Nahúm 2:7 - Qullan Arunaca

⁷ Reyin warmiparusti jayaruw preso apapjje; jupa chicasti uywatanacapaw sararaqui, palomanacjam aykosa, chuymanacapsa jacht'asisaw lek'esipjjaraqui.

Aymar Bibliia 1986

⁷ Reyin warmiparusti jayaruw preso apapjje; jupa chicasti uywatanacapaw sararaqui, palomanacjam aykosa, chuymanacapsa jacht'asisaw lek'esipjjaraqui.

Qullan Arunaka DC

⁷ 7 (8) Reyin warmiparusti jayaruw katuntat apapxi; jupar luqtirinakas jupa chika apataw uñjasipxi, urpilar uñtataw walpun ayqupxi, chuymanakap jacht'asisaw liq'isipxaraki.

Nahúm 2:7 Jak'a apnaqawi uñst'ayäwi

Isaías 32:12

Usuyasiñanacam uñacht'ayapjjam, ucqha suma orakenacata, uqhamaraqui suma achuri uva yapunacatsa.

Isaías 38:14

Janiw wal wararcaractti, jamach'inacjamaquiw jacht'ascta, palomanacjamaraquiw aykt'ascta. Nayranacajjas karitäjjaraquiwa alajjpach uñch'uccäwejja. Tata, t'akhesiñanacajjatay arjjatt'ita.

Isaías 59:11

Take jiwasanacasti osonacar uñtataw warartanjja, palomanacar uñtataw aykoractanjja; khespiyasiñwa suyt'asctanjja, ucampis janiw purinquiti; khespitäjjañwa suyasctanjja, ucampis jayancasquiwa.

Ezequiel 7:16

Yakhepanacajj, palomanacar uñtatas kollu tokenacaru jaltapcchini ucasa, takeniw juchanacap laycu jiwarapjjani.

Nahúm 2:6

Jawiranacan umanac jarq'uir puncusti phallaraquiwa, reyin palaciopsti tincuyaraquiwa.

Nahúm 3:13

Soldadonacamas warminacäpcaspas uqhamäpjjaraquiwa; marcan puncunacapasti uñisirinacataquejj jist'arataraquiwa, puncunacan trancanacapsa ninaw tucjaraqui.

Marcos 14:66

Pedrojj uta ankäjjancascänwa. Ucaruw mä uywat tawakojj purini, ucasti jilïr sacerdoten uywatapänwa.

Lucas 23:27

Walja jakew arcäna, uqhamarac walja warminacaw jupat llaquisisin jachapjjäna wararipjjaraquïna.

Lucas 23:48

Take qhitinacatejj ucanac uñjapcän uca jakenacajj chuymap lek'esisaw ucqhajj sarjjapjjäna.