Nahúm 2:8 - Qullan Arunaca

⁸ Cunjämatejj uma chacatajj phallejja, uqhamaw Nínive marcan utjirinacajj jaltjjapjje. ‘¡Suyt'apjjam! ¡Cuttanipjjam!’ sasaw art'apjjaraqui, ucampis janiw maynis cuttanquiti.

Aymar Bibliia 1986

⁸ Cunjämatejj uma chacatajj phallejja, uqhamaw Nínive marcan utjirinacajj jaltjjapjje. —¡Suyt'apjjam! ¡Cuttanipjjam! —sasaw art'apjjaraqui, ucampis janiw maynis cuttanquiti.

Qullan Arunaka DC

⁸ 8 (9) Nínive markan utjirinakax taqiniw jaltxapxi, kunjämatix uma chakt'atax phallasin taqi tuqir jalixa ukhama. “¡Suyt'apxam! ¡Kuttanipxam!” sasaw art'apxaraki, ukampis janiw maynis kuttankiti.

Nahúm 2:8 Jak'a apnaqawi uñst'ayäwi

Génesis 10:11

Ucsa tokenacatwa Asurajj mistüna, ucatsti Nínive, Rehobot-ir, Cala uca marcanacwa sayt'ayäna,

Isaías 13:14

“Uca urunjja jakejj alisnakat taruja animaljamäniwa, jan ucajj ananucut tamjama, janiraquiw qhitis jupanacarojj mayjaru anthapirejj utjquiti. Sapakat mayniw marcapar cuttjjaraquini, pachpa orakeparuw jaltjjapjjani.

Isaías 38:14

Janiw wal wararcaractti, jamach'inacjamaquiw jacht'ascta, palomanacjamaraquiw aykt'ascta. Nayranacajjas karitäjjaraquiwa alajjpach uñch'uccäwejja. Tata, t'akhesiñanacajjatay arjjatt'ita.

Isaías 47:13

Ewjjerinacamajj jumataquejj jilarquirïnwa, kariñamcama. ¡Jichhajj warawara uñch'uquiri jakenacamajj uñstanpanaya, qhitinacatejj warawaranac uñch'uquis yatjjatapqui ucanaca, uqhamaraqui phajjsit phajjsiru cunatejj lurascan ucanac yatiyirinacasa, qhitinacatï jumar khespiyañ munapctam ucanacas jichhajj uñstanipjjpanaya!

Isaías 48:20

Babiloniat mistjjapjjam, caldeonacatsti jaltjjapjjaraquim; aca yatiyäwsti cusisiñampi arnakt'asis yatiyapjjam, aca orake tucuscamaraqui yatiyapjjam. Sapjjaraquim: “Tatituwa khespiyi Jacob sirviriparojja” sasa.

Isaías 59:11

Take jiwasanacasti osonacar uñtataw warartanjja, palomanacar uñtataw aykoractanjja; khespiyasiñwa suyt'asctanjja, ucampis janiw purinquiti; khespitäjjañwa suyasctanjja, ucampis jayancasquiwa.

Jeremías 46:5

“¿Ucampisa, cunsa uñjtjja? Wali ajjsarasaw kheparu jittapjje. Guerran nuwasiri jakenacapasti atipjataw chhuqhunucjjapjje, jan khepar uñtasaw jalsuwayjjapjje. ¡Take chekansa ajjsarañaw phokhanti! Naya Tatituw ucjja arsta.

Jeremías 47:3

Caballonacan chhuqhunitap ist'asa, carronacan jutatap ist'asasa, uca carronacan ruedanacapan khothutitapa ist'asajja awquinacajj wawanacaparojj apanucuwayjjapjjewa, janiraquiw ch'amas utjcjjeti.

Jeremías 50:16

Janiraqui Babiloniarojj ni maynsa kheparayapjjamti, ucan yapuchañapataqui, apthapiñapataquisa. Uqham t'unjiri guerra uñjasajj yakha marcanquirinacajj marcanacaparuw cuttawayjjapjjani, sapa maynis marcaparcamaw cuttawayjjapjjani.

Jeremías 51:13

Jumasti Babilonia, jach'a jawiranac thiyanctawa, kamir cancañamas waliraquiwa, ¡Tucusiñamajj purinjjesä, sarnakäwimas tucuyjjaraquiwa!

Jeremías 51:30

Babilonia soldadonacasti janiw nuwascjjapjjänti; pachpa perkanacapanacwa sayarjjapjjäna; ch'amanacapasti pist'atäjjaraquïnwa, warminacjamaquëjjapjjaraquïnwa. Marcanacapasti uñisirinacan phokhantataraquïnwa, utanacapas ninampi naqhayataraquïnwa.

Nahúm 1:1

Aca yatiyäwisti Nínive marcaru apayatawa, Elcosanquir Nahuman unañchäwi uñjatapa libroraquiwa.

Nahúm 3:17

Guardianacamasa, jilïrinacamasa t'iju t'ijunacjamawa, kenayar uñtata, cunapachatejj thayäqui ucqhajja perka patanacaru puripjje, lupi lupt'anjjatatsti sarapjjaraquiwa, ucampis janiw cawquir saratapas yatisquiti.

Apocalipsis 17:1

Ucatsti uca pakallko angelanacata, cawquïritï pakallko copanïcäna ucanacata mayniw nayan ucar juti, ucat saraquitu: “Jutam, uñacht'ayämaw cawquïr warmitï k'añu lurañanacan sarnakqui, uqhamarac kotanacjjaru kont'atäqui ucan mutuyäwipa.

Apocalipsis 17:15

Angelasti saraquituwa: “Uñjctas uca kotanaca, cunjjarutï uca k'añu warmejj kont'atäqui ucanacasti acapacha marcanaca, jakenaca, uqhamarac take casta parlani marcanacawa.