Nahúm 2:11 - Qullan Arunaca

¹¹ ¿Cunaquirac utj-jje leonanacan putupansti, uqhamarac león kallunacan putunacapansa? Ucanjja leonanacas, león kallunacasa wali imantataw amuyasipjjänjja; janiraquiw qhitis jupanacar cuna camachiris utjcänti.

Aymar Bibliia 1986

¹¹ ¿Cunaquirac utj-jje leonanacan putupansti, uqhamarac león kallunacan putunacapansa? Ucanjja leonanacas, león kallunacasa wali imantataw amuyasipjjänjja; janiraquiw qhitis jupanacar cuna camachiris utjcänti.

Qullan Arunaka DC

^11-12 11-12 (12-13) Asiria markax mä qhuru leonar uñtatänwa: Uñisirinakaparux jan kunak jiwarayasin q'al tukjäna, yänakap katuntasisinsti jaqinakaparuw lakirpayarakïna. Janiw khitis uraqipar mantañatak ch'amanïkänti. Jichhasti, ¿kawkinkarak uka jach'a ch'amapasti? ¿Kawkinkarak uka qhuru soldadonakapasti?

Nahúm 2:11 Jak'a apnaqawi uñst'ayäwi

Génesis 49:9

¡Jumasti, Judá wawajja! Jumajj mä león kallur uñtatätawa, cunapachatejj catuntatapar mank'antjje uqhama, ucapachajj alt'asiwa, orakeruw liwnoktaraqui, mä jach'a leonäcaspas uqhama. ¿Qhitirac fastidiaspa?

Isaías 13:7

Ucapachasti take jakenacaw ch'am jiwt'ayasipjjani, janiw cunataquis ch'amanacapajj utjcjjaniti,

Isaías 31:4

Tatitusti saraquituwa: “Cunjämtejj mä leonajj mä oveja jiwayejja, ucatsti janiw awatirinacampi sustjayasquiti, takpachanisay tantacht'asiscpan, arnakatanacapampisay sustjañ munasipcpan, uqhamaraquiw take ch'amani Tatitojj jutani Sión kollun marcapar arjjatañataqui.

Isaías 5:29

Wararitapasti mä leonan wararitapjamawa, cunjämatejj mä cuna mank'antañataquis catjasin wararejj uqhama, ucatsti jan qhitin apakcayaraquiw mank'antejja.

Jeremías 2:15

¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 50:17

“Israel marcasti mä chhakat ovej-jamänwa, leonanacana arcnakata. Asirianquir reyiwa nayrakatjja mank'anti, ucjjarusti Babilonianquir Nabucodonosor reyiraquiw ch'aqhanacapamppachsa t'unjaraqui.

Jeremías 50:44

“Cunjämatejj mä leonajj Jordán tokenquiri pastonac taypita thoksunejja, ucatsti cawqhantejj suma pastonacajj utjqui uca chekaru liwnoktejja uqhamaraquiw nayajj mistunï, uca chekatsti Babilonianquiri jakenacarojj jaltayaraquïwa, ucatsti cawquïri jaktejj nayajj ajllisctjja aca marca apnakañapataqui ucampiw apnakayaraquï. ¿Qhitis nayampi chicachasispa? ¿Qhitisa nayatac sayt'asiraquispa? ¿Qhiti awatiris nayatac sayt'asispajja?

Ezequiel 32:2

“Egipto marcanquiri Faraón reyitaqui aca alma imäwi k'ochu k'ochurapim: ‘Marcanacan leonanacapjamätawa; kotanquiri jach'a ajjsarcañ lak'or uñtatätawa, jawiraman umapan sunt'isiractajja, cayunacamampisti uca umjja konchuptaytawa, jalir umsti tirctayaractawa, sasa.

Joel 2:6

Jakenacasti ucanacar uñjasajj qhathatipjjewa, ajanunacapas k'elluw tucuwayjje.

Miqueas 5:6

Jupanacaw Asiria marcjja apnakapjjani, Nimrod marcsa uqhamaraqui, espadampiw apnakapjjani, asirionacatsti khespiyapjjaraquistaniwa, qhitinacatejj orakesan korpanacapa pasantanisin sarnakapqui ucanacata.

Nahúm 2:12

Leonasti uca cheka pasirirojj jiwayaquipunïnwa, ucatsti león kallunacampiru taycapampiruw churänjja, putunacapsti lunthatatanacampiw phokhantaraquïnjja.”

Nahúm 3:1

“¡Cunaquïcan jumatjja, jake jiwayir marca, c'arisiñampi, nuwasiñampi phokhantatätawa; lunthatasiñamasti jan tucusquiriraquiwa!

Sofonías 3:3

Jach'a jilïri jakenacapajj leonanacjamaw wararipjje; juesanacapas aruma sarnaker lobonacjamaw ch'aqhanacsa k'al mank'antapjje, khepärmanthitaqui jan maysa jilt'ayasa.

Números 23:24

Aca marcasti mä ajjsarcañ leonjamaw sartasi, janiw samarcaniti catjatap mank'antañcamajja. Uqhamarac jiwayatanacapan wilap umantañcamasa” sasa.