Miqueas 2:1 - Qullan Arunaca

¹ “¡Cunaquïcani qhitinacatejj arumanacas iquiñanacapanjja jan walinacacpun amtasipqui ucanacataquejja, ucatsti urutatanjjepanjja uca jan wali amtatanacapjja phokhapjjapuniwa, jupanacajj munañanïpjjatap laycu!

Aymar Bibliia 1986

¹ “¡Cunaquïcani qhitinacatejj arumanacas iquiñanacapanjja jan walinacacpun amtasipqui ucanacataquejja, ucatsti urutatanjjepanjja uca jan wali amtatanacapjja phokhapjjapuniwa, jupanacajj munañanïpjjatap laycu!

Qullan Arunaka DC

¹ ¡Kunakïkani khitinakatix ikiñanakapansa jan walinakak amtapki ukanakatakixa, urutatanxipansti jupanakan munañanïpxatapatxa, uka jan wali amtatanakapxa phuqhapxapuniwa!

Miqueas 2:1 Jak'a apnaqawi uñst'ayäwi

Génesis 31:29

Nayajj muniristjja cunsa lurapjjaquirismawa; ucampisa, masayp'uw awquiman Diosapajj parljjayitu, saraquituwa: ‘Ist'ita, jan Jacobotaquejj khoruchasimti’ sasa.

1 Reyes 21:7

Ucatsti Jezabel warmipajj sänwa: —¡Israel marcanjja jumajjaya munañanïstajja! Jichhasti saram mank'eri, uqhamarac chuymachasim. ¡Nayawa Nabot chachan uva yapupa jicjjatayäma! —sasa.

Ester (hebreo) 3:8

Ucatsti Amán chachajj, rey Asuerorojj sänwa: —Jach'a rey, reinomana take provincianacana marcanacapana taypinsti, mä marcaw utji yakha jacasiri mayninacat sipansa uqhamarac yakha leyinacanïpjjewa, janiraquiwa juman arsutamarusa Jach'a Rey, phokhañ munapcaraquiti. Uqhamasti janiw walïquiti jumataquejja Jach'a Rey, uqham marcajja, marcam taypina jacañapajja.

Ester (hebreo) 5:14

Ucampis Zeres sat warmipampi, take amigonacapampisti sapjjänwa: —Qhitam waquichañapataqui, jaychcataña lurayam, altorojj pä tunca payan metroni. Ucatsti arumarji alwatajja reyiru mayim ucaru Mardoqueorojj jaychcatayañapataqui, ucatjja reyimpejj mank'añ fiestarojj jan cuna llaquiniquiw saräta —sasa. Uca amuyt'ayäwisti Amán chachataquejj waliquïnwa, ucatsti qhitänwa jaychcataña waquichanipjjañapataqui.

Ester (hebreo) 9:25

Ucampis cunapachatejj Ester reynajj reyin ucaru uñstcäna ucqhajja, jupasti mä carta tokew mayïna Amán chachajj cuna jan wali lurañanactejj judionac toke luraña amtcatayna uca jan walinacajja jupjjaruw jutäna. Uqhamatwa Amán chachampi, wawanacapampejj jaychcatasina warccatatänjja.

Job 15:35

Jupanacajj ñankha lurañampi wallk'eptatäpjjewa, ucatsti aynacht'añanacwa wawachapjjaraquini; cuntejj jupanacajj achupqui ucanacasti c'arinacaquiwa.”

Job 24:14

Jake jiwayirejj, pobreru jiwayañataquejj sinti alwatwa sartasi, arumthapirusti lunthatasjjaraquiwa.

Salmos 36:4

iquiñapan iquintataw jan wali lurañanac amti, ñankha lurañ thaquir chincatatawa, janiw ñankha lurañ apanucuñ munquiti.

Salmos 36:5

Tatay, munasiñamajj alajjpachcamaw puri, asqui cancañamasti alajjpachcamaw jict'asi,

Salmos 58:3

Ñankha luririnacajj taycan puracapatpach aynacht'apjje; c'arinacasti janïr yurcasaw pantjasipjje,

Proverbios 12:2

Asqui jakejj Tatitun qhuyapayasiñapwa jicjjati, jan wali amtan jakerusti juchañchiwa.

Proverbios 14:22

Qhitinacatejj ñankha luraña thakasipqui ucanacajja, thaquitjja maysaruwa saranucupjje; asqui luraña thakapqui ucanacasti qhuyapayasirïpjjewa, suma phokherïpjjaraquiwa.

Proverbios 3:27

“Cunapachatï yanapt'añajj amparamancascchi ucqhajja, jan ‘Janiw’ siscamti qhititejj yanapa maycätam ucarojja.

Proverbios 4:16

Jupanacajj jan ñankhanac lurasajja janiw samarapquiti; jan qhitiru aynacht'ayasasti janiw icthapipcaraquisa.

