Nahúm 2:10 - Qullan Arunaca

¹⁰ “T'unjata, wasara tucuyata, jachcaña lurataw Nínive marcajj uñjasi. Chuymanacas ajjsarañatjja tucusiwayjjewa, cayunacapas wal qhathatiraqui, takenis ch'ama thayjtatcamaquiwa, ajanunacapasti k'elluw tucuwayi.

Aymar Bibliia 1986

¹⁰ “T'unjata, wasara tucuyata, jachcaña lurataw Nínive marcajj uñjasi. Chuymanacas ajjsarañatjja tucusiwayjjewa, cayunacapas wal qhathatiraqui, takenis ch'ama thayjtatcamaquiwa, ajanunacapasti k'elluw tucuwayi.

Qullan Arunaka DC

¹⁰ 10 (11) T'unjata, ch'usa wasarar tukuyata, jachkañ lurjataw Nínive markax uñjasi. Chuymanakapas axsarañat tukusiwayxiwa, kayunakapas wal khathatiraki, taqinis ch'ama thayjtatkamakiwa, ajanunakapasti q'illuw tukuwayxi.

Nahúm 2:10 Jak'a apnaqawi uñst'ayäwi

Génesis 1:2

Aca orakesti jan cunani ch'usaquïnwa, take cunas mä ch'amacan phokhantata umacamaquiraquïnwa, Diosan ajayupasti uma patjjanwa onjjtäna.

Salmos 22:14

Nayasti waranucut umjamätwa, ch'aqhanacajjajj khakhanucutcamaquiwa; chuymajjasti liq'ir uñtataw naya mankhan umatati;

Isaías 14:23

Mä ñek'e mic'ayaruw tucuyaraquï, ucansti jucunacaraquiw utjapjjani. Pichañampjamaraquiw tucjasin pichanucü.” Uqham siw take ch'amani Tatitojja.

Isaías 21:3

Janchejjas qhathatituwa, wawachasir warmin janchipjamaw usuraquitu, chuyma cawcst'añasti janiw ist'ayquituti, ajjsarañasti janiraquiw cunsa uñjayquituti.

Isaías 24:1

Uñtapjjam, Tatitojj aca orakjja tucjaniwa, k'al tucjani alliquiparaquiniwa, jakenacarusti ucsar acsaruw willitataraquini.

Jeremías 30:6

Jisct'apjjam, inampicha mä chachajj wawachasispa. ¿Cunatarac chachanacarusti parto usumpisa k'ewisipcaspa uqhama uñjtsti? ¿Cunatsa uqhamäpjje? ¿Cunatsa takenisa k'ellu tucupjje?

Jeremías 49:23

Damasco marcataqui arunaca: “Hamat, Arfad marcanacajj wali p'enkasitäpjjewa, jan wali yatiyäwinaca purinitap laycu. Ajjsarañampi phokhantatäpjjewa, janiraquiw alekt'añataquejj ch'amanïpquiti.

Jeremías 51:62

Ucat saraquïta: ‘Tata, jumajj sistawa aca cheka t'unjañjjatjja, uqhamat jan qhitis aca chekan juc'ampi jacjjañapataqui, janiraqui jakenacasa, uywanacasa, jumajj aca cheka wiñay wasararu tucuyjjatam laycu.’

Jeremías 8:21

Marcajjan t'akhesitapampi chicaw t'akhesiracta; llaquisiñampi, ajjsarañampiw nayarojj muyuntitu.

Ezequiel 21:7

Ucattejj jumaru jisct'apjjätam: ‘¿Cunatsa jachta?’ sasajja, jupanacarojj saraquim: ‘Mä jan wali lurasïwin lurasiñapa yatta, ucatwa jachta’ sas saraquim. ‘Take jakenacasti jan ch'amanjamaw uñjasipjjani, jan cunsa lurirjamaraqui; janiw qhitinsa ch'amajj utjcaniti, takenis ajjsarañatjja konkorinacapa qhathatiyapjjaraquini. Horasajj niyaw purinjje, ucanacan kalltasiñapasti niya jac'ancjjewa’ Naya Tatituw ucjja arsta” sasa.

Ezequiel 31:15

“Aqham siwa Tatitojja: Cunapachatejj uca kokajj jiwatanacan marcaparu sarcani ucapachasti, llaquisiñatsa jach'a kotjja wañt'ayäwa; jawiranacsa, jalir umanacsa sayt'ayaraquïwa; jupa laycuraquiw Líbano kollusa llact'ata uñjasini, uqhamaraqui pampanquiri take kokanacas wañsuwayjjaraquini.

Daniel (hebreo) 5:6

reyejj k'elluw tucuwayi, ajjsarañan mantatasti walpunwa qhathatiraquïna, p'eket cayucama.

Joel 2:6

Jakenacasti ucanacar uñjasajj qhathatipjjewa, ajanunacapas k'elluw tucuwayjje.

Nahúm 2:2

Tatitusti Jacobon jach'añchäwinacapjja wasitatwa cuttayjjaraquini, Israelan jach'añchäwinacapjja, cunjämacäntejj janïra k'al saqueyjapcän, uqhamaraqui k'ara uva lawanacaqui jaytjjapjjän ucqhajja.

Nahúm 3:7

Take qhitinacatejj jumar uñjapcätam ucanacajj jumatjja jaltjjapjjaniwa, ‘¡Nínive marcajj t'unjatawa! ¿Qhitirac qhuyapayasispasti? ¿Cawquinrac utjaspa jupar chuymachiristi?’ sasa.

Sofonías 3:6

Tatitu Diosajj siwa: “Marcanacap t'unjta, perkanacapan jach'a torrenacapsa pampacharactwa, callenacapsa wasara tucuyaracta, jan mä jakes sarnakañapataqui. ¡Uca sapa jakonucut marcanjja janiraquiwa mä jakes utjcjjeti!

Josué 2:11

Ucanac ist'asajja walpun ajjsarapjjta, janiraquiw qhitisa jumanacampi nuwasiñ munquiti. Jumanacan Tatitu Diosamasti pachpaquïsquiwa alajjpachansa uqhamarac acapachansa uca laycu,

Josué 7:5

Hai sat marcanquir jakenacasti israelitanacarojj quimsa tunca sojjtani jakenac jiwarayäna; mayninacarusti marcan puncupat kala ch'iyañ chekacamaw arctapjjäna, uca aynachan atipjapjjaraquïna; uqham uñjasinsti take Israel marcpachaw chuyma mayjt'at uñjasipjjäna ch'amanacapsa thayjtayasipjjaraquïna.