ar aptatäña, ch'amanirakiw tukuni.

Isaías 28:12

Jupasti jumanakarux sapxäyätamwa: “Akax t'akuräwixa, akax samarañasa; qarit jaqix samart'aspan” sasa. Ukampis janiw ist'añ munapktati.

Isaías 66:1

Tatitux siwa: “Alaxpachax nayan qunuñaxawa, uraqisti kayunakaxan takt'añapawa. Nayan samart'añaxatakix janiw khitis mä uta nayatak lurkaspati.

Jeremías 3:16

Jumanakax aka markan mirantxapxäta, wawanakamas waljanïxani ukapachasti, janiw khitis wasitat Tatitumpi mä amtäwir mantatäkis uka arcat parlkxaniti, janiw khitis ukat lup'kxaniti, janiw khitis amtaskxaniti; janirakiw juk'ampi uka arcax munaskxaniti, yaqhas wasitat luraskxarakiniti. Naya, Tatituw uk arsta.

Jeremías 31:2

Tatitux siwa: “Wasaran sarnaqapkäna ukkhaxa, nayax jach'a munasiñax uñacht'äniwayta. Nuwasiñan jan jiwarapki ukanakarux samart'äniwaytwa.

Jeremías 6:16

Tatitux markaparux siwa: “Thakhi jak'anakar sayt'asipxam ukatsti uñatatasipxarakim, nayra thakhinakat jiskt'asipxam; kawkïris suma thakhix ukata; ukatsti uka thakhinjam sarapxam, ukapachaw samarañ jikxatapxäta.” Ukampis jupanakax sapxiwa: “Janiwa, janiw uka thakhinjam sarapkiristti” sasa.

Ezequiel 20:6

Uka urusti nayax Egipto uraqit jupanakar irpsxañatakiw arsurakta, jupanakatak thaqkäyät uka markar irpsxañataki, leches misk'is umjam jalaski uka markaru. ¡Taqi markanakat sipan juk'ampi suma markäki ukaru!

Números 10:12

Ukürusti, israelitanakax kunjämtix Tatitux jupanakar Moisés tuqi arsuwaykatayna ukhamarjamaw sartasin uka qinayar arkapxäna, Sinaí wasarata, Parán wasarkama.

Deuteronomio 1:33

jupasti saräwiman jumanakan nayräxam saräna, kawkharutix puripxañamäki ukawja thaqhañataki. Arum sarañatakisti ninampi qhant'ayasa, urusti mä qinayampi thakhi uñacht'ayasa.

Deuteronomio 31:26

“Kamachinakan qillqat aptapxam, ukatsti Tatit Diosaman arust'äwi lurat arcap thiyar uchapxam, uka yatichäwinakaw jumanakan sarnaqatanakam irkatani.

Deuteronomio 9:9

Nayax Horeb qulluruw makhatäyäta, qalat lurat tablanak aptiri, Diosax jumanakampi suma arust'äwi lurkatayna uka qala tablanaka, nayasti pusi tunka urumpi, pusi tunka arumampiw uka qullunkäyäta jan manq'ata jan umata.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

Josué 4:7

jumanakasti akham sapxätawa: ‘Kunapachatix Tatitun arust'äwi arcapax Jordán jawir makhataskän ukkhaxa, jawir umanakax arca nayraqatan payaruw jaljtäna. Aka qalanakax israelitanakatakix kunatix akan luraskäna ukanak amtasiñatakiw uchata’ ” sasa.

Jueces 20:27

Khä urunakansti Diosan arust'äwi arcapax Betel markankaskänwa, sacerdotepasti Finees sat Eleazar chachan yuqapänwa, Aaronan allchhiparaki. Israelitanakasti Tatituruw jiskt'apxäna: “¿Benjamín ayllunkir jilanakaxar katuntañax wakisispati, jan ukax atipjatäxapxakïcha?” sasa. Tatitusti sänwa: “Katuntir sarasipkakim, qharüruw jupanakar atipt'ayapxäma” sasa.

1 Samuel 4:3

Kunapachatix israelitanakan ejercitopax campamentor kutt'xän ukkhasti, Israel markan jilïrinakapax akham sapxäna: “¿Kunatsa Tatitux jichhürun filisteonakampi atipjaypachïstu? sasa. ¡Jichhax Siló chiqat Tatitun arust'äwi arcap aptir sarañäni, ukhamat jupax jiwasamp chikäñapataki, uñisirinakasat qhispiyañapataki!” sasa.