Mateo 5:7 - Qullan Arunaca

⁷ “Cusisiñanïpjjew qhitinacatejj qhuyapayasirïpqui ucanacajja, Diosasti jupanacatjja qhuyapt'ayasiraquiniwa.

Aymar Bibliia 1986

⁷ “Cusisiñanïpjjew qhitinacatejj qhuyapayasirïpqui ucanacajja, Diosasti jupanacatjja qhuyapt'ayasiraquiniwa.

Qullan Arunaka DC

⁷ “Kusisiñanïpxiw khuyapayirinakaxa, Diosasti jupanakarux khuyapayarakiniwa.

Mateo 5:7 Jak'a apnaqawi uñst'ayäwi

2 Samuel 17:28

Jupanacasti Davidataquejj apapjjaraquïnwa, iquiñanaca, platonaca, ñek'e phuqhunaca, uqhamarac trigo, cebada, jac'u, grano jamp'ita, habas, lentejas,

2 Samuel 22:26

“Tatay, asqui jaketaquejj asquiraquïtawa, jan camscayäqui uca jaketaquis jan camscayaraquïtawa,

Salmos 112:4

Qhuyapayasiñan asqui jakejj, ch'amacan khantir khanjamaw c'ajti.

Salmos 112:9

Jan cunan jakenacaruw churäwinac wajjt'i, jaker qhuyapt'ayañapajj jan tucusquiriwa, jan qhitin camscañaw p'ekep waytaraqui.

Salmos 18:25

Tatay, asqui jaketaquejj asquiraquïtawa, jan camscayäqui uca jaketaquis jan camscayaraquïtawa,

Salmos 37:26

Asqui jakejj sapüruw qhuyapayasi, mayt'araqui, allchhinacapasti asqui catokäwïcaspas uqhamawa.

Proverbios 11:17

Qhuyapayasirïqui ucajj, jupa pachpataquiwa asqui lurasqui, ucampis khorüqui ucasti, jupa pachpataquiwa jan wal lurasqui.

Proverbios 11:25

Qhititï churañ yatqui ucaw juc'amp catoke; churiristi churatapatjamwa catokaraquini.

Proverbios 14:21

Qhititejj jake masipar jisc'achqui ucajja, juchwa luri, ucampis, ¡cusisiñaniwa qhititejj pobre jaketa qhuyapayasqui ucajja!

Proverbios 19:17

Mä pobre jaker mayt'irejj Tatituruw mayt'asqui, ucatsti Tatit pachpawa uca manjja phokjjani.

Isaías 57:1

Asqui jakenacajj jiwarawayjjapjjewa, janiraquiw qhitis llact'asquiti; suma jakenacasti chhaktawayjjapjjaraquiwa, janiraquiw qhitis ucjja amuyquiti, jupanacan ñankhata khespitäjjapjjatapjja,

Daniel (hebreo) 4:27

Uca laycu, jichhajj, jach'a rey, aca ewjja aru ist'ita: Juma, jach'a reyejj, take cunsa chekaparupuni uñjam, janiraqui juc'ampi juchsa lurcjjamti, ñankha luräwinacamsti apanucum, pobrenacaru yanapt'araquim. Inampisa uqhamata, jach'a reyejj, sumancañampina, kamir cancañampina jacascasma sasa.

Oseas 1:6

Gomer warmisti wasitatwa usur jakeptaraquiqui, ucatsti mä imill wawa wawachasiraqui. Tatitojj Oseasarojj sänwa: “Jichhajj uca imill wawarojj Lo-ruhama sas suticham, nayasti janiw juc'amp qhuyapt'aycjjäti Israel marcarojja uca laycu. Janiraquiw perdoncäsa.

Oseas 2:1

Ucapachaw jumanacajj jilanacamarojj sapjjäta: “Diosan marcapa” sasa, cullacanacamarusti: “Qhuyapt'ayata” sasaraqui.

