Mateo 8:29 - Qullan Arunaca

²⁹ Ucanacasti wali jach'at art'apjjäna: —Jesús, Diosan Yokapa, ¿cunatsa jumajj nanacan ucaru jutta? ¿Nanacaru t'akhesiyirit juttajja janïra horasas purinquipana? —sasa.

Aymar Bibliia 1986

²⁹ Ucanacasti wali jach'at art'apjjäna: —Jesús, Diosan Yokapa, ¿cunatsa jumajj nanacan ucaru jutta? ¿Nanacaru t'akhesiyirit juttajja janïra horasas purinquipana? —sasa.

Qullan Arunaka DC

²⁹ jupanakasti wali jach'at art'apxäna: —¡Jesús, Diosan Yuqapa, nanakampix jan kuns luramti! ¿Janïräkipanti nanakar t'aqhisiyir jutta? —sasa.

Mateo 8:29 Jak'a apnaqawi uñst'ayäwi

2 Samuel 16:10

Ucampisa reyejj saraquïnwa: —Acajj janiw jumanacan luräwinacamäquiti, Sarvia jaken yokanacapa. Jupatejj uqhama nayarojj jan wali arunacapampi ñankhachchitu ucasti, Tatituw juparojj: ‘Uqham luram’ sispacha. Uqhamächi ucapachasti, ¿Qhitiraqui: ‘Cunatsa uqham lurta’ saspasti? —sasa.

2 Samuel 19:22

Ucampisa Davidajj saraquïnwa: —Sarvia jaken yokapa, acajj janiw jumanacan lurañanacamäquiti. ¿Cunatsa jumanacajj naya contra amtapjjta? Jichhajj nayajj Israel marcan reyipätwa, janiraquiw qhitis Israel marcanjja jichhürojj jiwcaniti —sasa.

1 Reyes 17:18

Ucatsti ijma warmejj Eliasarojj sänwa: —¿Cuna lurañajjasa jumampejj utjitu, Diosanquir jake? ¿Jumajj juchanacajja amtayiriti juttajja, ucatjja wawajjaru jiwayiriraqui? —sasa.

2 Reyes 3:13

Ucatsti Eliseojj Israelan reyiparojj sänwa: —¿Cuna lurañajjasa jumampejj utjitojja? Saram awquimana profetanacaparu jisct'asiri —sasa. Ucatsti Israelan reyipasti sascaquïnwa: —Janiwa, Tatituwa nanac quimsa reyirojj apanipjjetu, moabitanacan amparaparu catuyañataqui —sasa.

2 Crónicas 35:21

Ucampis Necao reyejj qhitanacwa qhitäna aqham saniñapataqui: “Judá orakenquiri rey, jan nayampi nuwasirejj jutistati. Jichhamänjja janiw nayajj jumampi nuwasir jutcti, jan ucasti yakha marcampi nuwasiana jicjjatasta. Diosaw nayarojj: Mäqui saram, sasa situ. Uqhamasti juman asquimataquejja, jan Dios contra tucumti, Diosajj nayampiwa, uqhamat jupajj jan jumar tucjcätamti” sasa.

Joel 3:4

“Tiro, Sidón, uqhamaraqui Filisteo marcanaca, ¿cuns nayampejj lurañ munapjjta? ¿Phoksusiñti munapjjesta? ¿Cuna mancha cobrasiñ munapjjtajja? ¡Janc'aquiw cunatejj waquisqui uc churapjjäma!

Mateo 4:3

Supayasti ucapachajj jac'achasiraquïnwa Jesusar yant'añataqui, aqham sasa: —Jumatejj Diosan yokapästa ucajja, aca kalanacarojj t'ant'ar tucuyam —sasa.

Mateo 8:30

Uca jac'ansti mä tama qhuchiw annokat mank'ascäna.

Marcos 1:24

—¡Nazaretanquir Jesús! ¿Cuna lurañamas nanacamp utji? ¿Nanacar t'unjirit jutta? Nayajj uñt'smawa, yatiractwa jumajj Diosan Yokapätama —sasa.

Marcos 3:11

Ñankha ajayunacasti Jesusar uñjasinjja, nayrakatapar quillt'asisinwa jach'at wararipjjäna: —¡Jumajj Diosan Yokapätawa! —sasa.

Marcos 5:7

Ucatsti, jach'at juparojj art'äna: —¡Jesús, Alajjpachanquir Diosan Yokapa! ¿Cuna lurañamas nayamp utji? Diosan sutiparuw achict'assma, janiquiy t'akhesiyistati —sasa.

Lucas 4:34

—¡Jaytapjjeta! Nazaretanquir Jesús, ¿cuna lurañamas nanacamp utji? ¿Tucjirit jutapjjesta? Nayajj uñt'smawa, yatiractwa jumajj Diosan Yokapätama —sasa.

Lucas 4:41

Walja usutanacataracwa ñankha ajayunacajj mistjjapjjäna aqham arnakt'asisa: —¡Jumajj Diosan Yokapätawa! —sasa. Ucampis Jesusajj tokenokänwa uca ñankha ajayunacarojja. Uqhamasti janiw jupanacarojj arsuycänti, jupanacajj jupan Cristötapa yatipjjatap laycu.

Lucas 8:28

Jesusar uñjasinsti jupajj nayrakataparuw quillt'asi, arnakt'asisa: —¡Jesús, alajjpachanquir Diosan Yokapa!, ¿cuna lurañamas nayamp utji? Achict'assmaw janiy t'akhesiyistati —sasa.

Juan 2:4

Ucampis Jesusajj taycaparojj sänwa: —Warmi, ¿cunatsa nayarojj uc sista? Janïraw horasajjajj purinquiti —sasa.

Hechos 16:17

Uca tawakosti Pablompir nanacampiruw arcnakapjjetu jach'ata arnakasisa: —¡Aca jakenacajj alajjpachanquir Diosaruw sirvipjje. Jumanacarusti khespiyasïwi thacwa yatiyapjjtam! —sasa.

Santiago 2:19

Jumajj iyawstawa mä sapa Diosan utjatapjja, ucsti walic lurasctajja, uqhamjja supayanacas iyawsasipcaraquiwa, ajjsarañatsa qhathatipjjaraquiwa.

2 Pedro 2:4

Diosajj janiw jupa contra juch lurir angelanacarus perdoncänti, jan ucasti infiernoruw jakontänjja, ch'amacanacaruraquiw jayti cadenanacampi ñach'antata taripäwi urutaqui.

Judas 1:6

Uqhamaraqui cawquïr angelanacatejj jan sum imapcäna lurañanacapjja, jan ucasti utjäwinacapjja jaytanucupjjän ucanacarojj Diosajj preso catjjäsisqui jach'a taripäwi urutaqui, ch'amacanacan jan tucusquir wiñay cadenanacamp ñach'antata.

Jueces 11:12

Ucjjarusti Jefté chachajj yatiyirinacwa qhitäna amonitanacan reyiparu aqham sasa jisct'iri: “¿Cunasa camachi naya contra sartasina marcajjaru nuwasiri jutañamataquejja?” sasa.