Miqueas 2:2 - Qullan Arunaca

² Orakenacjja walpun munt'apjje, ucatsti uca orakenacjja catuntasipjjaraquiwa; utanacsa walpun munt'apjje, uca utanacsti lunthatapjjaraquiwa. Jakenacarusti t'akhesiyapjjaraquiwa, familianacapsa, uqhamaraqui orakenacapsa catuntasisa.

Aymar Bibliia 1986

² Orakenacjja walpun munt'apjje, ucatsti uca orakenacjja catuntasipjjaraquiwa; utanacsa walpun munt'apjje, uca utanacsti lunthatapjjaraquiwa. Jakenacarusti t'akhesiyapjjaraquiwa, familianacapsa, uqhamaraqui orakenacapsa catuntasisa.

Qullan Arunaka DC

² Uraqinak munasax katuntasipxiwa; utanak munasas lunthatapxiwa. Utanirusa, utapankirinakarus wal t'aqhisiyasaw k'arimpi alisnukupxi.

Miqueas 2:2 Jak'a apnaqawi uñst'ayäwi

1 Reyes 21:1

Ucat mä kawkha tiemponacarusti aqhamaw lurasïna, Jezreel chekanquir mä chachawa Nabot sat sutini mä uva yapunïna uca pachpa marcana Samarianquir Acab reyin palaciopa jac'ana.

2 Reyes 9:26

‘Cunjämtï wasürojja Nabot chachana, uqhamarac wawanacapana wilanacapa uñjtjja, uqhamaraquiw churäma cunatejj wact'ctam ucjja aca pachpa orakena. Naya Tatituwa ucjja arsta’ sasa. Uqhamasti jumajj catusinjja, Nabot chachan orakeparu liwtanim, cunjämatï Tatitojj arscäna uqhamaru.”

Job 31:38

Orakenacajjajj janiw naya toke arsusa alajjpacharu mayipquiti yapunacajjas janiw jachapcaraquiti.

Éxodo 20:17

“Janiw munapayätati jake masimana utapsa, ni warmipsa, ni sirvirinacapsa, ni vacapsa, ni asnopsa, ni cunanacapatejj utjqui ucanacsa.”

Isaías 3:14

Tatitusti taripäwiruw jawsaraquini, ucatsti saraquiniwa chuymaninacaru, marcan jilïrinacaparusa: “Jumanacaw uva yapojj-jja k'al tucjapjjtajja, pobrenacatsa lunthatapjjaractawa, lunthatatanacamsti utanacamaruw imasipjjaractajja.

Isaías 5:8

¡Ay, cunaquïcani jumanacataquejja uqharus aqharus utanacac alasipqui ucanacataquejja, orakenacsa uqharu aqharu catuntasipjje, jan qhitirus jalt'asiyasa, ucatsti uca orakenacjjarojj jupanacaquïcaspas uqham utjantasipjje!

Jeremías 22:17

“Ucampis juma sapaquiw llaquistajja take cunsa jan wali lurañanacampi jicjjatatanacamata; jan juchanirojj jiwayaractawa, marcamarusti, t'akhesiyaractawa wali ch'ama lurañanacampi.”

Ezequiel 18:12

pobrerusa, pist'ata jakerusa t'akhesiyaraquini. Mayninacatsa lunthataraquini, qhititejj mayt'asqui ucatsa janiraqui phokcaniti uca manupjja, uqhamaraqui uca c'ari diosanacaruraqui catuyasini, uqhamaraqui cuntejj nayajj uñiscta uca luräwinac luraraquini.

Ezequiel 22:12

Yakhepa jakenacamasti kollke catokasipjjaraqui jake masiparu jiwayañataqui. Kollksa waljaptayañanacaru uqhamaraqui walja interesanwa mayt'apjjaraqui, jake masinacaparusti t'akhesiyasaraquiwa, irnakayapjje, nayatsti armasipjjaraquiwa. Naya Tatituw ucjja arsta.

Ezequiel 22:13

‘Jakenacaru uqhama inaqui irnakayatamatsa, jupanacaru jiwarayatamatsa, nayajj wali coleratätwa.

Ezequiel 33:26

Armanacampi nuwasiñanacaruw uscusipjjtajja, cuntejj nayajj uñiscta ucanacwa lurapjjaractajja, takeniw chachanïcasinsa, warminïcasinsa yakhampi sarnakapjjtajja, jichhasti ¿aca orakejj jiwasancaniw, sapjjtati?’ sasa.

Ezequiel 45:9

“Tatitojj aqham siwa: ¡Israel marcan jilïrinacapa, ucqhacamaqui! ¡Jan juc'ampi marcajjaru t'akhesiycjjapjjamti, janiraqui jumanacajj cuns inaqui lurayasipjjamti! ¡Take cunsa asquiru, chekaparu lurapjjaraquim! ¡Jan juc'ampi marcajjat orakenacapa lunthatcjjapjjamti! Naya, Tatituw, ucjja mayipjjsma.

Ezequiel 46:18

Marca apnakerejj janiw qhititsa orakepa aparcaspati. Cuntejj wawanacaparu mä herenciata churani ucsti pachpa orakepatwa churasiscani; uqhamat janiw qhitis jan orakenejj uñjascaniti, janiraquiw marcajjas yakha tokenacaru saratatcaniti” sasa.

Ezequiel 8:17

Uqhamasti Tatitojj nayarojj saraquituwa: “¿Uñjtati uca? Judá marcajj uca take k'añu luräwinacampis janiw sisthapipquiti, uqhamarus aca orakerojj ch'ajjwañanacampiw phokhantaraqui. Mayampi mayampwa nayarojj sintipuni colerayjjapjjetu, usunacapan k'aphinacapsa nasajjas muct'araquiwa.

Amós 2:7

Pobrenacarusti wali t'akhesiyasaw jisc'aru tucuyapjje, janiraquiw chekapar uñjapquiti llamp'u jakenacarojja. Awquis, yokas pachpa warmimpiraquiw iquintasipjje, uqhamatwa nayan kollan sutejja taquichasipjje.

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Amós 8:4

Ac ist'apjjam, alt'at chuyman jakenacar t'akhesiyirinaca, uqhamarac pobrenacaru tucjirinaca.

Miqueas 3:9

“Ist'apjjam jichhajj aca arunaca Israelan marca apnakerinacapa, uqhamarac jilïrinacapa, jumanacasti cunatejj chekäqui ucjja uñisipjjtawa, uqhamarac cunatejj asqui lurañäqui ucsa maysaruw k'ewipjjtajja.

Miqueas 6:12

Aca marcanquir kamiri jakenacajj takenis jaker t'akhesiyircamaquiwa; c'arinaca, sallkjirinaccamaquïpjjewa takenisa.

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

1 Timoteo 6:10

Kollkeru munañajja take jan wali luräwinacan saphipawa; ucatwa mayninacajj juc'ampi munapjjatap laycu iyawsañatjja maysaru saranucupjje, pachpa jacäwinacaparuw t'akhesiñampi yapjjatasipjje.