Isaías 29:20

Ñankha jakenacasti tucusjjapjjaraquiniwa, jach'a jach'a tucur jakenacas jiwarapjjaraquiniwa, ñankha lurañac amtir jakenacas tucusipjjaraquiniwa,

Isaías 3:14

Tatitusti taripäwiruw jawsaraquini, ucatsti saraquiniwa chuymaninacaru, marcan jilïrinacaparusa: “Jumanacaw uva yapojj-jja k'al tucjapjjtajja, pobrenacatsa lunthatapjjaractawa, lunthatatanacamsti utanacamaruw imasipjjaractajja.

Isaías 32:7

Jan wali sallka jakejja jan walinacacpun lurasqui, jan walinacaracwa amtasqui, pobrenacarusti c'arisiñanacapampiw aynacht'ayi, uqhamaraqui chekaparu uñjäwi mayir jakerusa.

Isaías 5:8

¡Ay, cunaquïcani jumanacataquejja uqharus aqharus utanacac alasipqui ucanacataquejja, orakenacsa uqharu aqharu catuntasipjje, jan qhitirus jalt'asiyasa, ucatsti uca orakenacjjarojj jupanacaquïcaspas uqham utjantasipjje!

Isaías 59:3

Jumanacan amparanacamajj wilararcamaquiwa, luc'ananacamas jake jiwayatanacampi k'añuchatcamaquiwa; lacanacamasti c'ari parlircamaqui, ñankha arunacacwa parlascaraquejja.

Jeremías 18:18

Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Ezequiel 11:2

Ucatsti Tatitojj saraquituwa: “Acanacasti jan wali amtäwinacacpunwa aca marcanjja amtasipqui, ñankha lurañanacacwa amtasipcaraqui.

Ezequiel 33:26

Armanacampi nuwasiñanacaruw uscusipjjtajja, cuntejj nayajj uñiscta ucanacwa lurapjjaractajja, takeniw chachanïcasinsa, warminïcasinsa yakhampi sarnakapjjtajja, jichhasti ¿aca orakejj jiwasancaniw, sapjjtati?’ sasa.

Ezequiel 38:10

“Naya Tatitusti aqham sistwa: Uca urunacansti ñankha amtäwinacaw p'ekemarojj jutani.

Ezequiel 46:18

Marca apnakerejj janiw qhititsa orakepa aparcaspati. Cuntejj wawanacaparu mä herenciata churani ucsti pachpa orakepatwa churasiscani; uqhamat janiw qhitis jan orakenejj uñjascaniti, janiraquiw marcajjas yakha tokenacaru saratatcaniti” sasa.

Miqueas 6:12

Aca marcanquir kamiri jakenacajj takenis jaker t'akhesiyircamaquiwa; c'arinaca, sallkjirinaccamaquïpjjewa takenisa.

Nahúm 1:11

Nínive marca, jumatwa misturakejja Tatit contra jan walinac amtirejja; mä jan wali arunac churir jakejja.

Zacarías 7:10

Jan t'akhesiyapjjamti ijmanacarojja, ni wajchanacarusa, ni yakha marcanquirinacarusa, ni pobrenacarusa. Janiraqui lup'ipjjamsa maynit maynicam jan wali lurasiñatsa.”

Marcos 15:1

Willjtanipansti niyaw parlthapipjjäna jilïr sacerdotenacampi, jilïr chuyman jakenacampi, ley yatichirinacampi, jach'a jilïr Tantachasïwimppacha. Ucatsti Jesusar ñach'antat irpasinjja, Pilatoruw catuyapjjäna.

Lucas 20:19

Sacerdotenacan jilïrinacapampi, ley yatichirinacampejja ucspachaw Jesusarojj catuntañ munapjjäna. Jupanacasti amuyasipjjänwa uca uñtasïwejj jupanacataquïtapa, ucampis jakeruw ajjsarapjjäna.

Juan 19:11

Jesusasti sänwa: —Nayataquejj janiw cuna munañanïcasmasa, janitejj Diosajj churquiristam ucajja; ucatpï jichhajj cawquïritejj jumar catuyquitu ucajja, jumat sipansa juc'amp juchanejja —sasa.

Hechos 23:12

Khepürusti yakhep judionacajj Pablor jiwayañataquiw arust'apjjäna. Mä juramentrac lurapjjäna: “Janiw mank'cañäniti ni umcañänisa Pablor jiwayañcama. Jan uqham lurcañänejja, jiwasaw maldicionar puriñäni” sasa.

Hechos 23:15

Jichhasti jumanacajj jach'a jilïrinacampi comandantetay mayipjjam aqham sasaqui: ‘Kharürojj uca Pablorojj nanac nayrakatar irpanipjjam, juc'amp sum yatjjatañataqui.’ Nanacasti janc'aquiw suyapjjä janïr purquipan jupar jiwayañataqui —sasa.

Romanos 1:30

Jake masinacapatjja jan walinac parlapjje, Diosarusti uñisipjjaraquiwa, ñankhanacaracwa arsupjje, wali wali tucurinaca, jach'achasirinaca, jan walinac uñstayirinaca, awquipar jan jaysirinaca,

Deuteronomio 28:32

Nayraman uñjcataw yokall wawamasa, imill wawamasa yakha marcanquir jakenacar catuyatäni, ucatsti jumajj sapa cutiw uñjasiñ munäta, ucampis janiw cuna lurañsa puedcätati.