Oseas 2:23

Marcajjarusti orakeruw uscusiraquï, nayataquiquipuniw uscusï; Lo-ruhamatsti qhuyapayasiraquïwa, Lo-amirusti ‘Marcajjätawa’ saraquïwa, Jupasti: ‘¡Diosajjätawa!’ saraquitaniwa.”

Miqueas 6:8

Jake, Tatitojj sistamwa, cunatejj asquïqui ucjja, uqhamarac cuntejj jupajj jumatjja suyqui ucsa; jumajj chekapäqui uc luram, qhuyapayasiriraquim, uqhamarac Tatit Diosamarus alt'at chuymamampirac jaysam.

Marcos 11:25

Diosat mayiscasajja, perdonapjjam qhitimpitejj jan walincapctas ucaru, alajjpachanquir Awquimajj juchanacamat perdonañapataquiraqui.

Lucas 6:35

Ucampis jumanacajj uñisirinacamarojj munapjjañanacamawa, asqui lurapjjañamaraquiwa, uqhamarac mayt'apjjañamaw jan cuns catokañampi. Uqhamatwa jumanacan catokañanacamajj jach'äni, jumanacasti Alajjpach Dios Awquin wawanacapäpjjätawa. Diosajj qhuyapayasiriraquiw, jupar jan yuspagaririnacatsa, juchararanacatsa.

Romanos 11:30

Ucampis jumanacajj nayrajj Diosarojj janiw jaysapcäyätati, jichhasti judionacan jan jaysapjjatap laycuwa Diosajj jumanacatjja qhuyapt'asipjjtamjja.

1 Corintios 7:25

Qhitinacatejj jan casadöpqui ucanacataquejj janiw cuna sañajjas Diosatjja utjquituti, ucampis nayajj ewjja arunacajjacwa churañ munaracta Diosan wawapjama.

2 Corintios 4:1

Uqhamasti janiw nanacajj karjasipcti, Diosasti qhuyapayasiñapanwa aca luräwjja nanacar catuyapjjaraquitu.

Efesios 4:32

Sumancapjjam, maynit maynicama qhuyapt'ayasirïpjjam, perdonasirïpjjaraquim maynit maynicama, cunjämtejj Diosajj jumanacaru perdonapjjtam Cristo toke uqhama.

Colosenses 3:12

Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam.

1 Timoteo 1:13

Nayrajj jan wali arunacampiw jupa toke parlasa jisc'achäyäta, uñisisaw arcnakaraquïyäta. Uqham lurctsa ucasa, Diosajj nayarojj qhuyapayasituwa, ucapachajj nayajj janïraw iyawsirïcäyätti, janiraquiw cuntejj lurcäyäta ucjja yatcäyätti.

1 Timoteo 1:16

Ucatwa Diosajj nayatjja qhuyapayasitänjja, Jesucristojj nayjjaru take munasiñapa uñacht'ayañapataqui. Uqhamatwa nayajj nayrakat iyawstjja, nayar uñtasina mayninacajj jupar iyawsapjjañapataqui, uqhamat wiñay jacañanïpjjañapataqui.

Hebreos 4:16

Uca laycuw iyawsañasampi jac'achasiñasa munasir Dios Awquisan tronoparojja, jiwasat qhuyapt'ayasiñapataqui, uqhamarac munasiñapata jiwasar yanapt'añapataqui, p'ist'ayasctan uca horasanacana.

Hebreos 6:10

Diosasti asquiwa, janiw armascaniti cuntejj lurapcta, uqhamarac munasiñanacamsa uñacht'ayapjjaracta Diosanquir jilatanacar yanapt'asina ucanacatjja. Jichhacamas ucjj lurasipcactawa.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.

Santiago 3:17

Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje.

1 Pedro 2:10

Jumanacajj nayrajj janiw mä marcäpcäyätati, jichhasti Diosan marcapäjjapjjtawa. Nayrajj janiw qhitis jumanacatjj qhuyapayascänti, ucampis jichhajj Diosaw qhuyapayasjjapjjtam.